Աստվածաշնչի հայտնի հատվածներ XÓ NI̱GI̱ꞋDU̱U̱N-MUU 18-ից

Կիսվել

Á ríga̱ rí mingíjiúu inu̱ꞌ ikhúúnꞌ rá dxe̱ꞌ. Ma̱tangu̱ún máꞌ ma̱ꞌkha gáya̱a̱ꞌlo̱ꞌ, ikhaa máꞌ mbiꞌi rí ni̱tha̱a̱nꞌ, xíríga̱á rí i̱mba̱ tsígu. Sára̱ gíꞌdaa máꞌ ada̱ xúꞌkhue̱n rá.

Ikhaa jngó ninduꞌwá Sára̱ ná awúun a̱kui̱i̱n rí nindxaꞌwá-mine̱e̱ꞌ: «Á ma̱gúꞌdo̱ꞌ gagi rí nikhiu̱ún guéño, xí táta̱ nikhi̱i̱ máꞌ mangaa rá».

Numuu rí ikhaa Abraám ma̱nindxu̱u̱ mbá xuajen mba̱a̱ jamí gakhi̱i̱. Xúꞌkhue̱n máꞌ ná majiu̱u̱nꞌ ikhaa̱ ma̱gu̱ma-tsakun-ráma mbá xúgíí xuajen inuu numba̱a̱.

A̱ꞌkhue̱n rí Abraám nixuꞌma-mina̱ꞌ i̱tháan ná inuu̱, jamí niꞌthúu̱n: ―Á ma̱tha̱ne̱ gámba̱a̱ꞌ tsí májáan ga̱jma̱á tsí ra̱májáan mangaa rá. Gáꞌne xí júwa̱ꞌ a̱jma̱ skíñú gu̱wi̱inꞌ (50) xa̱bo̱ tsí májíin ná awúun xuajen. Á ma̱tha̱ne̱ gámba̱a̱ꞌ ne̱ rá. Á ma̱xátha̱ne̱-lá mba̱a̱ a̱kia̱a̱nꞌ xtayáá xuajen, numuu rí nañáwíin a̱kia̱a̱nꞌ xtañúú tsí a̱jma̱ skíñú gu̱wi̱inꞌ rá.

A̱ꞌkhue̱n rí Ana̱ꞌlóꞌ Mikhuíí niriꞌña̱a̱: ―Xí ná xuajen Sodóma̱ ma̱xkamii a̱jma̱ skíñú gu̱wi̱inꞌ (50) tsí májíin, ma̱ne̱ mba̱a̱ a̱kui̱nꞌ ja̱yo̱o̱ mbá xúgíí xuajen, numuu rí nañáwíin a̱kui̱nꞌ ja̱ñúu̱.