Աստվածաշնչի հայտնի հատվածներ Lk 14-ից

Կիսվել

“Wi junaq taachalq wik'in ut ink'a' q'axal tinxra chiru li xna' xyuwa', li rixaqil, eb' li ralal xk'ajol, li ras riitz'in, eb' li ranab' ut li xyu'am ajwi', ink'a' naru taawanq cho'q intzolom.

Ani ink'a' tixpaqo li xkrus ut tinxtaaqe, ink'a' naru taawanq cho'q intzolom.

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

Jo'kan naq yalaq ani eere laa'ex li ink'a' tixkanab' chixjunil li xjunkab'lal, ink'a' naru taawanq cho'q intzolom.

“Xb'aan naq, wi junaq eere taaraj xyiib'ankil junaq kab'l najt xteram, ma ink'a' tab'i' tixk'ojob' rib' xb'enwa chi xb'irb'al rix jo'nimal tixsach: ma tz'aqal li xtumin re xchoyb'al li kab'l? Mare anchal ka'ajwi' tixk'e li rub'elankil, ut ink'a' taaruhanq chi xchoyb'al. Jo'kan naq chixjunileb' li te'iloq re te'xtikib' xse'enkil: «Li winq a'in xtikib' kab'lak ut ink'a' xru chi xchoyb'al», cha'qeb'.

Naq laa'at taab'aanu junaq xnimal wa'ak, b'oqeb' chaq li neb'a', li toqol, li yeq, li mutz', ut taataw xsahil aach'ool rik'in naq ink'a' te'ruuq xk'eeb'al reeqaj aawe: toj sa' li xwaklijikeb' chi yo'yo li tiikeb' xch'ool taak'eemanq aaq'ajkamunkil.

“Chaab'il li atz'am, ab'an wi li atz'am taasachq ajwi' xsahil, k'a' chik ru taa'atz'amiiq wi'? Maak'a' chik taa'ok wi': chi moko re li ch'och' chi moko re li tz'eqleb'aal mul; tento naq taatz'eqmanq. Li wank xxik re ab'ink, chi'ab'inq”.