Աստվածաշնչի հայտնի հատվածներ Simuluho 18-ից

Կիսվել

Kana ku Muñ'a Bupilo ku na ni se si pala, na? Ka nako ye lukela, ili mwa kweli ya busupa ni ze peli, ni ta kutela ku wena, mi ka yona nako yeo, Sara u ta ba ni mwana.”

Hona fo Sara a sehela mwa pilu, a li, “Cwale na kuli ni pepe mwa bucembele bwa ka bo! Kana ni sa nahanelwa ku tabela ze cwalo, nji? Hape ni mun'a ka s'a supezi!”

Lusika lwa hae, lu ta ba sicaba se situna, se si maata, mi mafasi kamukana a ta kupa ku fuyaulwa sina yena.

Abrahama a sutelela ku yena mi a mu buza, a li, “Kikuli luli u hupula ku bulaelela ba ba si na mulatu hamoho ni ba ba fosize, nji? Haiba ku na ni batu ba mashumi a ketalizoho ba ba lukile mwa munzi mo, kikuli u ta u sinya, na? Kana ha u na ku u tuhela ili ku pilisa ba mashumi a ketalizoho bao?

Muñ'a Bupilo a alaba, a li, “Haiba ni ka fumana ba mashumi a ketalizoho ba ba lukile mwa Sodoma, ni ta swalela munzi kaufela kabakala bona bao.”