URA TIN AYRA 9
9
Lona vi galamba u Nowa
1Lona paɗ vunum ki kay Nowa u goryom, dasi ana, «Zulugiya, oyogi yam ndaŋgara kiyo.#Ura 1.28 2Mburina u layagina, kulufna u tlesuu iirina hu ndaŋgara halaŋ ŋgay tasi kogiya, lagi ndaaragiya, an hinigisina ni magiya. 3Tlesuu poy kay ndaŋgara iirina halaŋŋi a tiigina, an ɦagisina ni ko ndal an ɦagi hum tlena a tira na may. Tle asina halaŋ an ɦagisina ni magiya. 4Na may ni agi komogi tliw ma u iiri mamba hurummaɗi, ni di ana ma u busuɗum hurumma.#Lev. 7.26-27; 17.10-14; 19.26; Gaɗ. 12.16,23; 15.23 5Agi may ni iiri magira ka ni duk busuɗugiya, an hin joɓoɗ dlaɗu, mbuu ma ci sana cina an hin joɓom dlam kiyo, sa ma ci ndaramma kina, an hin joɓom dlam lay. Iirira vi sanara, an hin joɓoɗ dlaɗu.
6Sa ma vo busu sana kina,
sa hin voom busuɗum kini voy may.
Kay Lona li sana ko tamba na.#Ura 1.26; Kal. 20.13
7Agi vuɗugi goora, zulugi coco kay ndaŋgara, oyoɗ yaɗ kiyo.»#Ura 1.28
8Lona di Nowa u goryom ana, 9«An vi galamba u agiya u njafagi lay, 10u tlesuu iiri suu ŋguyugina halaŋ, layagina, yoorina u mburina u tlesuu sel ay ki hu lumbana halaŋ, tlesuu hin kak ha iiri kay ndaŋgara fokŋa lay. 11Gola ni Galamba an vaɗ u agira, u tlesuu iirina halaŋ, gak gak hu li ma njaf suu warna ka kay ndaŋgara tuna, an ka ɓalak ndaŋdgara u mbona oloɗi.»
12Lona di olo ana, «Gola ni va ma tak ki kay galam manda an vaɗ u agira, u tlesuu iirina halaŋ, gak gak hu li ma njaf suu warna ka kay ndaŋgara tuna. 13An ɓal sun ki kolo hu ɗugulla a tak ana ni galam manda an vaɗ u tlesuu kay ndaŋgarana. 14Hu li ma ɗugulla tin ki kolo wa ni suuna hin wi su Lona ki ɓali kolo duku, 15ni an hin saa kay galam manda an vaɗ u agira, u njaf tlesuu iirina halaŋ. Mbo ma ŋgol ka tli kay ndaŋgara a ba iirina vi va ki oloɗi. 16Hu li ma an wi su Lona ɓali kolo wa ni an hin saa kay galam manda dindinda an vaɗ u tlesuu iirina kay ndaŋgara halaŋga.» 17Lona hoŋ di boy namma maŋ Nowa olo, «Su Lona ni vara tak ki kay Galamba an vaɗ u tlesuu iiri suu kay ndaŋgara halaŋŋa.»
Nowa u goryom suu hindina
18Ni goryoŋ Nowa suu cuk ay ki hu lumbana, Sem, Kam u Jafet. Kammi bu Kanaanna. 19U goryoŋ Nowa suu hindi asina suuna zuli kay ndaŋgara halaŋŋi u njafasiya.
20Nowa ni sa ma gijaŋ horokŋa ay jewna, nam horok sene gugutlura. 21Fali taa dew nam ci sum gugutlura guruɗ kiyo, fok tam ki siili halaŋ vo hu ziimu. 22Kam ma bu Kanaanna wi bum ay ki siilira na ni, nam tuɗ jok boy namma ha ki maŋ gorsem suu mbana buruwa. 23Sem u Jafet yow barawna ay kelesiya, tuɗ ay u ŋgorosi dagani, mba baram kay busiya. Asi gol irisi ha ki dagan na ɗow kay a wi siilira vi busi u irisiɗi.
24Nowa irim ɗili ɗilni, hum dlara gorom ma goona lamba egemba. 25Nam gam vunna ana,
«Kanaan ba ki na ta,
nam hin duk gorsemma ni a mbaɓu masina.»
26Nam hin di hu olo ana,
«Gi deɓ Yawe, Lona vi Sem,
Kanaanni ana mbaɓu ma vi Semma.
27Ko Lona zul njafna vi Jafetna,
min ziimma vi Sem may.
Kanaanni a mbaɓu masina.»
28Nowa li basara ŋgoo mbo ŋgol ma tli kay ndaŋgarana ni 350. 29Nam miɗni li basara 950.
Արդեն Ընտրված.
URA TIN AYRA 9: BMS
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Bible Moussey © Bible Society of Chad, 2002.
URA TIN AYRA 9
9
Lona vi galamba u Nowa
1Lona paɗ vunum ki kay Nowa u goryom, dasi ana, «Zulugiya, oyogi yam ndaŋgara kiyo.#Ura 1.28 2Mburina u layagina, kulufna u tlesuu iirina hu ndaŋgara halaŋ ŋgay tasi kogiya, lagi ndaaragiya, an hinigisina ni magiya. 3Tlesuu poy kay ndaŋgara iirina halaŋŋi a tiigina, an ɦagisina ni ko ndal an ɦagi hum tlena a tira na may. Tle asina halaŋ an ɦagisina ni magiya. 4Na may ni agi komogi tliw ma u iiri mamba hurummaɗi, ni di ana ma u busuɗum hurumma.#Lev. 7.26-27; 17.10-14; 19.26; Gaɗ. 12.16,23; 15.23 5Agi may ni iiri magira ka ni duk busuɗugiya, an hin joɓoɗ dlaɗu, mbuu ma ci sana cina an hin joɓom dlam kiyo, sa ma ci ndaramma kina, an hin joɓom dlam lay. Iirira vi sanara, an hin joɓoɗ dlaɗu.
6Sa ma vo busu sana kina,
sa hin voom busuɗum kini voy may.
Kay Lona li sana ko tamba na.#Ura 1.26; Kal. 20.13
7Agi vuɗugi goora, zulugi coco kay ndaŋgara, oyoɗ yaɗ kiyo.»#Ura 1.28
8Lona di Nowa u goryom ana, 9«An vi galamba u agiya u njafagi lay, 10u tlesuu iiri suu ŋguyugina halaŋ, layagina, yoorina u mburina u tlesuu sel ay ki hu lumbana halaŋ, tlesuu hin kak ha iiri kay ndaŋgara fokŋa lay. 11Gola ni Galamba an vaɗ u agira, u tlesuu iirina halaŋ, gak gak hu li ma njaf suu warna ka kay ndaŋgara tuna, an ka ɓalak ndaŋdgara u mbona oloɗi.»
12Lona di olo ana, «Gola ni va ma tak ki kay galam manda an vaɗ u agira, u tlesuu iirina halaŋ, gak gak hu li ma njaf suu warna ka kay ndaŋgara tuna. 13An ɓal sun ki kolo hu ɗugulla a tak ana ni galam manda an vaɗ u tlesuu kay ndaŋgarana. 14Hu li ma ɗugulla tin ki kolo wa ni suuna hin wi su Lona ki ɓali kolo duku, 15ni an hin saa kay galam manda an vaɗ u agira, u njaf tlesuu iirina halaŋ. Mbo ma ŋgol ka tli kay ndaŋgara a ba iirina vi va ki oloɗi. 16Hu li ma an wi su Lona ɓali kolo wa ni an hin saa kay galam manda dindinda an vaɗ u tlesuu iirina kay ndaŋgara halaŋga.» 17Lona hoŋ di boy namma maŋ Nowa olo, «Su Lona ni vara tak ki kay Galamba an vaɗ u tlesuu iiri suu kay ndaŋgara halaŋŋa.»
Nowa u goryom suu hindina
18Ni goryoŋ Nowa suu cuk ay ki hu lumbana, Sem, Kam u Jafet. Kammi bu Kanaanna. 19U goryoŋ Nowa suu hindi asina suuna zuli kay ndaŋgara halaŋŋi u njafasiya.
20Nowa ni sa ma gijaŋ horokŋa ay jewna, nam horok sene gugutlura. 21Fali taa dew nam ci sum gugutlura guruɗ kiyo, fok tam ki siili halaŋ vo hu ziimu. 22Kam ma bu Kanaanna wi bum ay ki siilira na ni, nam tuɗ jok boy namma ha ki maŋ gorsem suu mbana buruwa. 23Sem u Jafet yow barawna ay kelesiya, tuɗ ay u ŋgorosi dagani, mba baram kay busiya. Asi gol irisi ha ki dagan na ɗow kay a wi siilira vi busi u irisiɗi.
24Nowa irim ɗili ɗilni, hum dlara gorom ma goona lamba egemba. 25Nam gam vunna ana,
«Kanaan ba ki na ta,
nam hin duk gorsemma ni a mbaɓu masina.»
26Nam hin di hu olo ana,
«Gi deɓ Yawe, Lona vi Sem,
Kanaanni ana mbaɓu ma vi Semma.
27Ko Lona zul njafna vi Jafetna,
min ziimma vi Sem may.
Kanaanni a mbaɓu masina.»
28Nowa li basara ŋgoo mbo ŋgol ma tli kay ndaŋgarana ni 350. 29Nam miɗni li basara 950.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Bible Moussey © Bible Society of Chad, 2002.