Genesis 13
13
Nan Ninsiyanan Da Abram Ken Lot
13:1-18
1Idi kinmaan da Abram id Egipto et inmeyda kasin isnan abagatan di Canaan et nakkey da Lot. 2Si Abram et kinmadakadangyan tay wada nan adoado ay kalnilona, kalding, baka, balitok ya nan tap-in di nabanol ay bonagna. 3Kinmaanda kasin isdi et nin-at-atonda isnan kailiili ay menpaey id Betel et datnganda kasin san bilig ay ninteteanda id kasin ay ninbaetan nan Betel ya Ai 4ay nangsapowana isnan mangpop-oowana is igasgasingna isnan apo et daydayawen Abram nan apo isdi.
5Si Lot et wada gedan nan pamilyana ya nan baana, nan ad-ado ay kalnilo, kalding ya nan bakana 6isonga adi omanay nan menpastolanda ay dowa no mapoponokda tay adoadoado nan talakenda ya wada gedan nan talaken nan iCanaan ya nan tap-in di ipogaw isdi. 7Isonga kasasanape nan mangbanbantay isnan talaken da Abram ken Lot. 8Dat kanan Abram ken Lot, “Kaanakak sik-a et nan babaam ya nan babaak et adida koma mensapsape isonga masapol ay mensiyanta. 9Dakkel nan naay ay ili. Kadya, menpilika is laydem is omayanyo. No laydem ay omey isnan teken et menteteak isna ngem no isna nan laydem et omeyak abes isnan teken.”
10Idi kinwanina di dat mentamaang si Lot isnan batog nan balaan di agew et ilana nan nadadata ay annaannawa ay sag-en di ginawang ay Jordan enggana id Zoar. (Siya di din egay pay laeng nang-engewan nan apo isnan ili ay Sodoma ya Gomorra.) Inilana ay adoado nan danom ya gawis nan lota isdi ay kaneg id Eden ya nan daga id Egipto 11isonga siya di nan pinilina. Inmeyda isdi ay sinbaey ay nanakkey nan babaana ya nan talakena. Siya na nan inkakkan da Abram ken Lot ay ninsiyan. 12Da Abram et nataynanda id Canaan dapay omey da Lot isnan nadadata ay sag-en di ginawang ay Jordan ay kad-an di il-ili. Dadat mentee isnan benget nan ili ay Sodoma. 13Nan ipogaw isdi et ngawi nan ik-ikkanda et dadama nan basolda isnan apo.
14Idi kinmaan da Lot dat kanan nan apo ken Abram, “Isnan kad-am et tamaangem ay gawis nan am-in ay naliliwes 15tay idyak ken sik-a ya nan ap-om nan am-in ay iilaem et kowayo ay eng-enggana. 16Awnitak agtan sik-a is adoadoado ay apo et maiwed makabilang ken daida am-in nodi nalaklaka ay mabilang nan lagan isnan batawa no daida. 17Id wani omeyka ta tamaangem nan dakedake ay ili isna tay idyak am-in ken sik-a.” 18Isonga dat men-aton da Abram et menteeda isnan sag-en nan kak-aiw id Mamre id Hebron dat mensapo isdi is mangpop-oowana is igasgasingna isnan apo.
Արդեն Ընտրված.
Genesis 13: xnn
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
Genesis 13
13
Nan Ninsiyanan Da Abram Ken Lot
13:1-18
1Idi kinmaan da Abram id Egipto et inmeyda kasin isnan abagatan di Canaan et nakkey da Lot. 2Si Abram et kinmadakadangyan tay wada nan adoado ay kalnilona, kalding, baka, balitok ya nan tap-in di nabanol ay bonagna. 3Kinmaanda kasin isdi et nin-at-atonda isnan kailiili ay menpaey id Betel et datnganda kasin san bilig ay ninteteanda id kasin ay ninbaetan nan Betel ya Ai 4ay nangsapowana isnan mangpop-oowana is igasgasingna isnan apo et daydayawen Abram nan apo isdi.
5Si Lot et wada gedan nan pamilyana ya nan baana, nan ad-ado ay kalnilo, kalding ya nan bakana 6isonga adi omanay nan menpastolanda ay dowa no mapoponokda tay adoadoado nan talakenda ya wada gedan nan talaken nan iCanaan ya nan tap-in di ipogaw isdi. 7Isonga kasasanape nan mangbanbantay isnan talaken da Abram ken Lot. 8Dat kanan Abram ken Lot, “Kaanakak sik-a et nan babaam ya nan babaak et adida koma mensapsape isonga masapol ay mensiyanta. 9Dakkel nan naay ay ili. Kadya, menpilika is laydem is omayanyo. No laydem ay omey isnan teken et menteteak isna ngem no isna nan laydem et omeyak abes isnan teken.”
10Idi kinwanina di dat mentamaang si Lot isnan batog nan balaan di agew et ilana nan nadadata ay annaannawa ay sag-en di ginawang ay Jordan enggana id Zoar. (Siya di din egay pay laeng nang-engewan nan apo isnan ili ay Sodoma ya Gomorra.) Inilana ay adoado nan danom ya gawis nan lota isdi ay kaneg id Eden ya nan daga id Egipto 11isonga siya di nan pinilina. Inmeyda isdi ay sinbaey ay nanakkey nan babaana ya nan talakena. Siya na nan inkakkan da Abram ken Lot ay ninsiyan. 12Da Abram et nataynanda id Canaan dapay omey da Lot isnan nadadata ay sag-en di ginawang ay Jordan ay kad-an di il-ili. Dadat mentee isnan benget nan ili ay Sodoma. 13Nan ipogaw isdi et ngawi nan ik-ikkanda et dadama nan basolda isnan apo.
14Idi kinmaan da Lot dat kanan nan apo ken Abram, “Isnan kad-am et tamaangem ay gawis nan am-in ay naliliwes 15tay idyak ken sik-a ya nan ap-om nan am-in ay iilaem et kowayo ay eng-enggana. 16Awnitak agtan sik-a is adoadoado ay apo et maiwed makabilang ken daida am-in nodi nalaklaka ay mabilang nan lagan isnan batawa no daida. 17Id wani omeyka ta tamaangem nan dakedake ay ili isna tay idyak am-in ken sik-a.” 18Isonga dat men-aton da Abram et menteeda isnan sag-en nan kak-aiw id Mamre id Hebron dat mensapo isdi is mangpop-oowana is igasgasingna isnan apo.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.