Matthew 6
6
Chaptergē Lthūunilth.
1TUMAN lth agung kingo, waigen kum lth hāada hangku saouhadan kin unga istaangu ltha kānḡēanā: kum waikingān edānstlo, dalung Auug shā isis stāhā kum giasougē dalung daāngshang.
2Altsīilth tlīstluan saouhadan kin unga dung istastlo, tliku ltha kwutungēstungs churchnē hudila ā isken, kūkitias ā ishin ēdungs kingān lth kum kwunast agung kin hēgundang lth hāada ltha an yākwudungēanā. Yenkien dalung lth shūdang, giasougē unga ltha istang.
3Waigen tlīstluan saouhadan kin unga dung istastlo, kum stlangust stlē unga anūnshitānda, tliku soolgust stlē unga alth kin dung istasa.
4Saouhadan kin dānga isis kwulgung gāgēanā: waigen dung Aung wai kingkwolthtasi giasougē washt dung an astlāshang.
5Waigen tlīstluan singelthkang dalung gūshūstlo, kum ltha kwutungēstungs kingān kwutungē unga edāngōga: churchnē hudila ā isken, kū gudi kiatawas kātli ā ishin singelthkang gūshū tlazūgiangē ltha kwoyādang lth hāada ltha kāngēanā. Yenkien dalung lth shūdang, giasougē unga ltha istang.
6Waigen tlīstluan singelthkang dung gūshūstlo, nē hutsu ai lth unga katsi, waigen kūwē wau unga dung daaskitsista, dung Aung agung saalgādas ā lth singelthkang gūshu, waigen dung Aung wai kingkwolthtasi giasougē washt dung an astlāshang.
7Tlīstluan singelthkang dalung gūshūstlo, kum lth hetgwaulana touilung kingān gūshū kwan lth giandāngōḡa: ltha gūshū kwans althlu ltha kil lthanga il kwudungasang ltha kwudungsi althlā.
8Altsīilth kum ltha kingān edāngu: dalung Aung kin ga dalung īstatlas anūnshits althlā lā alth dalung kiānungsēs kwunastā.
9Altsīilth adshi kingān singelthkang lth gūshū: Ītil Aung shā dung isis: agwan lth kēyi unga kwoyāda: agwan lth kingdom althgwi unga ista.
10Hētk tligē an dung kwuduns kingān lth shāgē kingān edē:
11Shantlan wautliwan singwud tou ītil ga lth ista:
12Ītil dāungas kalthshint lth kwutung: ītil an ga dāungas gē kalthshint talung kwutunḡuns kingān.
13Kum ga dāungas gē shū ītil istaldāng, waigen nung dāungas stāhā ītil kaginda.
14Lth hāada kin dāunga istas kalthshint dalung kwutungsken, dalung Aung shā isis dalung kalthshint ishin kwutungsang.
15Waigen lth hāada kin dāunga istas kum kalthshint dalung kwutungānsken, dalung Aung shā isis kum dalung kalthshint ishin kwutungāngsang.
16Altsīilth tlīstluan dalung kīsalstlo, kum kwutungēstunglēilung hangsahaiḡāḡuns kingān edāngu: hangi unga ltha kālunḡuns althlā, ltha kīsals lth hāada kānḡēan. Yenkien dalung ga lth shūḡung, giasougē unga ltha dāēlgun.
17Waigen tlīstluan dung kīsalstlo kats unga lth touda, waigen hangi unga lth tlin;
18Waigen dung kīsals lth hāada kum kingāngēana. Dung Aung agung saalgādas dung kānḡēanā. Dung il kingasang, waigen giasougē washt dung an il daastlāshang.
19Kum hētk tligē gwau kin kwoyās kinung an gwudingwi lth istatlāngo, giouk stlakum isken, whaudūnā ishin kin tasgwau, waigen giouk kwolthtalēilung kin skokwutuljasken ltha kwolthtagunsgwau.
20Shā tligē gwau kin kwoyās kinung an gwudingwi lth istatlou giouk kum stlakum isken, whaudūnā ishin kin tānsgwau, waigen giouk kwolthtalēilung kum kin skokwutuljānsken kum kwolthtagunānsgwau.
21Tlītzan kin kwoyās dānga isisken dung kwutungē ishin gu isisang.
22Ltha tlu annu lth hangi kāsotouāgung: dung hangi lāsken, dung tlu tliskwan hatgā alth stāougāshang.
23Waigen dung hangi dāungasken, dung tlu tliskwan halga alth stāougāshang. Altsīilth dung hatgā isis halgastlo, kīslu halgagē yūanasin.
24Kum tliku nung ītlinga ētlagida stung an lthāangwiliē klingē kāng gaanḡung: nung swaun telga il kingsken, nung kalat il kwoyādāsang: nung swaun alth il stungsken, nung kalat ga il gwouāsang. Kum tliku Shānungetlagidas an dalung lthāangwiliē klingē kāng gaanḡung, waigen dālā an ishin.
25Altsīilth hin dalung lth shūdang, kum hēninga unga addu kwulthilthāngu: kin talung tāasēs isken, kin talung nīlthasēs ishin: tlu unga kin giandasēs ishin. Kum gu tou telgu hēninga edāng us? waigen kum gu kin giandatlingē telgu tlu edāngus?
26Kwoking, siēt ettit īchings kum kin tlidzaḡungānḡung: kum kin tlīīdungānḡung, waigen tou nē ai kum kin tatlingē gwuda ū istaḡungānḡung, waigen dalung Aung shā isisu ltha tanudagunḡung. Kum gu ltha telgu dalung lāang us?
27Dalung swaun kwulthilthyūansken, stē kīsku hinawē gu il zuwē tlajingēlth us?
28Kashintlou kin giandatlingē addu dalung kwulthilthgunḡung: kwulthkadis kātli ā stlakistā tliku inastlatlidzūs addu lth kwulthiltho: kum lthāangwilgungāngung, waigen kum hādang kin tliskādsulanḡungānḡung:
29Waigen hin dalung ga lth shūgung, Solomon anyākwudungāḡang tlo, kum ashgē swaun kingān kin il giandatlidzuānḡangang.
30Altsīilth Shānungetlagidas kwulthkadis kātli kun isis kin giandadastlo, aiata kougung, waigen adātlth zanowē ā īching. Kum gu wautelgu kin dalung il giandadāngashā us? O klingān dalung yetasgē:
31Kum hin lth shūāngu, gūshu talung tāasin, gūshu talung nīlthasin: gūshu talung giandāsin, kum lth hin shūāngu, waigen kum addu lth kwulthilthāngu.
32Ā kin isis wautliwan da gwaigangē wautliwan kingsi althlā. Ā kin isis wautliwan ga dalung istatlas annu dalung Aung shā isis anūnshītung.
33Kingdom ga lth langa king tlāgangu, waigen kin lā langa isis wautliwan ishin, waigen ā kin isis wautliwan dalung an kwaiundiāshang.
34Kum adātlth-tligē addu kwulthilthāngu: adātlth-tligē kwodanan adang kwulthilthasang. Sin saasgu kin dāunga alth unga skistliāgunḡung.
Արդեն Ընտրված.
Matthew 6: HAIDA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
First published by the British and Foreign Bible Society 1891-1899.
Matthew 6
6
Chaptergē Lthūunilth.
1TUMAN lth agung kingo, waigen kum lth hāada hangku saouhadan kin unga istaangu ltha kānḡēanā: kum waikingān edānstlo, dalung Auug shā isis stāhā kum giasougē dalung daāngshang.
2Altsīilth tlīstluan saouhadan kin unga dung istastlo, tliku ltha kwutungēstungs churchnē hudila ā isken, kūkitias ā ishin ēdungs kingān lth kum kwunast agung kin hēgundang lth hāada ltha an yākwudungēanā. Yenkien dalung lth shūdang, giasougē unga ltha istang.
3Waigen tlīstluan saouhadan kin unga dung istastlo, kum stlangust stlē unga anūnshitānda, tliku soolgust stlē unga alth kin dung istasa.
4Saouhadan kin dānga isis kwulgung gāgēanā: waigen dung Aung wai kingkwolthtasi giasougē washt dung an astlāshang.
5Waigen tlīstluan singelthkang dalung gūshūstlo, kum ltha kwutungēstungs kingān kwutungē unga edāngōga: churchnē hudila ā isken, kū gudi kiatawas kātli ā ishin singelthkang gūshū tlazūgiangē ltha kwoyādang lth hāada ltha kāngēanā. Yenkien dalung lth shūdang, giasougē unga ltha istang.
6Waigen tlīstluan singelthkang dung gūshūstlo, nē hutsu ai lth unga katsi, waigen kūwē wau unga dung daaskitsista, dung Aung agung saalgādas ā lth singelthkang gūshu, waigen dung Aung wai kingkwolthtasi giasougē washt dung an astlāshang.
7Tlīstluan singelthkang dalung gūshūstlo, kum lth hetgwaulana touilung kingān gūshū kwan lth giandāngōḡa: ltha gūshū kwans althlu ltha kil lthanga il kwudungasang ltha kwudungsi althlā.
8Altsīilth kum ltha kingān edāngu: dalung Aung kin ga dalung īstatlas anūnshits althlā lā alth dalung kiānungsēs kwunastā.
9Altsīilth adshi kingān singelthkang lth gūshū: Ītil Aung shā dung isis: agwan lth kēyi unga kwoyāda: agwan lth kingdom althgwi unga ista.
10Hētk tligē an dung kwuduns kingān lth shāgē kingān edē:
11Shantlan wautliwan singwud tou ītil ga lth ista:
12Ītil dāungas kalthshint lth kwutung: ītil an ga dāungas gē kalthshint talung kwutunḡuns kingān.
13Kum ga dāungas gē shū ītil istaldāng, waigen nung dāungas stāhā ītil kaginda.
14Lth hāada kin dāunga istas kalthshint dalung kwutungsken, dalung Aung shā isis dalung kalthshint ishin kwutungsang.
15Waigen lth hāada kin dāunga istas kum kalthshint dalung kwutungānsken, dalung Aung shā isis kum dalung kalthshint ishin kwutungāngsang.
16Altsīilth tlīstluan dalung kīsalstlo, kum kwutungēstunglēilung hangsahaiḡāḡuns kingān edāngu: hangi unga ltha kālunḡuns althlā, ltha kīsals lth hāada kānḡēan. Yenkien dalung ga lth shūḡung, giasougē unga ltha dāēlgun.
17Waigen tlīstluan dung kīsalstlo kats unga lth touda, waigen hangi unga lth tlin;
18Waigen dung kīsals lth hāada kum kingāngēana. Dung Aung agung saalgādas dung kānḡēanā. Dung il kingasang, waigen giasougē washt dung an il daastlāshang.
19Kum hētk tligē gwau kin kwoyās kinung an gwudingwi lth istatlāngo, giouk stlakum isken, whaudūnā ishin kin tasgwau, waigen giouk kwolthtalēilung kin skokwutuljasken ltha kwolthtagunsgwau.
20Shā tligē gwau kin kwoyās kinung an gwudingwi lth istatlou giouk kum stlakum isken, whaudūnā ishin kin tānsgwau, waigen giouk kwolthtalēilung kum kin skokwutuljānsken kum kwolthtagunānsgwau.
21Tlītzan kin kwoyās dānga isisken dung kwutungē ishin gu isisang.
22Ltha tlu annu lth hangi kāsotouāgung: dung hangi lāsken, dung tlu tliskwan hatgā alth stāougāshang.
23Waigen dung hangi dāungasken, dung tlu tliskwan halga alth stāougāshang. Altsīilth dung hatgā isis halgastlo, kīslu halgagē yūanasin.
24Kum tliku nung ītlinga ētlagida stung an lthāangwiliē klingē kāng gaanḡung: nung swaun telga il kingsken, nung kalat il kwoyādāsang: nung swaun alth il stungsken, nung kalat ga il gwouāsang. Kum tliku Shānungetlagidas an dalung lthāangwiliē klingē kāng gaanḡung, waigen dālā an ishin.
25Altsīilth hin dalung lth shūdang, kum hēninga unga addu kwulthilthāngu: kin talung tāasēs isken, kin talung nīlthasēs ishin: tlu unga kin giandasēs ishin. Kum gu tou telgu hēninga edāng us? waigen kum gu kin giandatlingē telgu tlu edāngus?
26Kwoking, siēt ettit īchings kum kin tlidzaḡungānḡung: kum kin tlīīdungānḡung, waigen tou nē ai kum kin tatlingē gwuda ū istaḡungānḡung, waigen dalung Aung shā isisu ltha tanudagunḡung. Kum gu ltha telgu dalung lāang us?
27Dalung swaun kwulthilthyūansken, stē kīsku hinawē gu il zuwē tlajingēlth us?
28Kashintlou kin giandatlingē addu dalung kwulthilthgunḡung: kwulthkadis kātli ā stlakistā tliku inastlatlidzūs addu lth kwulthiltho: kum lthāangwilgungāngung, waigen kum hādang kin tliskādsulanḡungānḡung:
29Waigen hin dalung ga lth shūgung, Solomon anyākwudungāḡang tlo, kum ashgē swaun kingān kin il giandatlidzuānḡangang.
30Altsīilth Shānungetlagidas kwulthkadis kātli kun isis kin giandadastlo, aiata kougung, waigen adātlth zanowē ā īching. Kum gu wautelgu kin dalung il giandadāngashā us? O klingān dalung yetasgē:
31Kum hin lth shūāngu, gūshu talung tāasin, gūshu talung nīlthasin: gūshu talung giandāsin, kum lth hin shūāngu, waigen kum addu lth kwulthilthāngu.
32Ā kin isis wautliwan da gwaigangē wautliwan kingsi althlā. Ā kin isis wautliwan ga dalung istatlas annu dalung Aung shā isis anūnshītung.
33Kingdom ga lth langa king tlāgangu, waigen kin lā langa isis wautliwan ishin, waigen ā kin isis wautliwan dalung an kwaiundiāshang.
34Kum adātlth-tligē addu kwulthilthāngu: adātlth-tligē kwodanan adang kwulthilthasang. Sin saasgu kin dāunga alth unga skistliāgunḡung.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
First published by the British and Foreign Bible Society 1891-1899.