TEALIAN 18
18
Ko Mian Bisa dondiikene doi Abraham meeng kopau malaneno
1Ko Temeneno okitakene kobutongo doi Abraham loolani kokayung-kayung karamat tampat kaledaan doi Mamre. Doi tempodoo kooloyo moonas tuuno, tukon Abraham daano moosulang doi nasandung tataapono. 2#Ibr. 13:2 Salataa yana benggete kooluno, yana kitayo kotolu komian mokokondong doi salaano. Abraham kosobiton obulen mololobotiyo yanila. Tukon tootuku koduduso polong doi buta 3yana bantile, “Tuan-tuan, inaikai poliisiyo daku sandung kalu aki posambu looluk; poloasene kuleleaniyo Tuan-tuan. 4Tadu kumangala paisu tuuk pokumesi Tuan-tuan aino. Tuan-tuan pakadako potade nia kayung suukano nia. 5Yaku naikon leleaniyo komuyu tuuk kinaan modaano, sulano Tuan-tuan malaat bukuanan soodo tuuk mobanggadudukene kopoo ampakonan. Tuan-tuan lapamo odotiiyaku, tukon sampu doi muata nia nabonua.”
Yanila timbiliyo, “Kinatauwan komu monondokan. Kami naikon sampu.”
6Mosoisobiton Abraham usok doi nasandung lalomo tukon bantile doi Sara, “Kosobiton mangala dia budodoo tarigu meeng kokarung momonondok tuuno, tukon kubaiyo roti matimbuk.” 7Doibundu yana obulen doi iyayon piniala natampat pototongian, molilik sapi napau momalanak tukon monondok ko sailo, maka beekene doi napeleleani momosobit sadiayo. 8Lapa doiya Abraham mangala susu, susu bukolo mokeol, tukon sail molapamo sinaangoo, maka sidokiikene doi tamu-tamudoo. Daanoon yanila mokaan, Abraham susuungo komo leleaniyo yanila doi kayungo suukano.
9Doibundu yanila masadai, “Inaando Sara, muboloki?”
Abraham timbiliyo, “Imbali, doi sandung lalomo”.
10 #
Rm. 9:9
Meeng komian doi yaniladoo bantile, “Sio kobituwon koidan Yaku naikon abali. Tukon doiya kotempono Sara muboloki naikon malaat pau malaneno.” Doi tempodoo Sara daano molengele doi sandungoo tataapono, doi tamudoo tonggulungo. 11Abraham tukon Sara motuamo tuuno, tukon Sara akimo nabolokon. 12#1Ptr. 3:6 Tobikon doiya Sara kokumbit doi noano lalomo tukon bantile, “Yaku motuamo tukon akimo kubukuan moano moteali pototongi tukon kulakai? – Koikoidan daku lakai motuamo.”
13Maka ko Temeneno masadai doi Abraham, “Bulaando Sara mokokumbit tukon akiyon namaangga oilakai yana daano momoola mosuung pau doi tempo namotuaan? 14#Luk. 1:37 Kai daano kolobo mosulit doi Temeneno? Buno molapamo Kubantile budodoo, sio kobituwon koidan Yaku naikon abali dimbaa. Tukon doiya kotempono Sara naikon mosuungo pau malaneno.”
15Sabab Sara matakut, yana salean, maka nabantile, “Yaku aki kukokumbit.”
Bai ko Temeneno timbiliyo, “Ikoo takainomo kokumbit budodoo.”
Abraham makabikene ampun ko Sodom
16Lapa doiya luwemo dotamudoo toluila Abraham antekene. Maka napoo polong doi meeng kotampat luwedoi yaando yanila moola kitayo ko Sodom. 17Ko Temeneno bantil doi noano lalom, “Yaku aki Kuiyase mosookonikene doi Abraham oila naikon Daku kinubai. 18Bolikonkai nakatulunan naikon teali bangsa mobabasal tukon balakuasa? Bolikonkai sabab yana, sasaibino kobangsa doi dunia naikon Kubalakaatiyo? 19Yana lapamo Kulilike sulano naparentahyo kona pau-pau tukon nakatulunan sulano nataatiyo Yaku tukon lakukanggene oila komo monondok tukon moadil. Kalu yanila lakukanggene dolanggedoo, sasaibino Daku perjanjian doi Abraham naikon Kudanakene.”
20Koikoidan ko Temeneno bantile doi Abraham, “Daano kobantilan mobabalat doi Sodom tukon Gomora, takainomo bisa donapoo lalimoo babasal tuuno. 21Tobikon doiya Yaku sio Kulubat imbali sulano Kuparesayo oilakai sasaibino dobantilanoo Yaku molengele bisa kai aki.”
22Maka lua doi tamu-tamudooila lengget badombalaakon Sodom, bai ko Temeneno daano modungol tukon Abraham. 23Abraham koolaniyo ko Temeneno tukon masadai, “Kai bisa ko Temeneno naikon moakateyo komian moakiyo kona salah polaing-laing tukon mian-mian modaano kona sala? 24Kalu andeno limakolono komian moakiyo kona salah nai kota nia lalomo, oilakai posaapon dokotadoo naikon Temeneno manase? Kai Temeneno akimo muiyase ompuniyo sulano lima kolonodoo komian nasalamat? 25Inai komian-mian moakiyo kona sala nainakate polaing-laing tukon mian modaano kona salah. Inai Temeneno! Sabab kalu Temeneno lakukanggene, komian moakiyo kona sala tantu naikon inukum polaing-laing tukon mian moano kona sala. Aki namungkin ko Temeneno hakim posaapon nadunia nia kona tindakan moaki naadil!”
26Ko Temeneno bantile, “Kalu andeno Kulaate lima kolono komian moakiyo kona salah doi Sodom, naikon posaapon dokotadoo Kuompuniyo sabab yaniladoo.”
27Abraham bantile koidan, “Ompuniyo daku baranian motaamiyo nabantilan nia, Temeneno. Yaku nia tolongo bangkapi, tukon akiyo dakuhaak tuuk momabantil memeeng kolangge. 28Bai baanggokai tolongo daano sangkap kolono lima komian moakiyo kona salah, tukon bolikon lima kolono. Oilakai Temeneno naikon manase dokotadoo sabab tolongo posasala lima komian tolong?”
Ko Temeneno bantile, “Dokotadoo aki naikon Kumanase kalu andeno Kulaate indaa daano kosanggapo kolono lima komian moakiyo kona sala.”
29Abraham bantile koidan, “Bulaando kalu tolongo daano sangkap kolono komian?”
Ko Temeneno timbiliyo, “Mau nasangkap kolono domianoo, Yaku aki naikon Kusidaikene Daku tetel.”
30Abraham bantile, “Inai monggimal, Temeneno, kalu yaku basilingan koidan. Bulaando kalu andeno tolongo ano tolu kolono komian tolong?”
Ko Temeneno bantile, “Kalu Kulaate tolu kolono komian Yaku naikon buntuse Daku tetel.”
31Abraham bantile, “Ompuniyo daku baranian mobanggadudukene napobantikonan nia, Temeneno. Kalu andeno tolongo ano lua kolono komian tolong?”
Ko Temeneno timbiliyo, “Kalu Kulaate lua kolono komian, aki naikon Kumanase dokotadoo.”
32Doibundu Abraham bantile, “Inai monggimal, Temeneno, yaku naikon tolongo basilingan idan koidan. Bulaando kalu tolongo talaat songulo komian tolong?”
Ko Temeneno bantile, “Kalu daano songulo komian moakiyo kona salah, Yaku aki naikon momanase dokotadoo.” 33Salataa lapa mobasilingan tukon Abraham, Temeneno tauso, tukon Abraham mule doi nabonua.
Արդեն Ընտրված.
TEALIAN 18: LAIBGZ
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
TEALIAN 18
18
Ko Mian Bisa dondiikene doi Abraham meeng kopau malaneno
1Ko Temeneno okitakene kobutongo doi Abraham loolani kokayung-kayung karamat tampat kaledaan doi Mamre. Doi tempodoo kooloyo moonas tuuno, tukon Abraham daano moosulang doi nasandung tataapono. 2#Ibr. 13:2 Salataa yana benggete kooluno, yana kitayo kotolu komian mokokondong doi salaano. Abraham kosobiton obulen mololobotiyo yanila. Tukon tootuku koduduso polong doi buta 3yana bantile, “Tuan-tuan, inaikai poliisiyo daku sandung kalu aki posambu looluk; poloasene kuleleaniyo Tuan-tuan. 4Tadu kumangala paisu tuuk pokumesi Tuan-tuan aino. Tuan-tuan pakadako potade nia kayung suukano nia. 5Yaku naikon leleaniyo komuyu tuuk kinaan modaano, sulano Tuan-tuan malaat bukuanan soodo tuuk mobanggadudukene kopoo ampakonan. Tuan-tuan lapamo odotiiyaku, tukon sampu doi muata nia nabonua.”
Yanila timbiliyo, “Kinatauwan komu monondokan. Kami naikon sampu.”
6Mosoisobiton Abraham usok doi nasandung lalomo tukon bantile doi Sara, “Kosobiton mangala dia budodoo tarigu meeng kokarung momonondok tuuno, tukon kubaiyo roti matimbuk.” 7Doibundu yana obulen doi iyayon piniala natampat pototongian, molilik sapi napau momalanak tukon monondok ko sailo, maka beekene doi napeleleani momosobit sadiayo. 8Lapa doiya Abraham mangala susu, susu bukolo mokeol, tukon sail molapamo sinaangoo, maka sidokiikene doi tamu-tamudoo. Daanoon yanila mokaan, Abraham susuungo komo leleaniyo yanila doi kayungo suukano.
9Doibundu yanila masadai, “Inaando Sara, muboloki?”
Abraham timbiliyo, “Imbali, doi sandung lalomo”.
10 #
Rm. 9:9
Meeng komian doi yaniladoo bantile, “Sio kobituwon koidan Yaku naikon abali. Tukon doiya kotempono Sara muboloki naikon malaat pau malaneno.” Doi tempodoo Sara daano molengele doi sandungoo tataapono, doi tamudoo tonggulungo. 11Abraham tukon Sara motuamo tuuno, tukon Sara akimo nabolokon. 12#1Ptr. 3:6 Tobikon doiya Sara kokumbit doi noano lalomo tukon bantile, “Yaku motuamo tukon akimo kubukuan moano moteali pototongi tukon kulakai? – Koikoidan daku lakai motuamo.”
13Maka ko Temeneno masadai doi Abraham, “Bulaando Sara mokokumbit tukon akiyon namaangga oilakai yana daano momoola mosuung pau doi tempo namotuaan? 14#Luk. 1:37 Kai daano kolobo mosulit doi Temeneno? Buno molapamo Kubantile budodoo, sio kobituwon koidan Yaku naikon abali dimbaa. Tukon doiya kotempono Sara naikon mosuungo pau malaneno.”
15Sabab Sara matakut, yana salean, maka nabantile, “Yaku aki kukokumbit.”
Bai ko Temeneno timbiliyo, “Ikoo takainomo kokumbit budodoo.”
Abraham makabikene ampun ko Sodom
16Lapa doiya luwemo dotamudoo toluila Abraham antekene. Maka napoo polong doi meeng kotampat luwedoi yaando yanila moola kitayo ko Sodom. 17Ko Temeneno bantil doi noano lalom, “Yaku aki Kuiyase mosookonikene doi Abraham oila naikon Daku kinubai. 18Bolikonkai nakatulunan naikon teali bangsa mobabasal tukon balakuasa? Bolikonkai sabab yana, sasaibino kobangsa doi dunia naikon Kubalakaatiyo? 19Yana lapamo Kulilike sulano naparentahyo kona pau-pau tukon nakatulunan sulano nataatiyo Yaku tukon lakukanggene oila komo monondok tukon moadil. Kalu yanila lakukanggene dolanggedoo, sasaibino Daku perjanjian doi Abraham naikon Kudanakene.”
20Koikoidan ko Temeneno bantile doi Abraham, “Daano kobantilan mobabalat doi Sodom tukon Gomora, takainomo bisa donapoo lalimoo babasal tuuno. 21Tobikon doiya Yaku sio Kulubat imbali sulano Kuparesayo oilakai sasaibino dobantilanoo Yaku molengele bisa kai aki.”
22Maka lua doi tamu-tamudooila lengget badombalaakon Sodom, bai ko Temeneno daano modungol tukon Abraham. 23Abraham koolaniyo ko Temeneno tukon masadai, “Kai bisa ko Temeneno naikon moakateyo komian moakiyo kona salah polaing-laing tukon mian-mian modaano kona sala? 24Kalu andeno limakolono komian moakiyo kona salah nai kota nia lalomo, oilakai posaapon dokotadoo naikon Temeneno manase? Kai Temeneno akimo muiyase ompuniyo sulano lima kolonodoo komian nasalamat? 25Inai komian-mian moakiyo kona sala nainakate polaing-laing tukon mian modaano kona salah. Inai Temeneno! Sabab kalu Temeneno lakukanggene, komian moakiyo kona sala tantu naikon inukum polaing-laing tukon mian moano kona sala. Aki namungkin ko Temeneno hakim posaapon nadunia nia kona tindakan moaki naadil!”
26Ko Temeneno bantile, “Kalu andeno Kulaate lima kolono komian moakiyo kona salah doi Sodom, naikon posaapon dokotadoo Kuompuniyo sabab yaniladoo.”
27Abraham bantile koidan, “Ompuniyo daku baranian motaamiyo nabantilan nia, Temeneno. Yaku nia tolongo bangkapi, tukon akiyo dakuhaak tuuk momabantil memeeng kolangge. 28Bai baanggokai tolongo daano sangkap kolono lima komian moakiyo kona salah, tukon bolikon lima kolono. Oilakai Temeneno naikon manase dokotadoo sabab tolongo posasala lima komian tolong?”
Ko Temeneno bantile, “Dokotadoo aki naikon Kumanase kalu andeno Kulaate indaa daano kosanggapo kolono lima komian moakiyo kona sala.”
29Abraham bantile koidan, “Bulaando kalu tolongo daano sangkap kolono komian?”
Ko Temeneno timbiliyo, “Mau nasangkap kolono domianoo, Yaku aki naikon Kusidaikene Daku tetel.”
30Abraham bantile, “Inai monggimal, Temeneno, kalu yaku basilingan koidan. Bulaando kalu andeno tolongo ano tolu kolono komian tolong?”
Ko Temeneno bantile, “Kalu Kulaate tolu kolono komian Yaku naikon buntuse Daku tetel.”
31Abraham bantile, “Ompuniyo daku baranian mobanggadudukene napobantikonan nia, Temeneno. Kalu andeno tolongo ano lua kolono komian tolong?”
Ko Temeneno timbiliyo, “Kalu Kulaate lua kolono komian, aki naikon Kumanase dokotadoo.”
32Doibundu Abraham bantile, “Inai monggimal, Temeneno, yaku naikon tolongo basilingan idan koidan. Bulaando kalu tolongo talaat songulo komian tolong?”
Ko Temeneno bantile, “Kalu daano songulo komian moakiyo kona salah, Yaku aki naikon momanase dokotadoo.” 33Salataa lapa mobasilingan tukon Abraham, Temeneno tauso, tukon Abraham mule doi nabonua.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք