KEJADIAN 21
21
Ishak indag tibag ane
1Welatfareg Ninikni Allahn atam ibag ane hikit toho Sara fahet wenggel haruk latfag. 2#Ibr 11:11Wenggel haruk latfagma Abraham ino sabal atfag angge famen uhe Sara malik ahummu atfagma Allahn tu sambil indag aruhu ibag ane hikir atfag sul ino malik ap angge indag tibag. 3Indag tibagma Abraham inowen malik unuk Ishak suwalfag. 4#Kej 17:12; Kis 7:8Suwalfareg Ishak ino indag tibag sali hup likinen atfagma Allahn ibag ane hikit toho Abrahamen ambilahap palfag. 5Abraham ino indag tibag sali mo ilig am wirig am turukmu teng uhan 100 atfagma Ishak indag atfag. 6Indag tibareg Sara inowen ele uruk lit, ”Allahn nubam tehek ane fahet nahiyehen inda yatuk lahi. Ap winonen hol halusareg anden inda yatuk lahi hag toho iren oho enehiyehen inda yabusa,” uruk latfag.#Ishak: Ibrani enele fam unuk Ishak men, inda yatuk urukon men ambi reg. 7Nin eke ele uruk lit, ”Anden malik uwan indag ta fugmu ap san an nahun fam hiyag utuk lit, ’Huheyen malik ag mondoruhu,’ ulug hiyag etlepman tem toho pelep? Nahun mondabi sabal atisi angge famen anden malik indag irihi,” uruk latfag.
8Welatfareg malik ino su atuk lit isinga ag imbisibag sambil ino Abrahamen seni humon esetfag.
Hagar men amloho Ismael men yanggal enepfag ane
9O misihim sambil Hagar inowen Abraham indag itfahon Ismael ino men Sara amloho Ishak men ying aptuk latfag. Ying aptukmu yet isibareg 10#Gal 4:29-30Sara inowen Abraham fam hiyag utuk lit, ”Hat war aruhunmu haren angge an namloho Ishak men hamingmingangge amloho aru men ambiyeg ngi amuhup tohon hamingmingangge amloho aru men yanggal enepmihin,” ulug hiyag itfag. 11Ibagma Abraham inowen Ismael oho an namloho angge famen ehek ulug indi siyag atfag. 12#Rm 9:7; Ibr 11:18Siyag atfagma Allahn Abraham fam ele uruk lit, ”Hamingmingangge Hagar amloho men fahet hindi anggin ha fug. Anden hat humbusagsi anggolo amuhup ulug sali hubam irikikon ino Ishak feneyen teko lahuwen Saran ehek ane hikit toho timihin. 13Hagar amloho oho hat indag hitisiyon wereg ulug Anden ineyap tuhukmu aren ondohowonen endebuhubon anggolo amuhupteg o pumbuk humon welamuhup,” ibag.
14Ari ibagma nohibareg likiya hubet Abraham inowen suburu men kubag ik hinanggoho werehon men Hagar og itfareg amloho ino isinga anduhunmu yabuhuk fibareg lalihip ulug hiyag isibag. Hiyag isibagma Hagar ino libareg Beersyeba lekman kema lamin o ulug indi nonghong uruken la wam turuk latfag. 15La wam turukmen ik wibahon ino eleg atfagma Hagar inowen amloho e toron alma imbibareg 16namloho war atukon yet hamin fug ulug tot yatma libareg heriyeg lit uba yatuk latfag.
17Malik Ismael inowen uba yatukmu Allahn hol hibagma Allah ot malaikat inowen poholman ele uruk lit, ”Hagar, nungge fahet hat hindi anggin toho welahen? Allahn hamloho ele holehekma hakol ha fug! 18Hamloho iraham lamihinteg mako pug toho seneg latmihin. Anden at ino ineyap tuhukmu umbusagsi anggolo amuhupteg o pumbuk humon welamuhup,” ulug hiyag itfag. 19Hiyag itfareg ik fahet kinang habulig ambeg yet hawag ulug Hagar il selehap tibagma yet hibareg kubag fam ik ino hinanggoho wak libareg amloho og irik watfagma nibag.
20Nibareg weregma Allahn Ismael ino forohoman eneg su atfareg o Paran lekma welatfag. Wereg lit suwe pak watuk ane oluk tohon weregma 21isingan Mesir hiyap eke og itfag.
Abraham men Abimelekh menen sali imbibag ane
22 #
Kej 26:26
Welatfareg Abimelekh otsi sehen senehon onowe Pikhol menen Abraham ubam enele uruk lit, ”Allah hat men weregma haren mun ane man ane yabuk turuk lahenon ari yet hiyaruk lahe. 23Ari fahet Allah olohotma hele tem toho imihinon tu, ’Anden hat humalikisi humbusagsi enele ying eneptuk laruhuk fug. Haren an nindi fanowap naptikin angge re an kinang tu fam ap pohon hag toho wereg lit hat men hori men hunubam fano ane eneg turuk laruhuk,’ imihin,” ulug hiyag itfag. 24Ari hiyag itfagma Abrahamen, ”Haren ehenon fahet nele tik-tem toho uruk lahi,” ibag. 25Ibareg Abrahamen nin ele uruk lit, ”Ik fabulig ambeg hat hotsiyen ilmig turusama an nindimu siyag aha,” ulug Abimelekh hiyag itfagma 26hebeloho hiyag utuk lit, ”San tirisi-o, an napeleg. Haren oho alem ari fahet hiyag nitikin fug anggeyen o yoho eneg noluk atuk,” ulug hiyag itfag. 27Hiyag itfagma Abraham inowen wam domba men sapi men Abimelekh og itfareg it pirenen an men hat men mangno roho welamuhuk ulug sali imbibag. 28Sali imbibareg Abrahamen wam domba umalik heyon sabiren eneko amumu imbik libag. 29Imbik libagma Abimelekh inowen Abraham fam, ”Nungge fahet wam tiya amumu imbik lahen?” ulug kapal hibagma 30Abrahamen ele uruk lit, ”Anden ik fabultikikon fahet siyengge wereg peruk lamag ulug imbihimu an ninggikmuwen wam tiya wamihin,” ibag. 31It piren itanowen sali imbibahon fahet aben o unuk Bersyeba#Bersyeba: Ibrani enele fam Bersyeba urukon ino Ik Sali uruk ano Ik Sabiren uruk ano. suwalfag. 32O Bersyeba inowen sali imbibareg Abimelekh men otsi sehen senehon onowe Pikhol men inibam Filistin kinangma libag. 33Libagma Abraham inowen o Bersyeba inowen e win hahon yaho fibareg Ninikni Allah mondabi oluk werehon unuk wel turuk latfag. 34Ari obog toho tibareg Abraham ino Filistin kinangma ap pohon hag toho wereg lit amusun toho welatfag.
Արդեն Ընտրված.
KEJADIAN 21: YLI
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
@ LAI 2018
KEJADIAN 21
21
Ishak indag tibag ane
1Welatfareg Ninikni Allahn atam ibag ane hikit toho Sara fahet wenggel haruk latfag. 2#Ibr 11:11Wenggel haruk latfagma Abraham ino sabal atfag angge famen uhe Sara malik ahummu atfagma Allahn tu sambil indag aruhu ibag ane hikir atfag sul ino malik ap angge indag tibag. 3Indag tibagma Abraham inowen malik unuk Ishak suwalfag. 4#Kej 17:12; Kis 7:8Suwalfareg Ishak ino indag tibag sali hup likinen atfagma Allahn ibag ane hikit toho Abrahamen ambilahap palfag. 5Abraham ino indag tibag sali mo ilig am wirig am turukmu teng uhan 100 atfagma Ishak indag atfag. 6Indag tibareg Sara inowen ele uruk lit, ”Allahn nubam tehek ane fahet nahiyehen inda yatuk lahi. Ap winonen hol halusareg anden inda yatuk lahi hag toho iren oho enehiyehen inda yabusa,” uruk latfag.#Ishak: Ibrani enele fam unuk Ishak men, inda yatuk urukon men ambi reg. 7Nin eke ele uruk lit, ”Anden malik uwan indag ta fugmu ap san an nahun fam hiyag utuk lit, ’Huheyen malik ag mondoruhu,’ ulug hiyag etlepman tem toho pelep? Nahun mondabi sabal atisi angge famen anden malik indag irihi,” uruk latfag.
8Welatfareg malik ino su atuk lit isinga ag imbisibag sambil ino Abrahamen seni humon esetfag.
Hagar men amloho Ismael men yanggal enepfag ane
9O misihim sambil Hagar inowen Abraham indag itfahon Ismael ino men Sara amloho Ishak men ying aptuk latfag. Ying aptukmu yet isibareg 10#Gal 4:29-30Sara inowen Abraham fam hiyag utuk lit, ”Hat war aruhunmu haren angge an namloho Ishak men hamingmingangge amloho aru men ambiyeg ngi amuhup tohon hamingmingangge amloho aru men yanggal enepmihin,” ulug hiyag itfag. 11Ibagma Abraham inowen Ismael oho an namloho angge famen ehek ulug indi siyag atfag. 12#Rm 9:7; Ibr 11:18Siyag atfagma Allahn Abraham fam ele uruk lit, ”Hamingmingangge Hagar amloho men fahet hindi anggin ha fug. Anden hat humbusagsi anggolo amuhup ulug sali hubam irikikon ino Ishak feneyen teko lahuwen Saran ehek ane hikit toho timihin. 13Hagar amloho oho hat indag hitisiyon wereg ulug Anden ineyap tuhukmu aren ondohowonen endebuhubon anggolo amuhupteg o pumbuk humon welamuhup,” ibag.
14Ari ibagma nohibareg likiya hubet Abraham inowen suburu men kubag ik hinanggoho werehon men Hagar og itfareg amloho ino isinga anduhunmu yabuhuk fibareg lalihip ulug hiyag isibag. Hiyag isibagma Hagar ino libareg Beersyeba lekman kema lamin o ulug indi nonghong uruken la wam turuk latfag. 15La wam turukmen ik wibahon ino eleg atfagma Hagar inowen amloho e toron alma imbibareg 16namloho war atukon yet hamin fug ulug tot yatma libareg heriyeg lit uba yatuk latfag.
17Malik Ismael inowen uba yatukmu Allahn hol hibagma Allah ot malaikat inowen poholman ele uruk lit, ”Hagar, nungge fahet hat hindi anggin toho welahen? Allahn hamloho ele holehekma hakol ha fug! 18Hamloho iraham lamihinteg mako pug toho seneg latmihin. Anden at ino ineyap tuhukmu umbusagsi anggolo amuhupteg o pumbuk humon welamuhup,” ulug hiyag itfag. 19Hiyag itfareg ik fahet kinang habulig ambeg yet hawag ulug Hagar il selehap tibagma yet hibareg kubag fam ik ino hinanggoho wak libareg amloho og irik watfagma nibag.
20Nibareg weregma Allahn Ismael ino forohoman eneg su atfareg o Paran lekma welatfag. Wereg lit suwe pak watuk ane oluk tohon weregma 21isingan Mesir hiyap eke og itfag.
Abraham men Abimelekh menen sali imbibag ane
22 #
Kej 26:26
Welatfareg Abimelekh otsi sehen senehon onowe Pikhol menen Abraham ubam enele uruk lit, ”Allah hat men weregma haren mun ane man ane yabuk turuk lahenon ari yet hiyaruk lahe. 23Ari fahet Allah olohotma hele tem toho imihinon tu, ’Anden hat humalikisi humbusagsi enele ying eneptuk laruhuk fug. Haren an nindi fanowap naptikin angge re an kinang tu fam ap pohon hag toho wereg lit hat men hori men hunubam fano ane eneg turuk laruhuk,’ imihin,” ulug hiyag itfag. 24Ari hiyag itfagma Abrahamen, ”Haren ehenon fahet nele tik-tem toho uruk lahi,” ibag. 25Ibareg Abrahamen nin ele uruk lit, ”Ik fabulig ambeg hat hotsiyen ilmig turusama an nindimu siyag aha,” ulug Abimelekh hiyag itfagma 26hebeloho hiyag utuk lit, ”San tirisi-o, an napeleg. Haren oho alem ari fahet hiyag nitikin fug anggeyen o yoho eneg noluk atuk,” ulug hiyag itfag. 27Hiyag itfagma Abraham inowen wam domba men sapi men Abimelekh og itfareg it pirenen an men hat men mangno roho welamuhuk ulug sali imbibag. 28Sali imbibareg Abrahamen wam domba umalik heyon sabiren eneko amumu imbik libag. 29Imbik libagma Abimelekh inowen Abraham fam, ”Nungge fahet wam tiya amumu imbik lahen?” ulug kapal hibagma 30Abrahamen ele uruk lit, ”Anden ik fabultikikon fahet siyengge wereg peruk lamag ulug imbihimu an ninggikmuwen wam tiya wamihin,” ibag. 31It piren itanowen sali imbibahon fahet aben o unuk Bersyeba#Bersyeba: Ibrani enele fam Bersyeba urukon ino Ik Sali uruk ano Ik Sabiren uruk ano. suwalfag. 32O Bersyeba inowen sali imbibareg Abimelekh men otsi sehen senehon onowe Pikhol men inibam Filistin kinangma libag. 33Libagma Abraham inowen o Bersyeba inowen e win hahon yaho fibareg Ninikni Allah mondabi oluk werehon unuk wel turuk latfag. 34Ari obog toho tibareg Abraham ino Filistin kinangma ap pohon hag toho wereg lit amusun toho welatfag.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
@ LAI 2018