चेलै रै कम 14
14
इकुनियुम मन्ज पौलुस अतै बरनबास
1इकुनियुम शहर मन्ज ऐसा भुआ कि सो यहूदी रै सभागार मन्ज सोगी सोगी गै अतै ऐस तरीकै री गल्ला करी की यहूदी अतै गैर यहूदी दूनी मन्ज बड़ै मणुऐ विस्वास करू। 2पर विस्वास ना करनैवाळै यहूदिये गैर यहूदी रै मन विस्वासी भाई रै वरोधा मन्ज भड़काए अतै कटुता पैदा करी दिती। 3पौलुस अतै बरनबास बड़ै दिन तक तैड़ी रैह, अतै प्रभु रै भरोसै पुर हिम्मत सोगी गल्ला करदै थियै; अतै सो तंयारै हत्थै चमत्कार अतै हैरानी बाळै कम करवाई करी अपणी कृपा रै बचन थऊँ गवाही दिन्दा थू। 4पर नगरा रै मणु मन्ज फूट पैई गच्छुरी थी, ऐत थऊँ कई यहूदी री कनारी अतै कई प्रेरिता री कनारी भूच्ची गै। 5पर जैहणै गैर यहूदी अतै यहूदी तंयारा अपमान अतै तियां पुर पथराव करनै तांयें अपणै सरदारा समेत तियां पुर दौड़ै, 6ता सो ऐसा गल्ला जो जाणी गै, अतै लुकाउनिया जिलै रै लुस्त्रा अतै दिरबे शहरा मन्ज, अतै अखै-बख्रै रै शहरा जो नह्ही गै। 7अतै तैड़ी सुसमाचार हुणाणा लगै।
लुस्त्रा अतै दिरबे मन्ज
8लुस्त्रा शहर मन्ज अक्क मणु बैहुरा थू, जैडा पैरा रा कमजोर थू। सो जन्मा थऊँ ही लंगड़ा थू अतै कदी भी ना चलूरा थू। 9सो पौलुस जो कणैन्दा हुणु करदा थू। पौलुसै तसेरी कनारी टकटकी लगाई करी हेरू कि तैसिओ ठीक भूच्ची गाणै रा विस्वास हा, 10अतै जोरा सितै बल्लू, “अपणै पैरा रै भारै खड़ी गा।” ता सो उटकी करी चलना फिरना लगी पैऊ।
11मणुऐ पौलुस रा ऐह कम हेरी करी लुकाउनिया री भाषा मन्ज उच्चै शब्दा मन्ज बल्लू, “देवता मणु रै रूपा मन्ज असु बलै उतरी आये हिन।” 12तिन्यै बरनबास जो ज्यूस, अतै पौलुस जो हिरमेस देवता बल्लू क्ओकि सो गल्ला करनै बाळै मन्ज मुख्य थू। 13ज्यूस देवता रै मन्दरा रा पुजारी जैडा तैस नगरा रै सामणै थू, बैल अतै फूला रै हार फाटका पुर लगाई करी मणु सोगी बलिदान करना चाहन्दा थू।
14पर बरनबास अतै पौलुस प्रेरितै जैहणै ऐह हुणु ता बड़ै दुखी भुच्ची करी अपणै कपड़ै फाड़ै अतै भिड़ा मन्ज गिच्ची करी जोरा सितै बलणा लगै, 15“हे मणुओ, तुहै कै करदै हिन? अहै भी ता तूसु सांईयै दुख-सुख भोगणै बाळै मणु हिन। अहै तुसिओ सुसमाचार हुणादै हिन कि तुहै इन्या बेकार चिजा थऊँ अलग भूच्ची करी जिन्दै प्रमात्मैं री कनारी फिरन, जिनी स्वर्गा अतै धरती अतै समुंद्र अतै जैडा कुछ तैत मन्ज हा बणाऊरा।#निर्ग. 20:11; भज. 146:6. 16तिनी बीतै टैमां मन्ज सब जाति जो अपणै अपणै रस्तै चलना दितुरा। 17तांभी तिनी अपणै आपा जो असु तांयै गवाह छडुरा कि सो हा; अतै सो भलाई करदा रैऊ, अम्बरा थऊँ बरखा, फलबन्त मौसम दिकरी तून्दै मना जो खाणै अतै खुशी सितै भरदा रैऊ।”#भज. 147:8; यिर्म. 5:24. 18ऐह बली करी भी तिन्यै मणु जो बड़ी मुसकल थऊँ रोकू कि सो तियां तांयें बलिदान ना करन।
19पर कुछ यहूदिये अन्ताकिया अतै इकुनियुम शहरा मन्ज ईच्ची करी मणु जो अपणी कनारी करी लैऊ, अतै पौलुस पुर पथराव करू, अतै मरूरा समझी करी तैसिओ नगरा रै बाहर घसीटी करी लेई गै। 20पर जैहणै चेलै तसेरै चंऊ कनारै ईच्ची खड़ियै, ता सो उूठी करी नगरा मन्ज गो अतै दूये दिन बरनबास सोगी दिरबे शहर जो चली गो।
अन्ताकिया जो फिरना
21पौलुस अतै बरनबास तैस नगरा रै मणु जो सुसमाचार हुणाई करी, अतै मतै सारै चेलै बणाई करी, लुस्त्रा अतै इकुनियुम अतै अन्ताकिया शहरा जो फिरी आये, 22अतै चेलै रै मना जो स्थिर करदै रैह अतै ऐह उपदेश दिन्दै थियै कि विस्वासा मन्ज बणी रेय्आ; अतै ऐह बलदै थियै कि, “असिओ बड़ै क्लेश भोगी करी प्रमात्मैं रै राज्य मन्ज प्रवेश करना पैणा।” 23अतै तिन्यै हरेक कलीसिया मन्ज तियां तांयें स्याणै ठहराये, अतै ब्रता सोगी प्रार्थना करीके प्रभु रै हत्था मन्ज सौंपी दिता जैस पुर तिन्यै विस्वास करूरा थू।
24ता पिसिदिया जिलै मितै भुन्दै सो पंफूलिया जिलै पुजै; 25फिरी पिरगा शहर मन्ज बचन हुणाई करी अत्तलिया शहर मन्ज आये, 26अतै तैड़ी थऊँ सो जहाजा पुर अन्ताकिया शहरा फिरी आये, जैड़ी सो तैस कम तांयें जैडा तिन्यै पुरा करू थू प्रमात्मैं री कृपा मन्ज सोंपुरै थियै। 27अन्ताकिया पुजीकरी तिन्यै कलीसिया इकट्ठी करी अतै बल्लू कि प्रमात्मैं तियां सोगी भूच्ची करी किनै बड़ै बड़ै कम करै, अतै गैर यहूदी तांयें विस्वासा रै द्धार खोली दितै। 28अतै सो चेलै सोगी बड़ै दिन तक रैह।
Արդեն Ընտրված.
चेलै रै कम 14: GBKNT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.
चेलै रै कम 14
14
इकुनियुम मन्ज पौलुस अतै बरनबास
1इकुनियुम शहर मन्ज ऐसा भुआ कि सो यहूदी रै सभागार मन्ज सोगी सोगी गै अतै ऐस तरीकै री गल्ला करी की यहूदी अतै गैर यहूदी दूनी मन्ज बड़ै मणुऐ विस्वास करू। 2पर विस्वास ना करनैवाळै यहूदिये गैर यहूदी रै मन विस्वासी भाई रै वरोधा मन्ज भड़काए अतै कटुता पैदा करी दिती। 3पौलुस अतै बरनबास बड़ै दिन तक तैड़ी रैह, अतै प्रभु रै भरोसै पुर हिम्मत सोगी गल्ला करदै थियै; अतै सो तंयारै हत्थै चमत्कार अतै हैरानी बाळै कम करवाई करी अपणी कृपा रै बचन थऊँ गवाही दिन्दा थू। 4पर नगरा रै मणु मन्ज फूट पैई गच्छुरी थी, ऐत थऊँ कई यहूदी री कनारी अतै कई प्रेरिता री कनारी भूच्ची गै। 5पर जैहणै गैर यहूदी अतै यहूदी तंयारा अपमान अतै तियां पुर पथराव करनै तांयें अपणै सरदारा समेत तियां पुर दौड़ै, 6ता सो ऐसा गल्ला जो जाणी गै, अतै लुकाउनिया जिलै रै लुस्त्रा अतै दिरबे शहरा मन्ज, अतै अखै-बख्रै रै शहरा जो नह्ही गै। 7अतै तैड़ी सुसमाचार हुणाणा लगै।
लुस्त्रा अतै दिरबे मन्ज
8लुस्त्रा शहर मन्ज अक्क मणु बैहुरा थू, जैडा पैरा रा कमजोर थू। सो जन्मा थऊँ ही लंगड़ा थू अतै कदी भी ना चलूरा थू। 9सो पौलुस जो कणैन्दा हुणु करदा थू। पौलुसै तसेरी कनारी टकटकी लगाई करी हेरू कि तैसिओ ठीक भूच्ची गाणै रा विस्वास हा, 10अतै जोरा सितै बल्लू, “अपणै पैरा रै भारै खड़ी गा।” ता सो उटकी करी चलना फिरना लगी पैऊ।
11मणुऐ पौलुस रा ऐह कम हेरी करी लुकाउनिया री भाषा मन्ज उच्चै शब्दा मन्ज बल्लू, “देवता मणु रै रूपा मन्ज असु बलै उतरी आये हिन।” 12तिन्यै बरनबास जो ज्यूस, अतै पौलुस जो हिरमेस देवता बल्लू क्ओकि सो गल्ला करनै बाळै मन्ज मुख्य थू। 13ज्यूस देवता रै मन्दरा रा पुजारी जैडा तैस नगरा रै सामणै थू, बैल अतै फूला रै हार फाटका पुर लगाई करी मणु सोगी बलिदान करना चाहन्दा थू।
14पर बरनबास अतै पौलुस प्रेरितै जैहणै ऐह हुणु ता बड़ै दुखी भुच्ची करी अपणै कपड़ै फाड़ै अतै भिड़ा मन्ज गिच्ची करी जोरा सितै बलणा लगै, 15“हे मणुओ, तुहै कै करदै हिन? अहै भी ता तूसु सांईयै दुख-सुख भोगणै बाळै मणु हिन। अहै तुसिओ सुसमाचार हुणादै हिन कि तुहै इन्या बेकार चिजा थऊँ अलग भूच्ची करी जिन्दै प्रमात्मैं री कनारी फिरन, जिनी स्वर्गा अतै धरती अतै समुंद्र अतै जैडा कुछ तैत मन्ज हा बणाऊरा।#निर्ग. 20:11; भज. 146:6. 16तिनी बीतै टैमां मन्ज सब जाति जो अपणै अपणै रस्तै चलना दितुरा। 17तांभी तिनी अपणै आपा जो असु तांयै गवाह छडुरा कि सो हा; अतै सो भलाई करदा रैऊ, अम्बरा थऊँ बरखा, फलबन्त मौसम दिकरी तून्दै मना जो खाणै अतै खुशी सितै भरदा रैऊ।”#भज. 147:8; यिर्म. 5:24. 18ऐह बली करी भी तिन्यै मणु जो बड़ी मुसकल थऊँ रोकू कि सो तियां तांयें बलिदान ना करन।
19पर कुछ यहूदिये अन्ताकिया अतै इकुनियुम शहरा मन्ज ईच्ची करी मणु जो अपणी कनारी करी लैऊ, अतै पौलुस पुर पथराव करू, अतै मरूरा समझी करी तैसिओ नगरा रै बाहर घसीटी करी लेई गै। 20पर जैहणै चेलै तसेरै चंऊ कनारै ईच्ची खड़ियै, ता सो उूठी करी नगरा मन्ज गो अतै दूये दिन बरनबास सोगी दिरबे शहर जो चली गो।
अन्ताकिया जो फिरना
21पौलुस अतै बरनबास तैस नगरा रै मणु जो सुसमाचार हुणाई करी, अतै मतै सारै चेलै बणाई करी, लुस्त्रा अतै इकुनियुम अतै अन्ताकिया शहरा जो फिरी आये, 22अतै चेलै रै मना जो स्थिर करदै रैह अतै ऐह उपदेश दिन्दै थियै कि विस्वासा मन्ज बणी रेय्आ; अतै ऐह बलदै थियै कि, “असिओ बड़ै क्लेश भोगी करी प्रमात्मैं रै राज्य मन्ज प्रवेश करना पैणा।” 23अतै तिन्यै हरेक कलीसिया मन्ज तियां तांयें स्याणै ठहराये, अतै ब्रता सोगी प्रार्थना करीके प्रभु रै हत्था मन्ज सौंपी दिता जैस पुर तिन्यै विस्वास करूरा थू।
24ता पिसिदिया जिलै मितै भुन्दै सो पंफूलिया जिलै पुजै; 25फिरी पिरगा शहर मन्ज बचन हुणाई करी अत्तलिया शहर मन्ज आये, 26अतै तैड़ी थऊँ सो जहाजा पुर अन्ताकिया शहरा फिरी आये, जैड़ी सो तैस कम तांयें जैडा तिन्यै पुरा करू थू प्रमात्मैं री कृपा मन्ज सोंपुरै थियै। 27अन्ताकिया पुजीकरी तिन्यै कलीसिया इकट्ठी करी अतै बल्लू कि प्रमात्मैं तियां सोगी भूच्ची करी किनै बड़ै बड़ै कम करै, अतै गैर यहूदी तांयें विस्वासा रै द्धार खोली दितै। 28अतै सो चेलै सोगी बड़ै दिन तक रैह।
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.