यूहन्ना 21
21
तिबिरियास झीला रै कनारै चेलै जो दर्शन
1इन्या गल्ला थऊँ बाद यीशुऐ अपणै आपा जो तिबिरियास#21:1 तिबिरियास गलील झीला रा ही दुआ नां हा। झीला रै कनारै चेलै पुर अपणै आपा जो प्रकट करू, अतै ऐस ही तरीकै सितै प्रकट करू। 2शमौन पतरस, अतै थोमा जैसियो दिदुमुस बलदै थियै, अतै गलील रै काना नगर रा नतनएल, अतै जबदी रै पुत्र, अतै तसेरै चेलै मन्ज दोई होर जिणै किठूरै थियै। 3शमौन पतरसै तियां सोगी बल्लू, “अऊँ मछली पकडणा चलू हा।” तियैं तैस सोगी बल्लू, “अहै भी तिजो सोगी चलदै।” ता सो सब किस्ती पुर चड़ी गै, पर तैहा राती तियां जो कुछ ना मुळु।
4भ्याग भुन्दै ही यीशु कनारै पुर ईच्ची खडू; ता चेलै ना पच्छैणु कि ऐह यीशु हा। 5ता यीशुऐ तियां सोगी बल्लू, “हे मेरै प्यारेओ, कै तूसु बलै कुछ मछली हिन?” तियैं जवाव दिता, “ना।” 6तिनी तियां सोगी बल्लू, “किस्ती रै सजै कनारी जाल पा ता मुळणी हिन।” ता तियैं जाल पाऊ, अतै मती मछली री वजह थऊँ जाला जो खिन्जी ना सकै।
7ता तिनी चेलै जैस सोगी यीशु प्यार रखदा थू, पतरसा सोगी बल्लू, “ऐह ता प्रभु हा!” शमौन पतरसै ऐह हुणी करी कि ऐह प्रभु हा, कमर मन्ज परना कसी लैऊ, क्ओकि तिनी सिर्फ जांगिया ही लाऊरा थू, अतै झीला मन्ज छाळ लाई दिती। 8पर होर चेलै किस्ती पुर मछली सितै भरूरा जाल खिंजदै आये, क्ओकि सो कनारै थऊँ बड़ी दूर ना थियै, पर कोई लगभग सौ मीटर दूर थियै।
9जैहणै सो कनारै पुर ओसै ता तियैं कोयलै री अग अतै तैत पुर मछली रखुरी अतै रोटी हेरी।
10यीशुऐ तियां सोगी बल्लू, “जैड़ी मछली तुहै हबजु पकड़ी हिन, तियां मन्ज कुछ लेई के अईआ।” 11ता शमौन पतरसै किस्ती पुर चड़ी करी अक्क सो त्रियुन्जा बड़ी मछली सितै भरूरा जाल कनारै मन्ज खिंजू, अतै ऐतनी मछली भूणै पुर भी जाल ना फटू। 12यीशुऐ तियां सोगी बल्लू, “अईआ, खाणा खान्दै।” चेलै मन्ज कसिओ हिम्मत ना भूई कि तैस थऊँ पुछन, “तू कुण हा?” क्ओकि सो जाणदै थियै कि ऐह प्रभु ही हा। 13यीशु आ अतै रोटी लेई करी तियां जो दिती, अतै तियां ही मछली भी। 14ऐह त्रीं बरी हा कि यीशु मरी करी जी उूठणै बाद चेलै जो हुजु थू।
यीशु अतै पतरस
15खाणै थऊँ बाद यीशुऐ शमौन पतरस सितै बल्लू, “हे शमौन, यूहन्ना रै पुत्र, कै तू सच मन्ज ईयां थऊँ बदिकरी मिन्जो सितै प्यार रखदा?” तिनी बल्लू, “हाँ, प्रभु; तू ता जाणदा हा कि अऊँ तिजो सोगी प्यार रखदा।” ता तिनी बल्लू, “मेरी भैड़ा जो चरा।” 16तिनी फिरी दूई बरी बल्लू, “हे शमौन, यूहन्ना रै पुत्र, कै तू मिन्जो सोगी सच मन्ज प्यार रखदा?” तिनी तैस सोगी बल्लू, “हाँ, प्रभु; तू जाणदा हा कि अऊँ तिजो सोगी प्यार रखदा।” तिनी तैस सोगी बल्लू, “मेरी भैड़ा री रखबाळी कर।” 17तिनी त्रीं बरी तैस सोगी बल्लू, “हे शमौन, यूहन्ना रै पुत्र, कै तू मिन्जो सोगी प्यार रखदा?” पतरस उदास भूच्ची गो कि तिनी त्रीं बरी ऐसा बल्लू हा, “कै तू मिन्जो सोगी प्यार रखदा हा?” तिनी बल्लू, “हे प्रभु, तू ता सब कुछ जाणदा हा; तू ऐह जाणदा हा कि अऊँ तिजो सोगी प्यार रखदा।” यीशुऐ तैस सोगी बल्लू, “मेरी भैड़ा जो चरा। 18अऊँ तिजो सोगी सच बलदा हा, जैहणै तू जवान थू ता अपणी कमरा बनी करी जैड़ी चाहन्दा थू तैड़ी फिरदा थू; पर जैहणै तुद बुढै भूणा ता अपणै हत्थ फैलाणै हिन, अतै दूये तेरी कमरा बनी करी जैड़ी तुद ना चाहणा तैड़ी तैस लेई गाणा।” 19तिनी ईयां गल्ला थऊँ ऐह इशारा करू कि पतरसा किनी मौती सितै प्रमात्मैं री जय जयकार करनी हा। अतै तैहणै तिनी तैस सोगी बल्लू, “मेरै पिचो चली पै।”
यीशु अतै तसेरा प्यारा चेला
20पतरसै मुड़ीकरी तैस चेलै जो पचूँह इन्दै हेरू, जैस सोगी यीशु प्यार रखदा थू, अतै जिनी फसह रा खाणा खान्दै टैमैं तसेरै नेड़ै बैही करी तैस थऊँ पुछुरा थू, “हे प्रभु, तेरा पकडाणैवाळा कुण हा?” 21तैसिओ हेरी करी पतरसै यीशु सोगी बल्लू, “हे प्रभु, सेरा कै हाल भोला?”
22यीशुऐ तैस सोगी बल्लू, “अगर अऊँ चाँऊ कि सो मेरै फिरी करी ईणै तक रूकी रेय्आ, ता तिजो ऐत थऊँ कै? तू मेरै पिचो चली पै।” 23ठेरैतांये सबी चलै मन्ज ऐह गल्ल फैली गई कि तैस चेलै ना मरना; तांभी यीशुऐ तैस सोगी ऐह ना बल्लू कि तैस ना मरना, पर ऐह कि “अगर अऊँ चाँऊ कि सो मेरै फिरी ईणै तक रूकी रेय्आ, ता तिजो ऐत थऊँ कै?”
उपसंहार
24ऐह सो ही चेला हा जैडा ईयां गल्ला री गवाही दिन्दा हा अतै जिनी ईयां गल्ला जो लिखु हा, अतै अहै जाणदै हिन तसेरी गवाही सच्ची हा।
25होर भी मतै कम हिन, जैड़ै यीशुऐ करूरै; अगर सो अक्क अक्क करीके लिखिन्दै ता अऊँ समझदा कि जैड़ी कताबा लिखिन्दी सो ऐस संसारा मन्ज भी ना समांदी।
Արդեն Ընտրված.
यूहन्ना 21: GBKNT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.
यूहन्ना 21
21
तिबिरियास झीला रै कनारै चेलै जो दर्शन
1इन्या गल्ला थऊँ बाद यीशुऐ अपणै आपा जो तिबिरियास#21:1 तिबिरियास गलील झीला रा ही दुआ नां हा। झीला रै कनारै चेलै पुर अपणै आपा जो प्रकट करू, अतै ऐस ही तरीकै सितै प्रकट करू। 2शमौन पतरस, अतै थोमा जैसियो दिदुमुस बलदै थियै, अतै गलील रै काना नगर रा नतनएल, अतै जबदी रै पुत्र, अतै तसेरै चेलै मन्ज दोई होर जिणै किठूरै थियै। 3शमौन पतरसै तियां सोगी बल्लू, “अऊँ मछली पकडणा चलू हा।” तियैं तैस सोगी बल्लू, “अहै भी तिजो सोगी चलदै।” ता सो सब किस्ती पुर चड़ी गै, पर तैहा राती तियां जो कुछ ना मुळु।
4भ्याग भुन्दै ही यीशु कनारै पुर ईच्ची खडू; ता चेलै ना पच्छैणु कि ऐह यीशु हा। 5ता यीशुऐ तियां सोगी बल्लू, “हे मेरै प्यारेओ, कै तूसु बलै कुछ मछली हिन?” तियैं जवाव दिता, “ना।” 6तिनी तियां सोगी बल्लू, “किस्ती रै सजै कनारी जाल पा ता मुळणी हिन।” ता तियैं जाल पाऊ, अतै मती मछली री वजह थऊँ जाला जो खिन्जी ना सकै।
7ता तिनी चेलै जैस सोगी यीशु प्यार रखदा थू, पतरसा सोगी बल्लू, “ऐह ता प्रभु हा!” शमौन पतरसै ऐह हुणी करी कि ऐह प्रभु हा, कमर मन्ज परना कसी लैऊ, क्ओकि तिनी सिर्फ जांगिया ही लाऊरा थू, अतै झीला मन्ज छाळ लाई दिती। 8पर होर चेलै किस्ती पुर मछली सितै भरूरा जाल खिंजदै आये, क्ओकि सो कनारै थऊँ बड़ी दूर ना थियै, पर कोई लगभग सौ मीटर दूर थियै।
9जैहणै सो कनारै पुर ओसै ता तियैं कोयलै री अग अतै तैत पुर मछली रखुरी अतै रोटी हेरी।
10यीशुऐ तियां सोगी बल्लू, “जैड़ी मछली तुहै हबजु पकड़ी हिन, तियां मन्ज कुछ लेई के अईआ।” 11ता शमौन पतरसै किस्ती पुर चड़ी करी अक्क सो त्रियुन्जा बड़ी मछली सितै भरूरा जाल कनारै मन्ज खिंजू, अतै ऐतनी मछली भूणै पुर भी जाल ना फटू। 12यीशुऐ तियां सोगी बल्लू, “अईआ, खाणा खान्दै।” चेलै मन्ज कसिओ हिम्मत ना भूई कि तैस थऊँ पुछन, “तू कुण हा?” क्ओकि सो जाणदै थियै कि ऐह प्रभु ही हा। 13यीशु आ अतै रोटी लेई करी तियां जो दिती, अतै तियां ही मछली भी। 14ऐह त्रीं बरी हा कि यीशु मरी करी जी उूठणै बाद चेलै जो हुजु थू।
यीशु अतै पतरस
15खाणै थऊँ बाद यीशुऐ शमौन पतरस सितै बल्लू, “हे शमौन, यूहन्ना रै पुत्र, कै तू सच मन्ज ईयां थऊँ बदिकरी मिन्जो सितै प्यार रखदा?” तिनी बल्लू, “हाँ, प्रभु; तू ता जाणदा हा कि अऊँ तिजो सोगी प्यार रखदा।” ता तिनी बल्लू, “मेरी भैड़ा जो चरा।” 16तिनी फिरी दूई बरी बल्लू, “हे शमौन, यूहन्ना रै पुत्र, कै तू मिन्जो सोगी सच मन्ज प्यार रखदा?” तिनी तैस सोगी बल्लू, “हाँ, प्रभु; तू जाणदा हा कि अऊँ तिजो सोगी प्यार रखदा।” तिनी तैस सोगी बल्लू, “मेरी भैड़ा री रखबाळी कर।” 17तिनी त्रीं बरी तैस सोगी बल्लू, “हे शमौन, यूहन्ना रै पुत्र, कै तू मिन्जो सोगी प्यार रखदा?” पतरस उदास भूच्ची गो कि तिनी त्रीं बरी ऐसा बल्लू हा, “कै तू मिन्जो सोगी प्यार रखदा हा?” तिनी बल्लू, “हे प्रभु, तू ता सब कुछ जाणदा हा; तू ऐह जाणदा हा कि अऊँ तिजो सोगी प्यार रखदा।” यीशुऐ तैस सोगी बल्लू, “मेरी भैड़ा जो चरा। 18अऊँ तिजो सोगी सच बलदा हा, जैहणै तू जवान थू ता अपणी कमरा बनी करी जैड़ी चाहन्दा थू तैड़ी फिरदा थू; पर जैहणै तुद बुढै भूणा ता अपणै हत्थ फैलाणै हिन, अतै दूये तेरी कमरा बनी करी जैड़ी तुद ना चाहणा तैड़ी तैस लेई गाणा।” 19तिनी ईयां गल्ला थऊँ ऐह इशारा करू कि पतरसा किनी मौती सितै प्रमात्मैं री जय जयकार करनी हा। अतै तैहणै तिनी तैस सोगी बल्लू, “मेरै पिचो चली पै।”
यीशु अतै तसेरा प्यारा चेला
20पतरसै मुड़ीकरी तैस चेलै जो पचूँह इन्दै हेरू, जैस सोगी यीशु प्यार रखदा थू, अतै जिनी फसह रा खाणा खान्दै टैमैं तसेरै नेड़ै बैही करी तैस थऊँ पुछुरा थू, “हे प्रभु, तेरा पकडाणैवाळा कुण हा?” 21तैसिओ हेरी करी पतरसै यीशु सोगी बल्लू, “हे प्रभु, सेरा कै हाल भोला?”
22यीशुऐ तैस सोगी बल्लू, “अगर अऊँ चाँऊ कि सो मेरै फिरी करी ईणै तक रूकी रेय्आ, ता तिजो ऐत थऊँ कै? तू मेरै पिचो चली पै।” 23ठेरैतांये सबी चलै मन्ज ऐह गल्ल फैली गई कि तैस चेलै ना मरना; तांभी यीशुऐ तैस सोगी ऐह ना बल्लू कि तैस ना मरना, पर ऐह कि “अगर अऊँ चाँऊ कि सो मेरै फिरी ईणै तक रूकी रेय्आ, ता तिजो ऐत थऊँ कै?”
उपसंहार
24ऐह सो ही चेला हा जैडा ईयां गल्ला री गवाही दिन्दा हा अतै जिनी ईयां गल्ला जो लिखु हा, अतै अहै जाणदै हिन तसेरी गवाही सच्ची हा।
25होर भी मतै कम हिन, जैड़ै यीशुऐ करूरै; अगर सो अक्क अक्क करीके लिखिन्दै ता अऊँ समझदा कि जैड़ी कताबा लिखिन्दी सो ऐस संसारा मन्ज भी ना समांदी।
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.