Markus 16
16
Jesu yakhal kih peemuutt
(Mat 28:1-8; Luk 24:1-12; Yoh 20:1-10)
1Kaarooh Puus Nookdyi dhel, bhi Maryamu Magdalin, kihh Maryamu w'u a nhikhin khi Yakub, kihh Salomi mwopp dum seett mwoor'teghez tihh mwopp dum m'um kumm Jesu diy. 2Byitt-byitt p'ar Puus Wu'shee mhi shaptarr, kaarooh puus kudyi kihh shang kaah rah, bhi mwopp y'aa arr p'ee dum phi kihshirr ni. 3Mwopp kihh nang phishag le, “Kooh a wuyeh p'ee byit elleng w'u phi kihshirr ni lhi'baa munn ayeh?”
4Kaarooh mwopp eep yit ru naahpee diy phi kihshirr ni, bhi mwopp naah kad gag elleng ni a wu bhi-byit lhi'baa. 5Kaarooh mwopp dhel dhighin kihshirr ni, bhi mwopp naah m'ee l'aa wuyyaah kihh looh wu'pyaah pengg-pengg kihh tong koghob sarrsoh, bhi bhaann chaat bwut mwopp pwetd.
6Bhi l'aa wuhyah ni satt mwopp le, “Tapp khighiy shwat wunn mou, wunn phi lyap a Jesu Gu-Nazaret w'u deh mwopp pwas shisihng? T'o, baa yakhal! Nyi se dyi mou. Wu naah pee w'u deh mwopp dhen nyi diy s'ang. 7Wu y'aa arr. Dum wu yakshiiy nyi zheppkamm khinyi mwopp kihhsheh kihh Bitrus zag wu le, nyi p'ee dum Galili ky'een wunn. Wunn p'ee kad naah nyi nhighin kaah deh satt wunn seh.”
8Shwarab ni mwopp pwoorrpee pwat dhighin kihshirr ni mwopp chaat shu'shu. Shoopshik mwopp kihh lapptam, mwopp kihh yeehpee kih shut. Baah mwopp dyangg mee'bii menguh mou p'ee kihkhirmuut y'aa mwopp pwetd.
9T'o, kaarooh Jesu yakhal kih peemuutt byitt-byitt p'ar Puus Wu'shee mhi shaptarr, bhi shee dyingg shin a Maryamu Magdalin, mat w'u gyet Jesu ni pwat kihh mumullung pwoghovel dhighin nyi seh. 10Bhi Maryamu ni dum yakshiiy bii mihhseh mwooh gyet kihshag kihh Jesu, w'u mwopp kaah wall maab kihh wuuh-wuuh. 11Kaarooh mwopp klihng rooh Maryamu satt mwopp le Jesu kihh seen harr rah naah gw'ar, bhi baah mwopp pihhzeenn bii w'u satt mwopp seh mou.
12Bwoon mihhseh, bhi Jesu dyingg shin sh'i m'ee shik wu'dyikk gurum vel dhighin mwopp kaarooh mwopp kaah mwaan dhighin dh'em. 13Mwopp wak-ja yakshiiy nyi kakhar zheppkamm ni mwopp, dhangg baah mwopp pihhzeenn mwopp mou.
14Lang'lee bhi Jesu dyingg shin kakhar zheppkamm w'u kaghapaad baa'kihmeh ni mwopp kaarooh mwopp kih tong soh. Tepbhellepp mwopp p'ee shiin-pihhzeenn khimwopp kihh tukhupbhall w'u d'aam mwopp pihhzeenn mwooh mwopp naah riy bwoonrooh riy yakhal kih peemuutt.
15Bhi satt mwopp le, “Wu dum koohneeh dhighin yill ni wu satt Pwoo'wurett ni gurum mwopp weett. 16Kapp gwooh pihhzeenn, harr mwopp sh'in baptisma nyi, bhi nyi p'ee kad bh'am, dhangg gwooh pihhzeenn mou, bhi Naan p'ee shandyeell gwoh ni. 17Bii'kattshiiy mhize mwopp p'ee dhen kihshag kihh mwooh mwopp pihhzeenn: Mwopp p'ee pwat kihh mumullung mwopp dhighin shumm nah; mwopp p'ee kadpwoo sh'i liiss wu'pwooh; 18Mwopp p'ee mak kok w'oo sh'i sarr ruh; yakhal mihh mwopp shwaa m'ee yentuh, bhi baah nyi p'ee sh'in mee'bii mwopp mou; mwopp p'ee l'e sarr ruh kih mhi'shwal mwopp, bhi mhi'shwal ni mwopp p'ee kad kakhamm.”
19Bwoonrooh Daah Jesu shin'pwoo kihh mwopp, bhi Naan m'ang nyi lhi'kaa dum kih dhengNaan, k'aa tong sarrsoh khi Naan. 20Yakhal nhighin bhi zheppkamm khinyi mwopp kihh pwat duam y'aa satt pwooNaan koohneeh, bhi Daah Jesu kihh sh'in dhakk kihshag kihh mwopp, kihh kammzeenn mhi pwoo keeniy ni sh'i bii'aapwoo w'u kihh sh'in dhighin mwopp.
Արդեն Ընտրված.
Markus 16: Chakfem
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
©️2022 Luke Initiative for Scripture Translation
Markus 16
16
Jesu yakhal kih peemuutt
(Mat 28:1-8; Luk 24:1-12; Yoh 20:1-10)
1Kaarooh Puus Nookdyi dhel, bhi Maryamu Magdalin, kihh Maryamu w'u a nhikhin khi Yakub, kihh Salomi mwopp dum seett mwoor'teghez tihh mwopp dum m'um kumm Jesu diy. 2Byitt-byitt p'ar Puus Wu'shee mhi shaptarr, kaarooh puus kudyi kihh shang kaah rah, bhi mwopp y'aa arr p'ee dum phi kihshirr ni. 3Mwopp kihh nang phishag le, “Kooh a wuyeh p'ee byit elleng w'u phi kihshirr ni lhi'baa munn ayeh?”
4Kaarooh mwopp eep yit ru naahpee diy phi kihshirr ni, bhi mwopp naah kad gag elleng ni a wu bhi-byit lhi'baa. 5Kaarooh mwopp dhel dhighin kihshirr ni, bhi mwopp naah m'ee l'aa wuyyaah kihh looh wu'pyaah pengg-pengg kihh tong koghob sarrsoh, bhi bhaann chaat bwut mwopp pwetd.
6Bhi l'aa wuhyah ni satt mwopp le, “Tapp khighiy shwat wunn mou, wunn phi lyap a Jesu Gu-Nazaret w'u deh mwopp pwas shisihng? T'o, baa yakhal! Nyi se dyi mou. Wu naah pee w'u deh mwopp dhen nyi diy s'ang. 7Wu y'aa arr. Dum wu yakshiiy nyi zheppkamm khinyi mwopp kihhsheh kihh Bitrus zag wu le, nyi p'ee dum Galili ky'een wunn. Wunn p'ee kad naah nyi nhighin kaah deh satt wunn seh.”
8Shwarab ni mwopp pwoorrpee pwat dhighin kihshirr ni mwopp chaat shu'shu. Shoopshik mwopp kihh lapptam, mwopp kihh yeehpee kih shut. Baah mwopp dyangg mee'bii menguh mou p'ee kihkhirmuut y'aa mwopp pwetd.
9T'o, kaarooh Jesu yakhal kih peemuutt byitt-byitt p'ar Puus Wu'shee mhi shaptarr, bhi shee dyingg shin a Maryamu Magdalin, mat w'u gyet Jesu ni pwat kihh mumullung pwoghovel dhighin nyi seh. 10Bhi Maryamu ni dum yakshiiy bii mihhseh mwooh gyet kihshag kihh Jesu, w'u mwopp kaah wall maab kihh wuuh-wuuh. 11Kaarooh mwopp klihng rooh Maryamu satt mwopp le Jesu kihh seen harr rah naah gw'ar, bhi baah mwopp pihhzeenn bii w'u satt mwopp seh mou.
12Bwoon mihhseh, bhi Jesu dyingg shin sh'i m'ee shik wu'dyikk gurum vel dhighin mwopp kaarooh mwopp kaah mwaan dhighin dh'em. 13Mwopp wak-ja yakshiiy nyi kakhar zheppkamm ni mwopp, dhangg baah mwopp pihhzeenn mwopp mou.
14Lang'lee bhi Jesu dyingg shin kakhar zheppkamm w'u kaghapaad baa'kihmeh ni mwopp kaarooh mwopp kih tong soh. Tepbhellepp mwopp p'ee shiin-pihhzeenn khimwopp kihh tukhupbhall w'u d'aam mwopp pihhzeenn mwooh mwopp naah riy bwoonrooh riy yakhal kih peemuutt.
15Bhi satt mwopp le, “Wu dum koohneeh dhighin yill ni wu satt Pwoo'wurett ni gurum mwopp weett. 16Kapp gwooh pihhzeenn, harr mwopp sh'in baptisma nyi, bhi nyi p'ee kad bh'am, dhangg gwooh pihhzeenn mou, bhi Naan p'ee shandyeell gwoh ni. 17Bii'kattshiiy mhize mwopp p'ee dhen kihshag kihh mwooh mwopp pihhzeenn: Mwopp p'ee pwat kihh mumullung mwopp dhighin shumm nah; mwopp p'ee kadpwoo sh'i liiss wu'pwooh; 18Mwopp p'ee mak kok w'oo sh'i sarr ruh; yakhal mihh mwopp shwaa m'ee yentuh, bhi baah nyi p'ee sh'in mee'bii mwopp mou; mwopp p'ee l'e sarr ruh kih mhi'shwal mwopp, bhi mhi'shwal ni mwopp p'ee kad kakhamm.”
19Bwoonrooh Daah Jesu shin'pwoo kihh mwopp, bhi Naan m'ang nyi lhi'kaa dum kih dhengNaan, k'aa tong sarrsoh khi Naan. 20Yakhal nhighin bhi zheppkamm khinyi mwopp kihh pwat duam y'aa satt pwooNaan koohneeh, bhi Daah Jesu kihh sh'in dhakk kihshag kihh mwopp, kihh kammzeenn mhi pwoo keeniy ni sh'i bii'aapwoo w'u kihh sh'in dhighin mwopp.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
©️2022 Luke Initiative for Scripture Translation