APAN AQAO: 9
9
Noa We' To" Ra" Mao"So: Dao: Thang"
1Mao"So wa Noa we' yao" yauggai zo: qe re shaman" byid: mung: naonhaung" myid:zo: qe wa myid gaung byang" sho' na: genae" qhid' mae" zo: dau myo: sho' myhung ge,- 2Gug'nyhug' alhab' ngho' jham ngo: jham alhab' wa naonhaung" re gyaug: na: li" genae". Yao: bam alhab' wa naonhaung" lo, khug mae nha: to: byid' ra". 3Ao: nyug pho' nyug re zo" ru we' dakhyo: naonhaung" wa aijham re qo" zo" ra". Ngo wa aijham re naonhaung" qhid' mae" zo:ve khyo" byid' to" ra". 4Naonhaung" wa sa: we' sho: re daga" magai: zo: ngad: ra". Ngo wa cere tam" to" ra". Pe"mung:ga"re kao so' wa sa: mae bo yang: ngad: ra". 5Dayaug yaug byu: kao so' re yu: pye' ngad: re yao: wa qobo dae byid' ru qhug' li" nae". gug'nyhug' dadau: dau: byu: kao so' re yu: pye' ngad: re- ngo wa aire shid: ra" qobo dae byid: nae". 6Byu wa Mao"So we' dau: ra" khyo" phan" to" ru ngad mung: byu se' yaug khag' ngadqere: su: yang se' ru qhug' li" nae".
7Naonhaung" myid:zo: qe wa myid gaung byang" sho' na: li" genae" qhid' mae" naonhaung" wa zo: dau myo: sho' myhung ca" ra"- ga: ta" ra".
8Mao"So wa Noa we' yao" yauggai zo: qere- 9-10Ana" ngo wa naonhaung" we' naonhaung" myid:zo: qe- kao so' daui: ra" ja: alhab' ngho' jham alhab' gug'nyhug' jham alhab' nao we' daga" qid sang pho khug mae" thug' li" ko" ra" ja: khao: ngo" we' nga" dao: thang" re to" ra". 11Ngo wa ce: dao: jham we' nga" dao: thang" re naonhaung" we' dao: thang" kad' ra". Ngo wa khonhae" re: daqid shi: yang: daui: ra" ja: alhab' re madam: phyo' qheim" pye' lo nae". Daqid wa khonhae" re: myid gaung re madam: phyo' qheim" pye' lo nae" ein: ngo dao:so: to" ra". 12Naonhaung" we' re: daui: na: ra" ja: alhab' we' re: to" ra" ce: apyad ato: dao: thang" to" ra" aso: khyo"- 13Ngo wa nga" nho: sang yhao re jham khug mae ke' to" ra". Airu wa mug: myid we' ngo to" ra" nga" dao: thang" nho: aso: ngad: jo; li" nae". 14Mug:gaung re jham thaui" yang ngo nghoe' ke' khao: ngo" sang yhao myao: thug' li" nae". 15Ailao" ngo wa naonhaung" we' to" ra" dao:so: re myid: beim" li" nae". Amung: gug'nyhug' alhab' we' daui: na: ra" ja: alhab' re daqid: yang khonhae" re: madam: phyo' qheim" pye' lo nae". 16Jham thaui: khug mae sang yhao myao: thug' li" lao" ngo wa aire the' myao mung:- myid gaung dao mae kao so' daui: na: ra" ja: alhab' we' nga" agyo: mae kad' to" ra" apyad ato: dao: thang" re ngo myid: beim" li" nae". 17Airu wa kao so' daui: ra" ja: alhab' re ngo byid' to" ra" dao: so" nho: aso: ngad: ra".
Noa We' Yao" Nho: Yauggai Zo: Qe
18Qid sang pho mae" thug' lo" ko" ra" Noa nho: yauggai zo: qe wa Shem- Ham Yaphed bam ngad: ako".(Ham wa Khanan nho: yao: pho" ngad: ra".) 19Ce: Noa nho: yauggai zo: sam yaug wa myid gaung dao mae" byu alhab' mo; nho: phug' pho" qe ngad: ako".
20Noa wa yo kad' zo: yaug ngad mung: sabyi khyae sao qhid' qho" ra" yaug ngad: ra". 21Yao: wa sabyi qang: shaug' thao re yid: li" mung: yao" mai bau: jham khyad' pye' yang: yao" pin: cug' zaung mae gaung pyad' lang" jo; ra". 22Khanan nho: yao: pho" Ham: wa yao: pho" gaung pyad' ngad: rure myao lao" yao: wa thug' ye" lo" mung: yao: mao: shid' tao re yeta" kyo" ra". 23Ailao" Shem we' Yaphed tao wa bau: qhang re yu: yu mung: yao: shid' tao: nho: nhaung thao" shad' lo, sin mae kai: yang: yao: shid' tao wa ai: pin: cug' zaung khyo nhaung thao" khyo" su" ye: mung: yao: shid' tao: yao: pho" re yenghoe' byid' ako". Yao: pho" gaung pyad' re mamyao nae" qhid' mae" yao: shid' tao: myo, khung: re phaug' ci: ako". 24Noa wa yid: gyang" li" mung: yao" yauggai zo: angai tao yao: re kad' byid' ra" khyo re ba lao"- 25Yao: wa Khanan wa nhang" kheim: zao" vashao: wo"-
yao: wa yao: mao: tao: nho: jeim doe, vashao:-
26Shem nho: Mao"So- Asang re caung:khin" byid: ge, wo"-
Khanan wa Shem nho: jeim doe; li" nae".
27Mao"So wa Yaphed re myo" laug: li" nhao vashao: wo"-
yao" myid:zo: qe wa Shem nho: myid:zo: qe we' daga" na vageshao:-
Khanan wa Yaphed nho: jeim doe; vashao: wo"- ga: ta" ra".
28Daqid shid: thao re Noa wa 350 zin daui: na mung:- 29Yao" apyad 950 zin re shid: lo" ra".
Արդեն Ընտրված.
APAN AQAO: 9: LHCL
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Bible Society of Myanmar 2009
APAN AQAO: 9
9
Noa We' To" Ra" Mao"So: Dao: Thang"
1Mao"So wa Noa we' yao" yauggai zo: qe re shaman" byid: mung: naonhaung" myid:zo: qe wa myid gaung byang" sho' na: genae" qhid' mae" zo: dau myo: sho' myhung ge,- 2Gug'nyhug' alhab' ngho' jham ngo: jham alhab' wa naonhaung" re gyaug: na: li" genae". Yao: bam alhab' wa naonhaung" lo, khug mae nha: to: byid' ra". 3Ao: nyug pho' nyug re zo" ru we' dakhyo: naonhaung" wa aijham re qo" zo" ra". Ngo wa aijham re naonhaung" qhid' mae" zo:ve khyo" byid' to" ra". 4Naonhaung" wa sa: we' sho: re daga" magai: zo: ngad: ra". Ngo wa cere tam" to" ra". Pe"mung:ga"re kao so' wa sa: mae bo yang: ngad: ra". 5Dayaug yaug byu: kao so' re yu: pye' ngad: re yao: wa qobo dae byid' ru qhug' li" nae". gug'nyhug' dadau: dau: byu: kao so' re yu: pye' ngad: re- ngo wa aire shid: ra" qobo dae byid: nae". 6Byu wa Mao"So we' dau: ra" khyo" phan" to" ru ngad mung: byu se' yaug khag' ngadqere: su: yang se' ru qhug' li" nae".
7Naonhaung" myid:zo: qe wa myid gaung byang" sho' na: li" genae" qhid' mae" naonhaung" wa zo: dau myo: sho' myhung ca" ra"- ga: ta" ra".
8Mao"So wa Noa we' yao" yauggai zo: qere- 9-10Ana" ngo wa naonhaung" we' naonhaung" myid:zo: qe- kao so' daui: ra" ja: alhab' ngho' jham alhab' gug'nyhug' jham alhab' nao we' daga" qid sang pho khug mae" thug' li" ko" ra" ja: khao: ngo" we' nga" dao: thang" re to" ra". 11Ngo wa ce: dao: jham we' nga" dao: thang" re naonhaung" we' dao: thang" kad' ra". Ngo wa khonhae" re: daqid shi: yang: daui: ra" ja: alhab' re madam: phyo' qheim" pye' lo nae". Daqid wa khonhae" re: myid gaung re madam: phyo' qheim" pye' lo nae" ein: ngo dao:so: to" ra". 12Naonhaung" we' re: daui: na: ra" ja: alhab' we' re: to" ra" ce: apyad ato: dao: thang" to" ra" aso: khyo"- 13Ngo wa nga" nho: sang yhao re jham khug mae ke' to" ra". Airu wa mug: myid we' ngo to" ra" nga" dao: thang" nho: aso: ngad: jo; li" nae". 14Mug:gaung re jham thaui" yang ngo nghoe' ke' khao: ngo" sang yhao myao: thug' li" nae". 15Ailao" ngo wa naonhaung" we' to" ra" dao:so: re myid: beim" li" nae". Amung: gug'nyhug' alhab' we' daui: na: ra" ja: alhab' re daqid: yang khonhae" re: madam: phyo' qheim" pye' lo nae". 16Jham thaui: khug mae sang yhao myao: thug' li" lao" ngo wa aire the' myao mung:- myid gaung dao mae kao so' daui: na: ra" ja: alhab' we' nga" agyo: mae kad' to" ra" apyad ato: dao: thang" re ngo myid: beim" li" nae". 17Airu wa kao so' daui: ra" ja: alhab' re ngo byid' to" ra" dao: so" nho: aso: ngad: ra".
Noa We' Yao" Nho: Yauggai Zo: Qe
18Qid sang pho mae" thug' lo" ko" ra" Noa nho: yauggai zo: qe wa Shem- Ham Yaphed bam ngad: ako".(Ham wa Khanan nho: yao: pho" ngad: ra".) 19Ce: Noa nho: yauggai zo: sam yaug wa myid gaung dao mae" byu alhab' mo; nho: phug' pho" qe ngad: ako".
20Noa wa yo kad' zo: yaug ngad mung: sabyi khyae sao qhid' qho" ra" yaug ngad: ra". 21Yao: wa sabyi qang: shaug' thao re yid: li" mung: yao" mai bau: jham khyad' pye' yang: yao" pin: cug' zaung mae gaung pyad' lang" jo; ra". 22Khanan nho: yao: pho" Ham: wa yao: pho" gaung pyad' ngad: rure myao lao" yao: wa thug' ye" lo" mung: yao: mao: shid' tao re yeta" kyo" ra". 23Ailao" Shem we' Yaphed tao wa bau: qhang re yu: yu mung: yao: shid' tao: nho: nhaung thao" shad' lo, sin mae kai: yang: yao: shid' tao wa ai: pin: cug' zaung khyo nhaung thao" khyo" su" ye: mung: yao: shid' tao: yao: pho" re yenghoe' byid' ako". Yao: pho" gaung pyad' re mamyao nae" qhid' mae" yao: shid' tao: myo, khung: re phaug' ci: ako". 24Noa wa yid: gyang" li" mung: yao" yauggai zo: angai tao yao: re kad' byid' ra" khyo re ba lao"- 25Yao: wa Khanan wa nhang" kheim: zao" vashao: wo"-
yao: wa yao: mao: tao: nho: jeim doe, vashao:-
26Shem nho: Mao"So- Asang re caung:khin" byid: ge, wo"-
Khanan wa Shem nho: jeim doe; li" nae".
27Mao"So wa Yaphed re myo" laug: li" nhao vashao: wo"-
yao" myid:zo: qe wa Shem nho: myid:zo: qe we' daga" na vageshao:-
Khanan wa Yaphed nho: jeim doe; vashao: wo"- ga: ta" ra".
28Daqid shid: thao re Noa wa 350 zin daui: na mung:- 29Yao" apyad 950 zin re shid: lo" ra".
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Bible Society of Myanmar 2009