GÉNESIS 14
14
Lot shuti runata, Abram cacharichishcamanda
1Amrafel shuti jatun mandajmi, Sinar shuti llactataca mandajurca. Arioc shuti jatun mandajca, Elasar shuti llactatami mandajurca. Quedorlaomer shuti jatun mandajca, Elam shuti llactatami mandajurca. Tidal shuti jatun mandajca, Goim shuti llactatami mandajurca. Chai punllacunapimi cashna tucurca: 2Chai mandajcunami, Sodoma pueblota jatun mandaj Bera shuti runahuan, Gomorra pueblota jatun mandaj Birsa shuti runahuan, Adma shuti pueblota jatun mandaj Sinab shuti runahuan, Zeboim pueblota jatun mandaj, Semeber shuti runahuan, Zoar nishca Bela shuti pueblota jatun mandajhuambash, macanajunajurca. 3Tucuilla chai mandajcunaca, Sidim shuti jatun pambapi, Cachi cucha manñapimi tandanajurca.
4Paicunaca chunga ishcai huatatami, Quedorlaomer shuti mandajpajta rurashpa causanajushca carca. Shina cashpami, chunga quimsa huatapica, chai mandajtaca na cazushpa tucuilla jatarirca. 5Shina cajpimi, Quedorlaomer shuti runaca, chunga chuscu huatapica, paipaj cumba jatun mandajcunandi shamurca. Shinami, refaíta gentecunataca, Astarot Karnaim shuti llactapi mishashpa tucuchirca. Zuzita gentecunataca, Ham shuti pueblopimi mishashpa tucuchirca. Emita gentecunataca, Save-quiriataim shuti pueblopimi mishashpa tucuchirca. 6Horeo gentecunataca, Seir shuti urcumanda jichushca pambapi tiyaj, Parán shuti pugru pambacaman catishpami mishashpa tucuchirca. 7Paicunaca, cutin tigrashpa shamushpami, En-mispat shuti, Cades puebloman chayarca. Amalec gentecuna causaj llactapi ima tiyashcatapash, tucuillami tucuchirca. Shinallata, Hazezon-tamar shuti llactapi causanajuj, amorreo gentecunatapashmi mishashpa tucuchirca.
8Shina cajpimi, Sodoma, Gomorra, Adma, Zeboim shuti pueblocunata mandajcunapash, shinallata, Zoar nishca Bela shuti pueblota jatun mandajpash llujshishpaca, Sidim shuti pambapi macanajungapa alichirinajurca.
9Paicunami, Elam pueblota jatun mandaj Quedorlaomer runahuan, Goim shuti pueblota jatun mandaj Tidal shuti runahuan, Sinar shuti pueblota jatun mandaj Amrafel shuti runahuan, Elasar pueblota jatun mandaj Arioc shuti runahuan macanajurca. Chuscu jatun mandajcunaca, caishuj picha jatun mandajcunahuanmi macanajurca. 10Sidim shuti pambapica, asfalto llujshijuj ashtaca utujucunami tiyarca. Sodoma pueblota, Gomorra pueblota, jatun mandajcuna, calpanajushpami, huaquingunaca chai utujucunapimi huashajunajurca. Shujcunaca, urcupi pacajungapami calpanajurca.
11Shina mishashpami, Sodoma shuti, Gomorra shuti pueblocunapi causajcuna, tucui imata charishcatapash, tucuilla quichushpa apanajurca. 12Abrambaj huauquipaj churi Lotca, Sodoma pueblopimi causajurca. Chaimandami paitapash, pai ima charishcacunatapash quichushpa apanajurca. 13Chaitami pacajushpa shamuj shuj runaca, hebreopura Abram runaman villaj shamurca. Abrahamga, amorreopura, Mamre shuti runapaj, encina shuti quirucuna shayanajuj alpapimi causajurca. Mamre shuti runaca, Escol shuti, Aner shuti, runacunapaj huauquimi carca. Paicunami, Abramhuanga, shujllashnalla imatapash yarinajurca.
14Abramga, paipaj ayllu Lot prezu tiyajujta uyashpaca, paipaj huasipi huacharishca, quimsa patsaj chunga pusaj, paipajta ruraj runacunata tandachishpami, Dan shuti pueblocaman catirca. 15Abramhuan, paipajta ruraj runacunahuan tuta japigrishpami, paicunahuan macanajurca. Paicunaca, Damasco pueblo, jahuaman tiyaj, Hoba shuti pueblocamanmi catinajurca. 16Tucui ima charishcacunata apashcacunatapash, shinallata paipaj ayllupura Lot runatapash, pai imata charishcacunatapash, huarmicunatapash, shuj gentecunatapashmi quichushpa, cutin pushamurca.
Sacerdote Melquisedec, Abramda bendiciashcamanda
17Quedorlaomer shuti mandajtapash, paihuan tandanajushca mandajcunatapash, Abram mishashpa tigramujujpimi, Sodoma pueblota jatun mandajca, Save shuti pambapi tuparingapa llujshirca. Chai pambataca, Mandajpaj pamba nishpami rijsirca. 18Chaipica Melquisedec shuti sacerdotemi, tandatapash, vinotapash apashpa shamurca. Paica, Salem pueblota jatun mandajpash, jahua pachapi causajuj Taita Diospaj sacerdotepashmi carca. 19Chaipimi cashna nishpa Abramdaca bendiciajurca: “Jahua pachata, cai pachata ruraj, jahua pachapi causajuj Taita Dios, candaca bendiciachun. 20Canda fiñajcunata, cambaj maquipi churaj, jahua pachapi causajuj Taita Diosca ninanda alicachi tucushca cachun” nijurcami.
Shina nijpimi Abramga, tucui imatalla quichushpa apamushcamanda, chungamanda shujguta curca. 21Shinamandami Sodoma pueblota mandaj runaca, Abramdaca cashna nirca:
“Gentecunatalla ñucaman saquihuai. Paicuna imatalla charishcacunataca tucuilla apailla” nircami.
22Shina nijpimi Abramga, Sodoma pueblota mandaj runataca, cashna nirca:
“Jahua pachata, cai pachata ruraj, jahua pachapi causajuj Mandaj Taita Diospaj ñaupajpi juramentoshpami, cashna nircani: 23‘Shujlla puchatallapash, chaquipi churajushcata huatarina caratallapash, cambaj cashcataca na japishachu’ nircanimi. ‘Abrahamdaca, ñucami charijyachircani’ nishpa ama rimachunmi chashna nircani. 24Chairalla viñaicuna micushcata, ñucahuan rij, Aner, Escol, Mamre shuti runacuna apamushcatallami apasha” nircami.
Արդեն Ընտրված.
GÉNESIS 14: QVI16
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
GÉNESIS 14
14
Lot shuti runata, Abram cacharichishcamanda
1Amrafel shuti jatun mandajmi, Sinar shuti llactataca mandajurca. Arioc shuti jatun mandajca, Elasar shuti llactatami mandajurca. Quedorlaomer shuti jatun mandajca, Elam shuti llactatami mandajurca. Tidal shuti jatun mandajca, Goim shuti llactatami mandajurca. Chai punllacunapimi cashna tucurca: 2Chai mandajcunami, Sodoma pueblota jatun mandaj Bera shuti runahuan, Gomorra pueblota jatun mandaj Birsa shuti runahuan, Adma shuti pueblota jatun mandaj Sinab shuti runahuan, Zeboim pueblota jatun mandaj, Semeber shuti runahuan, Zoar nishca Bela shuti pueblota jatun mandajhuambash, macanajunajurca. 3Tucuilla chai mandajcunaca, Sidim shuti jatun pambapi, Cachi cucha manñapimi tandanajurca.
4Paicunaca chunga ishcai huatatami, Quedorlaomer shuti mandajpajta rurashpa causanajushca carca. Shina cashpami, chunga quimsa huatapica, chai mandajtaca na cazushpa tucuilla jatarirca. 5Shina cajpimi, Quedorlaomer shuti runaca, chunga chuscu huatapica, paipaj cumba jatun mandajcunandi shamurca. Shinami, refaíta gentecunataca, Astarot Karnaim shuti llactapi mishashpa tucuchirca. Zuzita gentecunataca, Ham shuti pueblopimi mishashpa tucuchirca. Emita gentecunataca, Save-quiriataim shuti pueblopimi mishashpa tucuchirca. 6Horeo gentecunataca, Seir shuti urcumanda jichushca pambapi tiyaj, Parán shuti pugru pambacaman catishpami mishashpa tucuchirca. 7Paicunaca, cutin tigrashpa shamushpami, En-mispat shuti, Cades puebloman chayarca. Amalec gentecuna causaj llactapi ima tiyashcatapash, tucuillami tucuchirca. Shinallata, Hazezon-tamar shuti llactapi causanajuj, amorreo gentecunatapashmi mishashpa tucuchirca.
8Shina cajpimi, Sodoma, Gomorra, Adma, Zeboim shuti pueblocunata mandajcunapash, shinallata, Zoar nishca Bela shuti pueblota jatun mandajpash llujshishpaca, Sidim shuti pambapi macanajungapa alichirinajurca.
9Paicunami, Elam pueblota jatun mandaj Quedorlaomer runahuan, Goim shuti pueblota jatun mandaj Tidal shuti runahuan, Sinar shuti pueblota jatun mandaj Amrafel shuti runahuan, Elasar pueblota jatun mandaj Arioc shuti runahuan macanajurca. Chuscu jatun mandajcunaca, caishuj picha jatun mandajcunahuanmi macanajurca. 10Sidim shuti pambapica, asfalto llujshijuj ashtaca utujucunami tiyarca. Sodoma pueblota, Gomorra pueblota, jatun mandajcuna, calpanajushpami, huaquingunaca chai utujucunapimi huashajunajurca. Shujcunaca, urcupi pacajungapami calpanajurca.
11Shina mishashpami, Sodoma shuti, Gomorra shuti pueblocunapi causajcuna, tucui imata charishcatapash, tucuilla quichushpa apanajurca. 12Abrambaj huauquipaj churi Lotca, Sodoma pueblopimi causajurca. Chaimandami paitapash, pai ima charishcacunatapash quichushpa apanajurca. 13Chaitami pacajushpa shamuj shuj runaca, hebreopura Abram runaman villaj shamurca. Abrahamga, amorreopura, Mamre shuti runapaj, encina shuti quirucuna shayanajuj alpapimi causajurca. Mamre shuti runaca, Escol shuti, Aner shuti, runacunapaj huauquimi carca. Paicunami, Abramhuanga, shujllashnalla imatapash yarinajurca.
14Abramga, paipaj ayllu Lot prezu tiyajujta uyashpaca, paipaj huasipi huacharishca, quimsa patsaj chunga pusaj, paipajta ruraj runacunata tandachishpami, Dan shuti pueblocaman catirca. 15Abramhuan, paipajta ruraj runacunahuan tuta japigrishpami, paicunahuan macanajurca. Paicunaca, Damasco pueblo, jahuaman tiyaj, Hoba shuti pueblocamanmi catinajurca. 16Tucui ima charishcacunata apashcacunatapash, shinallata paipaj ayllupura Lot runatapash, pai imata charishcacunatapash, huarmicunatapash, shuj gentecunatapashmi quichushpa, cutin pushamurca.
Sacerdote Melquisedec, Abramda bendiciashcamanda
17Quedorlaomer shuti mandajtapash, paihuan tandanajushca mandajcunatapash, Abram mishashpa tigramujujpimi, Sodoma pueblota jatun mandajca, Save shuti pambapi tuparingapa llujshirca. Chai pambataca, Mandajpaj pamba nishpami rijsirca. 18Chaipica Melquisedec shuti sacerdotemi, tandatapash, vinotapash apashpa shamurca. Paica, Salem pueblota jatun mandajpash, jahua pachapi causajuj Taita Diospaj sacerdotepashmi carca. 19Chaipimi cashna nishpa Abramdaca bendiciajurca: “Jahua pachata, cai pachata ruraj, jahua pachapi causajuj Taita Dios, candaca bendiciachun. 20Canda fiñajcunata, cambaj maquipi churaj, jahua pachapi causajuj Taita Diosca ninanda alicachi tucushca cachun” nijurcami.
Shina nijpimi Abramga, tucui imatalla quichushpa apamushcamanda, chungamanda shujguta curca. 21Shinamandami Sodoma pueblota mandaj runaca, Abramdaca cashna nirca:
“Gentecunatalla ñucaman saquihuai. Paicuna imatalla charishcacunataca tucuilla apailla” nircami.
22Shina nijpimi Abramga, Sodoma pueblota mandaj runataca, cashna nirca:
“Jahua pachata, cai pachata ruraj, jahua pachapi causajuj Mandaj Taita Diospaj ñaupajpi juramentoshpami, cashna nircani: 23‘Shujlla puchatallapash, chaquipi churajushcata huatarina caratallapash, cambaj cashcataca na japishachu’ nircanimi. ‘Abrahamdaca, ñucami charijyachircani’ nishpa ama rimachunmi chashna nircani. 24Chairalla viñaicuna micushcata, ñucahuan rij, Aner, Escol, Mamre shuti runacuna apamushcatallami apasha” nircami.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.