Matius 28
28
Yesu tuho: pole
(Mrk. 16:1-8, Luk. 24:1-12, Yoh. 20:1-10)
1Tòna liung‑mo ti àlo kapillìheang, mingkakaꞌ àlo parara mingku to, Maria tu Magdala pang Maria besa to mao mangekaꞌ kaburuꞌ to. 2Hang nisàdaꞌ-sàdaꞌ‑i, bùruꞌ ti pidodaꞌ ung dang makàdaꞌ lammuꞌna, sàbaꞌ besa malaikaꞌna Puang minguluꞌ nai suruga, malloli hatu pitanaꞌ nai babana kaburuꞌ pang mesong iahona. 3Silanna malaikaꞌ to mène: makàsaꞌna salabia:, pang pakeangna mabusa: mène: kapaꞌ. 4Pang pumpukuyaꞌ i anto tumaradidi: mariaꞌ pang mène: mannang tau ung mate.
5Hampoꞌ malaikaꞌ to musua: mao i bahine to‑i se teꞌ, “Hau mariaꞌ se! Ku ìsang moa teꞌ u mangokaꞌ se Yesu ung nipai oròngang to. 6Hari:‑Da hura: inne:. Tuho:‑moDa pole mène: to ung Na pusua:‑mo dolung. Hàmo: se, hele‑ko se te kaoneangNa niloling, 7u mao‑ko se masàraꞌ mampatidolu i pasikolaNa moa teꞌ Yesu tuho:‑mo pole nai àlaꞌna tau ung mate. Dolùnga‑Da one: i Galilea. I anto u itaa se. Kalehai‑ko se te ung ku konai:‑mingko se!”
8Masàraꞌ-sàraꞌna‑mi se ti bahine to mampalii: kaburuꞌ to. Mariaꞌ‑i se hampoꞌ haka: tungka ho, pang masàraꞌ-sàraꞌ mao mampatidolu nasang aka to, mao i pasikolana Yesu. 9Hang nisàdaꞌ-sàdaꞌ‑i, Yesu mampampasikorai:‑ing se. Na konai: teꞌ, “Salamaꞌ sikorai:!” Na dùkuꞌinNa‑mi se, màli: na mukalimuntuꞌ. Na tokaꞌ‑i se ti kokoꞌNa pang na pinombai‑i se. 10Musuana‑mi ti Yesu teꞌ, “Hau mariaꞌ se. Nao: se pang padeaꞌ‑ing mantàdi:-tàdiKu mangking na lumai: se i Galilea, pang i anto Ku na itai: se.”
Pingharena tantara pumpukuyaꞌ
11Tòna lumao‑mo ti bahine to‑i se, pira-pira nai pumpukuyaꞌ kaburuꞌ to sumule: mao i lipu:, pang mampinghare:‑ing mao i kapala-kapala imang nasang aka ti ung nipaara to. 12Tòna silàha:-làha:‑mo kapala-kapala imang ti ung si matua:-tuana tu Yahudi, na kasitoroꞌi‑i se ti manghengi‑ing seeng ung maranga mao i tantara pumpukuyaꞌ to‑i se, 13pang na konai:‑i se teꞌ, “Parallu u konai: se teꞌ, ‘Pasikolana Yesu bùruꞌ i pihengi, pang mampumanau hatang puntinna Yesu tòna ki tarrang leto.’ 14Pang ìna na sàding gubernur ti aka to, ki musua:‑rangmo mao i dea mangking hang mangkorai:‑ko se kamasussaang.”
15Na alanna‑mi se ti seeng to, pang mampukauꞌ aka ti ung nipaìsàngi‑ming se. Pang patidoluang to dumallaꞌ maang i àlaꞌna tu Yahudi deaꞌ i latenna.
Yesu mupantuyu pang muàluꞌ mao i pasikolaNa
(Mrk. 16:14-18, Luk. 24:36-49, Yoh. 20:19-23, KUNP 1:6-8)
16Sampulo: besa pasikolana Yesu lumao i Galilea, i mungku ung na pusua: Yesu mao i dei: se. 17To na ita‑mi se ti Yesu i anto, na pinombai‑i se. Hampoꞌ ara pira-pira nai àlaꞌna‑i se ti ung bata-bata ho.
18Mindùkuꞌna‑mi ti Yesu pang musua: teꞌ, “Nasang kuasa i suruga pang i lino Ku nipatongang‑ming. 19Deanna‑mo to, nao: se i lìliꞌna lino, pupiluhali‑i se pasikolaKu. Doiꞌ‑i se i laling konana Ama: pang Anaka pang Pinanaha Malìsong. 20Paturo:‑i se mantoroꞌi nasang aka ti ung Ku piparenta‑mingko se. Pang kalehai‑ko se teꞌ, Ku lupua‑ko manterei‑ko se deaꞌ katampàkangna lino.”
Արդեն Ընտրված.
Matius 28: skx
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Matius 28
28
Yesu tuho: pole
(Mrk. 16:1-8, Luk. 24:1-12, Yoh. 20:1-10)
1Tòna liung‑mo ti àlo kapillìheang, mingkakaꞌ àlo parara mingku to, Maria tu Magdala pang Maria besa to mao mangekaꞌ kaburuꞌ to. 2Hang nisàdaꞌ-sàdaꞌ‑i, bùruꞌ ti pidodaꞌ ung dang makàdaꞌ lammuꞌna, sàbaꞌ besa malaikaꞌna Puang minguluꞌ nai suruga, malloli hatu pitanaꞌ nai babana kaburuꞌ pang mesong iahona. 3Silanna malaikaꞌ to mène: makàsaꞌna salabia:, pang pakeangna mabusa: mène: kapaꞌ. 4Pang pumpukuyaꞌ i anto tumaradidi: mariaꞌ pang mène: mannang tau ung mate.
5Hampoꞌ malaikaꞌ to musua: mao i bahine to‑i se teꞌ, “Hau mariaꞌ se! Ku ìsang moa teꞌ u mangokaꞌ se Yesu ung nipai oròngang to. 6Hari:‑Da hura: inne:. Tuho:‑moDa pole mène: to ung Na pusua:‑mo dolung. Hàmo: se, hele‑ko se te kaoneangNa niloling, 7u mao‑ko se masàraꞌ mampatidolu i pasikolaNa moa teꞌ Yesu tuho:‑mo pole nai àlaꞌna tau ung mate. Dolùnga‑Da one: i Galilea. I anto u itaa se. Kalehai‑ko se te ung ku konai:‑mingko se!”
8Masàraꞌ-sàraꞌna‑mi se ti bahine to mampalii: kaburuꞌ to. Mariaꞌ‑i se hampoꞌ haka: tungka ho, pang masàraꞌ-sàraꞌ mao mampatidolu nasang aka to, mao i pasikolana Yesu. 9Hang nisàdaꞌ-sàdaꞌ‑i, Yesu mampampasikorai:‑ing se. Na konai: teꞌ, “Salamaꞌ sikorai:!” Na dùkuꞌinNa‑mi se, màli: na mukalimuntuꞌ. Na tokaꞌ‑i se ti kokoꞌNa pang na pinombai‑i se. 10Musuana‑mi ti Yesu teꞌ, “Hau mariaꞌ se. Nao: se pang padeaꞌ‑ing mantàdi:-tàdiKu mangking na lumai: se i Galilea, pang i anto Ku na itai: se.”
Pingharena tantara pumpukuyaꞌ
11Tòna lumao‑mo ti bahine to‑i se, pira-pira nai pumpukuyaꞌ kaburuꞌ to sumule: mao i lipu:, pang mampinghare:‑ing mao i kapala-kapala imang nasang aka ti ung nipaara to. 12Tòna silàha:-làha:‑mo kapala-kapala imang ti ung si matua:-tuana tu Yahudi, na kasitoroꞌi‑i se ti manghengi‑ing seeng ung maranga mao i tantara pumpukuyaꞌ to‑i se, 13pang na konai:‑i se teꞌ, “Parallu u konai: se teꞌ, ‘Pasikolana Yesu bùruꞌ i pihengi, pang mampumanau hatang puntinna Yesu tòna ki tarrang leto.’ 14Pang ìna na sàding gubernur ti aka to, ki musua:‑rangmo mao i dea mangking hang mangkorai:‑ko se kamasussaang.”
15Na alanna‑mi se ti seeng to, pang mampukauꞌ aka ti ung nipaìsàngi‑ming se. Pang patidoluang to dumallaꞌ maang i àlaꞌna tu Yahudi deaꞌ i latenna.
Yesu mupantuyu pang muàluꞌ mao i pasikolaNa
(Mrk. 16:14-18, Luk. 24:36-49, Yoh. 20:19-23, KUNP 1:6-8)
16Sampulo: besa pasikolana Yesu lumao i Galilea, i mungku ung na pusua: Yesu mao i dei: se. 17To na ita‑mi se ti Yesu i anto, na pinombai‑i se. Hampoꞌ ara pira-pira nai àlaꞌna‑i se ti ung bata-bata ho.
18Mindùkuꞌna‑mi ti Yesu pang musua: teꞌ, “Nasang kuasa i suruga pang i lino Ku nipatongang‑ming. 19Deanna‑mo to, nao: se i lìliꞌna lino, pupiluhali‑i se pasikolaKu. Doiꞌ‑i se i laling konana Ama: pang Anaka pang Pinanaha Malìsong. 20Paturo:‑i se mantoroꞌi nasang aka ti ung Ku piparenta‑mingko se. Pang kalehai‑ko se teꞌ, Ku lupua‑ko manterei‑ko se deaꞌ katampàkangna lino.”
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք