Yohanese 12
12
O Betania ma kapongoka
Matiusu 26:6-13; Maruku 14:3-9
1Ma moioli o Yesusu woboali o Betania ma kapongino, gea o Lasarusu ai kapongo abe gea una ma dihira o Yesusu wihimomikino. De ma oraha gea o wange butaangohi de ahao o Totilakuru ma rame-rame idadi. 2De ona yogogere o Betania ma kapongoka gea o Yesusu iwihiolomo la ato iwihoromati. Ho o Lasarusoo naga genangoka, de ona mata-mata abe yomakutuono yolomo ka yomahiidu-iduiye o meja ma datekino de o ngo Marata maleleani. 3De ahao o ngo Maria maino de mao o minya ma bounu duru ihailoa de ko asapuruahi ho duru kohahali. De o minya gea done o litere ma hononga ma amoko, ho ka de maoino de o Yesusu ai louuku mihituagi de o minya gea, de gea ena mohiehe ai louuku de ami tadauru. Ho o tau ma goronaka gea idadioka ma bounu duru irahai angamoi o minya ma bounu duru ihailoa gea.
4-5Masara naga womatengo o Yesusu iwitobanii-niikino abe ahao o Yesusu wifukunu, de una gea ai romanga o Yudasa Isikarioto. Ho una wamake ami datoro gea de womitaere o ngo Mariaika wato, “Gea o tiwi kohaamoko! Mode ko nahiningaua o huha ma nyawa abe ka idadi haduhunu de o tiwi ma amoko gea nako ma minya gea nafukunu?” Hokogea womitaere angamoi o minya gea ma ija imaketero de o nyawa yokarajaanga o taongo moi manga hewa ma tiwi. 6Masara o Yudasa ai demo gea ko mangaleua o huha ma nyawa wahininga, ma, woboi o tiwi mangale una wotobatohi-tohiki ho hiadono wotemo hokogea. De angamoi o Yesusu iwitobaniiki manga tiwi yagogono unangoka de ma dihirainohi de ma moi ma moi womadohiki manga doomu ma tiwino gea.
7De o Yesusu witaere o Yudasika wato, “Nominoaika dika muna gea! Abe muna modiaioka Ngohino, gea modiai mangale mohidiaioka ma minya la ihihiehe ma oraha ihilungunu Ngohi. 8De abe o huha ma nyawa, ona ka ihikaika naga nia hidogoronaka la ka idadi niaduhunu, masara Ngohi ko ihikaikaua nginioka.” Hokogea o Yesusu witemo o Yudasika.
O Lasarusoo iwihidee ato iwitoma
9De ma oraha gea o Yahudi ma nyawa ko manga ngoe yoihene o Yesusu naga genangoka ho yoboaino o Betania ma kapongino la ato o Yesusu iwitutumu de duru yoigo o Lasarusoo iwimake abe wihimomikino ai honengino. 10-11De naga o Yahudi ma nyawa ka yodogo-dogo manga ngoe abe manga hohidimono ko yahigihenokaua angamoi iwingakuoli o Yesusika ma titi o Lasarusu gea. Ho mangale manga kokawaaha gea ko yaniikokaua ho hiadono manga hohidemo Ma Jouiye abe ka onangohi yokokurutiye yaputuhoka ato, “Kiani o Lasarusoo wohonenge.” Ho unangoo iwihidee ato iwitoma hoka o Yesusoli ato iwitoma.
O Yesusu iwidafongo irahai ma oraha woboa hoka manga koano o Yerusaleeme ma kotaika
Matiusu 21:1-11; Maruku 11:1-10; Lukasa 19:28-38
12Ho o Yesusu iwihiolomo o Betania ma kapongoka de ahao ma dawangeino woiki wogila-gila o Yerusaleeme ma kotaika. De genangoka o nyawa duru ko manga ngoe abe yoboainokau la yaniiki o Totilakuru ma rame-rame naga yomahikokangahuoka ato, “Bootino o Yesusu woboaino.”
13De ona ato yoiki iwibuhuku ho o biso ma hoka yomakokigoto de yoiki o Yesusu iwikokibuhukika de yopoa-poaka ato,
“Hihigogiriiri Ma Jou!
Una woboaino naa Ma Jou ai uru ma dodofanga!
De Unangoo o Isiraele ma nyawa nanga Koano,
ho higahoko ma owa Ma Jouino!” # 12:13
Higiriiri 118:25-26
Hokogea iwihigiriiri o Yesusu.
14De gea o Yesusu wamakeokahi o keledai ma ngofaka de wobarene ma poretuku. Ho gea idadioka duru imaketero hoka ma dihira itulihukuoka Ma Jou ai Demo-demoka ato,
15 “Ngaro ka ibootohi nia hawana naga,
Ngini o Yerusaleeme ma nyawa.
Abeika, gea nia koano woboainoka,
De womahitipokouku abe wobarenoka o keledai ma ngofaka ma poretoka.” # 12:15
Sakaria 9:9
Hokogea Ma Jou ai uru ma dodofanga ma dihira yotulihukuoka.
16Masara ma oraha abe mata-mata gea idadi de ona o Yesusu iwitobaniiki ko ihiorikuahi ma titi. Ahao o Yesusu womomikinoka ai lungunino de ai medebini ma dararono wamake o Horogaka de ahao ka idadi yataoko ma titi. Abe ona gea yomahohininga abe mata-mata gea idadi o Yesusika duru imaketero hoka ma dihirainohi itulihukuoka Ma Jou ai Demo-demoka.
17De abe ma oraha o Yesusu wihimomiki o Lasarusu ai honengino, naga o nyawa manga ngoe genangoka ho ona yowoe gea ahao ka ihikaika yoade-ade ma titi abe hokokia wiahoko o Lasarusu ai lungunino, gea ihigali-gali yomaketeade-ade. 18De angamoi o nyawa yowoe yoihene o Yesusu ai dodunguu gea hiadono duru ko manga ngoe yoiki iwibuhuku o ngekomika. 19Ho ka de o Farisi manga doomuino ma nyawa yamake manga ngoe iwibuhuku gea de yomakoketemo, ato, “Abeika! Nako ka ihikaika hokonaa itagi, gea ko idadiokaua ngone holaku. Abeika manga ngoe yomakiniiki gea, ngade-ngade o dunia ma nyawa yomamataka iwiniiki o Yesusu.”
O Yesusu wahingahu abe adonoka ma oraha wohonenge
20De naga utu o Yunani ma nyawa abe onangoo yoiki yaniiki o Totilakuru ma rame-rameika gea la ato onangoo yomahuba genangoka. 21De ona yoboaino o Filipusino, una o Galilea ma nyawa abe ai kapongo o Besaida. De ona yogahoko unangika ato, “Mia baluhu, nako ka idadi duru mioigo mimarihimangino de o Yesusu.” 22Ho ahao o Filipusu woiki o Andareasika de manga gogahoko gea wihingahu unangikali. De ahao ona yahinooto iwitutumu o Yesusu de iwihingahu Unangika abe yamuruono naga o Yunani ma nyawa yoigo yomarihimangino de Una.
23Ka de manga gogahoko gea woihene de o Yesusu wahingahu ona mata-mataika wato, “Ma oraha adonoka la Ma Jou wahimatoko o nyawaika abe to Una ai medebini ma dararono itagi Ngohi o Nyawa ma Ngofakino. 24Naa duru tagou-goungu tinihingahu tohiketero. Abe nako o pine ma mui moi ko haotakua o tonakuku, la ka iwedere, gea imagogogere o mui moi dika. Ma nako o pine ma mui gea haotaka la iwedere o tonakoka gea de ahao ihofoko la idadi naga iwoe. 25De imaketero hokogea o nyawa abe nako to ona manga wowango dika duru yoigo yapaliara, gea manga wowango ko iwa ma utumu. Masara onagona dika abe manga wowango o duniaka naa yomahidoaka dika, ona gea yamake o wowango ka hiado-adonika. 26Ma onagona dika yairiki la Ngohi todadi manga Baluhu, gea kiani ka ihikaika ihiniiki Ngohi la ngaro o kiaka dika Ngohi naga ma onangoo naga genangoka. De ona gea abe ihihigihene Ngohino itiai, ahao manga karajaanga gea ahi Baba wabalaha de ai horomati onangika.”
27De o Yesusu wohigila-gila wotemo wato, “Ahi hininga naa duru ihuha! Ho koaho hokokia tomagahoko ahi Babaika? Sarakia, irahai la ahi gogahokino totemo tato, ‘Baba, tomagahoko la nohihihupu ahi kangelaino naa.’ Koua, ko togahokua hokogea mangale duru ma titi Ngohi toboa la toohimanga ahi kangela. De naa ahi kangela ma oraha adonoka.”
28De ahao o Yesusu wotemo ai Babaika wato, “Baba, iti to Ngona dika ani medebini ma dararono nomahimatoko o nyawaika.”
De ahao naga o ilingi o Horogauku itemo ato, “Ahi medebini ma dararono o nyawaika tomahimatokoka, de ahao tomahimatokoli ahi medebini ma dararono gea.”
29De o nyawa ko manga ngoe genangoka utu yotemo ato, “Yokuruuhu!” De utu ato, “Koua, ko yokuruuhua, gea o malaekata witemo Unangika.”
30De o Yesusu wahingahu onangika wato, “O demo gea ko ma titiua la ihiduhunu Ngohi masara la iniduhunu ngini. 31Adonoka ma oraha o dunia ma hohowono, abe ma oraha naa de idadi Ma Jou wohikala ena gea abe o dunia apareta. 32Masara ka de Ngohi o nyawa ihihidoaiyeoka, ho o duniaka ihihitingakoka, de ahao o nyawa mata-mata tataurino Ngohino.” 33Hokogea o Yesusu ai demo la wahingahu onangika ahao iwihohonenge hokokia.
34De ona yowoe-woe gea iwitemoli Unangika ato, “Gea nato nohonenge? Masara ngomi miihenoka abe itemo Ma Jou ai Behehongo ma Bukuoka ato, nako o Mesia ka hiado-adonika ko wohonengua. Ho adodoa ho Ngona nato o Nyawa ma Ngofaka kiani iwihidoaiye? Kiani nomihitararonohi ma titi o Nyawa ma Ngofaka abe Una onaguna.”
35De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki. 36Ho kiani ningaku o dararonika ma oraha nagahi nginioka la gea nidadioka o dararono ma nyawa.” Ka de hokogea o Yesusu wotemo ibooto de woikoka de ahao womagogonoka ho ko iwimakeokaua.
O Yahudi ma nyawa ko yongakuahi
37De ngaro o Yesusu wodiai ai dodunguu duru ma ngoe o Yahudi ma nyawa manga himangoka abe duru yahiheranga masara ona ka yolukohi iwingaku Unangika. 38De idadi hokogea la duru imaketero hoka ma dihira Ma Jou wihiakunu ai uru ma dodofanga o Yesaya wotemo, wato,
“Ahi Baluhu, onagona yangaku gea abe miahingahuoka?
De onagonaika ahi Baluhu wahimatoko onangika to Una ai buturungu?” # 12:38
Yesaya 53:1
39Hokogea ho hiadono ona ko idadiua yongaku, angamoi naga ihitulihukuoka Ma Jou ai Bukuoka ai demo abe enangoo ai uru ma dodofanga o Yesayaino, wato,
40 “Ngohi todiai la manga lako irafioka,
De manga hininga tahitogowinoka,
la ko idadiua yomalega de yomahioriki,
De ko idadiua manga hiningaka yomangaratii
done yomangali Ngohino hiadono tahitogumu.” # 12:40
Yesaya 6:10
41Hokogea o Yesaya wotemo angamoi ma oraha ma dihira gea de wamakeoka o Yesusu duru de ai medebini ma dararonoka, ho hiadono wotemo.
42De ngaro o Yahudi ma nyawa manga balu-baluhu utu ko iwingakua o Yesusika, ma naga manga ngoe utu iwingaku. Masara ona ko yamoroinua yahingahu o nyawaika abe iwingakuoka o Yesusika mangale yamodongo manga dodiawo o Farisi ma nyawa. Angamoi nako yahingahu done yatingakoka hiadono ona ko yahigunoakaua yowohama manga dodotoko ma tauika ma titi o Yesusu iwingakuoka. 43Hokogea manga hawana done o higiriiri o nyawaino ko yamakeokaua. Angamoi ngaro o higiriiri yamake Ma Jouino ma, ka o higiriiri o nyawainohi duru yoigo.
44De ahao o Yesusu duru waamo-amokiye wahingahu o nyawaika wato, “Onagona dika ihingaku Ngohino ufa yafikiri manga ngongaku Ngohino dika. Abe ka de Ngohino ihingaku de Una abe wohihidingoto, Unangikaoo gea iwingakuoka. 45Abe ka de o nyawa ihimake Ngohi de Una abe wohihidingoto, Unangoo iwimakeoka. 46Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”
47“De o nyawa abe ahi demo yoihene masara ko iwa manga hingounu enangika, ona gea Ngohi ko tahohowonua angamoi Ngohi toboaino ko mangaleua ma titi la tahohowono o dunia ma nyawa, masara toboaino la ka idadi ona tahihohe manga hohowonino. 48Ma, ona abe ihioluku Ngohi de ahi demo ko ihigihenua, to ona manga hohowono naga. Abe ahao ma oraha ihiromanga o wange ma baha, de ahao gea ahi demo ma dihira Ngohi totemokau, gea ena yahohowono o binaahaika. 49Angamoi ahi demo gea ko ma titiua tomahohiningaiye dika de totemo. Hokogenangua, masara gea to ahi Baba ai demo. Angamoi gea o Baba wohihidingoto, ho to Ngohi ahi demo imakadaene hoka o Baba ai behehongo Ngohino, ho gea dika ahi demo. 50De Ngohi duru tohioriki gea ena o Baba wohihibehehongoka la kiani todiai, todiai gea ma titi la o nyawa o wowango ma ngango yamake ka hiado-adonika. Ho ma titi gea hiadono mata-mata Ngohi totemo duru imakadaene de gea o Baba wohihingahuoka.” Hokogea o Yesusu womahitararono duru waamo-amokiye wotemo.
Արդեն Ընտրված.
Yohanese 12: MJDD
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Gereja Firman Allah, Yayasan Misi Masyarakat di Pedalaman
Yohanese 12
12
O Betania ma kapongoka
Matiusu 26:6-13; Maruku 14:3-9
1Ma moioli o Yesusu woboali o Betania ma kapongino, gea o Lasarusu ai kapongo abe gea una ma dihira o Yesusu wihimomikino. De ma oraha gea o wange butaangohi de ahao o Totilakuru ma rame-rame idadi. 2De ona yogogere o Betania ma kapongoka gea o Yesusu iwihiolomo la ato iwihoromati. Ho o Lasarusoo naga genangoka, de ona mata-mata abe yomakutuono yolomo ka yomahiidu-iduiye o meja ma datekino de o ngo Marata maleleani. 3De ahao o ngo Maria maino de mao o minya ma bounu duru ihailoa de ko asapuruahi ho duru kohahali. De o minya gea done o litere ma hononga ma amoko, ho ka de maoino de o Yesusu ai louuku mihituagi de o minya gea, de gea ena mohiehe ai louuku de ami tadauru. Ho o tau ma goronaka gea idadioka ma bounu duru irahai angamoi o minya ma bounu duru ihailoa gea.
4-5Masara naga womatengo o Yesusu iwitobanii-niikino abe ahao o Yesusu wifukunu, de una gea ai romanga o Yudasa Isikarioto. Ho una wamake ami datoro gea de womitaere o ngo Mariaika wato, “Gea o tiwi kohaamoko! Mode ko nahiningaua o huha ma nyawa abe ka idadi haduhunu de o tiwi ma amoko gea nako ma minya gea nafukunu?” Hokogea womitaere angamoi o minya gea ma ija imaketero de o nyawa yokarajaanga o taongo moi manga hewa ma tiwi. 6Masara o Yudasa ai demo gea ko mangaleua o huha ma nyawa wahininga, ma, woboi o tiwi mangale una wotobatohi-tohiki ho hiadono wotemo hokogea. De angamoi o Yesusu iwitobaniiki manga tiwi yagogono unangoka de ma dihirainohi de ma moi ma moi womadohiki manga doomu ma tiwino gea.
7De o Yesusu witaere o Yudasika wato, “Nominoaika dika muna gea! Abe muna modiaioka Ngohino, gea modiai mangale mohidiaioka ma minya la ihihiehe ma oraha ihilungunu Ngohi. 8De abe o huha ma nyawa, ona ka ihikaika naga nia hidogoronaka la ka idadi niaduhunu, masara Ngohi ko ihikaikaua nginioka.” Hokogea o Yesusu witemo o Yudasika.
O Lasarusoo iwihidee ato iwitoma
9De ma oraha gea o Yahudi ma nyawa ko manga ngoe yoihene o Yesusu naga genangoka ho yoboaino o Betania ma kapongino la ato o Yesusu iwitutumu de duru yoigo o Lasarusoo iwimake abe wihimomikino ai honengino. 10-11De naga o Yahudi ma nyawa ka yodogo-dogo manga ngoe abe manga hohidimono ko yahigihenokaua angamoi iwingakuoli o Yesusika ma titi o Lasarusu gea. Ho mangale manga kokawaaha gea ko yaniikokaua ho hiadono manga hohidemo Ma Jouiye abe ka onangohi yokokurutiye yaputuhoka ato, “Kiani o Lasarusoo wohonenge.” Ho unangoo iwihidee ato iwitoma hoka o Yesusoli ato iwitoma.
O Yesusu iwidafongo irahai ma oraha woboa hoka manga koano o Yerusaleeme ma kotaika
Matiusu 21:1-11; Maruku 11:1-10; Lukasa 19:28-38
12Ho o Yesusu iwihiolomo o Betania ma kapongoka de ahao ma dawangeino woiki wogila-gila o Yerusaleeme ma kotaika. De genangoka o nyawa duru ko manga ngoe abe yoboainokau la yaniiki o Totilakuru ma rame-rame naga yomahikokangahuoka ato, “Bootino o Yesusu woboaino.”
13De ona ato yoiki iwibuhuku ho o biso ma hoka yomakokigoto de yoiki o Yesusu iwikokibuhukika de yopoa-poaka ato,
“Hihigogiriiri Ma Jou!
Una woboaino naa Ma Jou ai uru ma dodofanga!
De Unangoo o Isiraele ma nyawa nanga Koano,
ho higahoko ma owa Ma Jouino!” # 12:13
Higiriiri 118:25-26
Hokogea iwihigiriiri o Yesusu.
14De gea o Yesusu wamakeokahi o keledai ma ngofaka de wobarene ma poretuku. Ho gea idadioka duru imaketero hoka ma dihira itulihukuoka Ma Jou ai Demo-demoka ato,
15 “Ngaro ka ibootohi nia hawana naga,
Ngini o Yerusaleeme ma nyawa.
Abeika, gea nia koano woboainoka,
De womahitipokouku abe wobarenoka o keledai ma ngofaka ma poretoka.” # 12:15
Sakaria 9:9
Hokogea Ma Jou ai uru ma dodofanga ma dihira yotulihukuoka.
16Masara ma oraha abe mata-mata gea idadi de ona o Yesusu iwitobaniiki ko ihiorikuahi ma titi. Ahao o Yesusu womomikinoka ai lungunino de ai medebini ma dararono wamake o Horogaka de ahao ka idadi yataoko ma titi. Abe ona gea yomahohininga abe mata-mata gea idadi o Yesusika duru imaketero hoka ma dihirainohi itulihukuoka Ma Jou ai Demo-demoka.
17De abe ma oraha o Yesusu wihimomiki o Lasarusu ai honengino, naga o nyawa manga ngoe genangoka ho ona yowoe gea ahao ka ihikaika yoade-ade ma titi abe hokokia wiahoko o Lasarusu ai lungunino, gea ihigali-gali yomaketeade-ade. 18De angamoi o nyawa yowoe yoihene o Yesusu ai dodunguu gea hiadono duru ko manga ngoe yoiki iwibuhuku o ngekomika. 19Ho ka de o Farisi manga doomuino ma nyawa yamake manga ngoe iwibuhuku gea de yomakoketemo, ato, “Abeika! Nako ka ihikaika hokonaa itagi, gea ko idadiokaua ngone holaku. Abeika manga ngoe yomakiniiki gea, ngade-ngade o dunia ma nyawa yomamataka iwiniiki o Yesusu.”
O Yesusu wahingahu abe adonoka ma oraha wohonenge
20De naga utu o Yunani ma nyawa abe onangoo yoiki yaniiki o Totilakuru ma rame-rameika gea la ato onangoo yomahuba genangoka. 21De ona yoboaino o Filipusino, una o Galilea ma nyawa abe ai kapongo o Besaida. De ona yogahoko unangika ato, “Mia baluhu, nako ka idadi duru mioigo mimarihimangino de o Yesusu.” 22Ho ahao o Filipusu woiki o Andareasika de manga gogahoko gea wihingahu unangikali. De ahao ona yahinooto iwitutumu o Yesusu de iwihingahu Unangika abe yamuruono naga o Yunani ma nyawa yoigo yomarihimangino de Una.
23Ka de manga gogahoko gea woihene de o Yesusu wahingahu ona mata-mataika wato, “Ma oraha adonoka la Ma Jou wahimatoko o nyawaika abe to Una ai medebini ma dararono itagi Ngohi o Nyawa ma Ngofakino. 24Naa duru tagou-goungu tinihingahu tohiketero. Abe nako o pine ma mui moi ko haotakua o tonakuku, la ka iwedere, gea imagogogere o mui moi dika. Ma nako o pine ma mui gea haotaka la iwedere o tonakoka gea de ahao ihofoko la idadi naga iwoe. 25De imaketero hokogea o nyawa abe nako to ona manga wowango dika duru yoigo yapaliara, gea manga wowango ko iwa ma utumu. Masara onagona dika abe manga wowango o duniaka naa yomahidoaka dika, ona gea yamake o wowango ka hiado-adonika. 26Ma onagona dika yairiki la Ngohi todadi manga Baluhu, gea kiani ka ihikaika ihiniiki Ngohi la ngaro o kiaka dika Ngohi naga ma onangoo naga genangoka. De ona gea abe ihihigihene Ngohino itiai, ahao manga karajaanga gea ahi Baba wabalaha de ai horomati onangika.”
27De o Yesusu wohigila-gila wotemo wato, “Ahi hininga naa duru ihuha! Ho koaho hokokia tomagahoko ahi Babaika? Sarakia, irahai la ahi gogahokino totemo tato, ‘Baba, tomagahoko la nohihihupu ahi kangelaino naa.’ Koua, ko togahokua hokogea mangale duru ma titi Ngohi toboa la toohimanga ahi kangela. De naa ahi kangela ma oraha adonoka.”
28De ahao o Yesusu wotemo ai Babaika wato, “Baba, iti to Ngona dika ani medebini ma dararono nomahimatoko o nyawaika.”
De ahao naga o ilingi o Horogauku itemo ato, “Ahi medebini ma dararono o nyawaika tomahimatokoka, de ahao tomahimatokoli ahi medebini ma dararono gea.”
29De o nyawa ko manga ngoe genangoka utu yotemo ato, “Yokuruuhu!” De utu ato, “Koua, ko yokuruuhua, gea o malaekata witemo Unangika.”
30De o Yesusu wahingahu onangika wato, “O demo gea ko ma titiua la ihiduhunu Ngohi masara la iniduhunu ngini. 31Adonoka ma oraha o dunia ma hohowono, abe ma oraha naa de idadi Ma Jou wohikala ena gea abe o dunia apareta. 32Masara ka de Ngohi o nyawa ihihidoaiyeoka, ho o duniaka ihihitingakoka, de ahao o nyawa mata-mata tataurino Ngohino.” 33Hokogea o Yesusu ai demo la wahingahu onangika ahao iwihohonenge hokokia.
34De ona yowoe-woe gea iwitemoli Unangika ato, “Gea nato nohonenge? Masara ngomi miihenoka abe itemo Ma Jou ai Behehongo ma Bukuoka ato, nako o Mesia ka hiado-adonika ko wohonengua. Ho adodoa ho Ngona nato o Nyawa ma Ngofaka kiani iwihidoaiye? Kiani nomihitararonohi ma titi o Nyawa ma Ngofaka abe Una onaguna.”
35De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki. 36Ho kiani ningaku o dararonika ma oraha nagahi nginioka la gea nidadioka o dararono ma nyawa.” Ka de hokogea o Yesusu wotemo ibooto de woikoka de ahao womagogonoka ho ko iwimakeokaua.
O Yahudi ma nyawa ko yongakuahi
37De ngaro o Yesusu wodiai ai dodunguu duru ma ngoe o Yahudi ma nyawa manga himangoka abe duru yahiheranga masara ona ka yolukohi iwingaku Unangika. 38De idadi hokogea la duru imaketero hoka ma dihira Ma Jou wihiakunu ai uru ma dodofanga o Yesaya wotemo, wato,
“Ahi Baluhu, onagona yangaku gea abe miahingahuoka?
De onagonaika ahi Baluhu wahimatoko onangika to Una ai buturungu?” # 12:38
Yesaya 53:1
39Hokogea ho hiadono ona ko idadiua yongaku, angamoi naga ihitulihukuoka Ma Jou ai Bukuoka ai demo abe enangoo ai uru ma dodofanga o Yesayaino, wato,
40 “Ngohi todiai la manga lako irafioka,
De manga hininga tahitogowinoka,
la ko idadiua yomalega de yomahioriki,
De ko idadiua manga hiningaka yomangaratii
done yomangali Ngohino hiadono tahitogumu.” # 12:40
Yesaya 6:10
41Hokogea o Yesaya wotemo angamoi ma oraha ma dihira gea de wamakeoka o Yesusu duru de ai medebini ma dararonoka, ho hiadono wotemo.
42De ngaro o Yahudi ma nyawa manga balu-baluhu utu ko iwingakua o Yesusika, ma naga manga ngoe utu iwingaku. Masara ona ko yamoroinua yahingahu o nyawaika abe iwingakuoka o Yesusika mangale yamodongo manga dodiawo o Farisi ma nyawa. Angamoi nako yahingahu done yatingakoka hiadono ona ko yahigunoakaua yowohama manga dodotoko ma tauika ma titi o Yesusu iwingakuoka. 43Hokogea manga hawana done o higiriiri o nyawaino ko yamakeokaua. Angamoi ngaro o higiriiri yamake Ma Jouino ma, ka o higiriiri o nyawainohi duru yoigo.
44De ahao o Yesusu duru waamo-amokiye wahingahu o nyawaika wato, “Onagona dika ihingaku Ngohino ufa yafikiri manga ngongaku Ngohino dika. Abe ka de Ngohino ihingaku de Una abe wohihidingoto, Unangikaoo gea iwingakuoka. 45Abe ka de o nyawa ihimake Ngohi de Una abe wohihidingoto, Unangoo iwimakeoka. 46Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”
47“De o nyawa abe ahi demo yoihene masara ko iwa manga hingounu enangika, ona gea Ngohi ko tahohowonua angamoi Ngohi toboaino ko mangaleua ma titi la tahohowono o dunia ma nyawa, masara toboaino la ka idadi ona tahihohe manga hohowonino. 48Ma, ona abe ihioluku Ngohi de ahi demo ko ihigihenua, to ona manga hohowono naga. Abe ahao ma oraha ihiromanga o wange ma baha, de ahao gea ahi demo ma dihira Ngohi totemokau, gea ena yahohowono o binaahaika. 49Angamoi ahi demo gea ko ma titiua tomahohiningaiye dika de totemo. Hokogenangua, masara gea to ahi Baba ai demo. Angamoi gea o Baba wohihidingoto, ho to Ngohi ahi demo imakadaene hoka o Baba ai behehongo Ngohino, ho gea dika ahi demo. 50De Ngohi duru tohioriki gea ena o Baba wohihibehehongoka la kiani todiai, todiai gea ma titi la o nyawa o wowango ma ngango yamake ka hiado-adonika. Ho ma titi gea hiadono mata-mata Ngohi totemo duru imakadaene de gea o Baba wohihingahuoka.” Hokogea o Yesusu womahitararono duru waamo-amokiye wotemo.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Gereja Firman Allah, Yayasan Misi Masyarakat di Pedalaman