Lukasa 24:31-32

De ka de ai datoro gea yamake de manga hininga ma lako ko atatokokaua ho duru itararono iwihioriki Unangika. Masara ka de iwihioriki de Una ka aiaho, ko iwimakeokaua! De gea ona yahinooto duru yogarago de yomakoketemo ato, “Una gea o Yesusu! De gea ma titi ho hiadono kangano nanga dodagioka ma oraha wonahitararono Ma Jou ai Demo-demoino de to ngone nanga hininga hoka duru ifae de o garago. De nanga garago gea ma titi o Yesusu Una ma hirete abe wonahitararono ngoneino!”