मत्ती 4
4
ईशु न परीक्षा
(मरकुस 1:12-13; लूका 4:1-13)
1 #
इब्रानियों 2:18; 4:15 तव आत्मा ईशु क जंगल मा ली गया ताकि शैतान छे ओकी परीक्षा होय। 2त्यो चावीस दाहड़ा, आरू चावीस रात, भुखलो रयो, तव ओको भुख लागी। 3तव पारखनेवावा ने साथे आवीन ओको छे कयो, “यदि तु यहोवा–भगवान क पोर्या छे, तो कय दे, कि यो दगड़ा रोटा बन जाय।”
4ईशु जवाब दिदो: “लिखलो छे, ‘मानुस केवल रोटा छे नी, पुन हर एक वचन छे जो यहोवा–भगवान क मुख छे निकवता छे, जीवतो रवछे।’”
5तव आत्मा शैतान ओको चुखलो नगर मा ली गया आरू मंदिर क कातर पर उबो कर्या, 6आरू ओका सी कयो, “यदि तु यहोवा–भगवान क पोर्या छे, तो तु या सी कुद जा” काहकि लिखलो छे:
“यहोवा–भगवान थारा बारा मा आपने सोरगदूत क हुकुम देसे, आरू त्यो तुखे हातो–हात उठायली जासे;
काही ओसी नी होय कि थारा पाय मा दगड़ा सी ठेस नी लागे।”#भजन संहिता 91:11-12
7ईशु ने ओका सी कयो, “यो भी लिखलो छे: तु पोरबु आपने यहोवा–भगवान की परीक्षा नी करे।”
8पछु शैतान ओको एक घोणा उचा बयड़ा पर ली गयो आरू सब जग क राज्य आरू ओका राज देखाड़ी 9ओका सी शैतान कयो, “यदि तु पाये टेकीन नमस्कार करे, तो हाव यो सब काही तुखे आपी देस।”
10तव ईशु ने ओका सी कयो, “हे शैतान दूर होय जा, काहकि लिखलो छे: तु पोरबु आपने यहोवा–भगवान क नमस्कार कर, आरू केवल ओकी उपासना कर।”#व्यवस्थाविवरण 6:13
11तव शैतान ओका साथे छे जात रयी, आरू देखु, सोरगदूत आवीन ओकी सेवा करने लाग्या।
ईशु क सेवा काम क शुरू
(मरकुस 1:14-15; लूका 4:14-15)
12 #
मत्ती 14:3; मरकुस 6:17; लूका 3:19,20 जव त्यो यो सोमव्य कि बपतिस्मा देनेवावो यहुन्ना क बंदी बनाय लेदा गया छे, तो त्यो गलील क जात रयो। 13#यहुन्ना 2:12आरू त्यो नासरत क छुड़ीन कफरनहूम नगर मा गया, जो नदी धोड़े जबूलून आरू नप्ताली क देश मा छे, जाय रयने लाग्यो; 14ताकि जो यशायाह कागळिया क द्वारा कयो गया होतो, त्यो पूरो होय:
15जबूलून आरू नप्ताली क देश,
दरिया क मार्ग छे यरदन नदी पार,
गैरयहुदी क गलील
16“जे मानसे आंधारला मा बठ्या हुता,
त्या मोटी दिया देखी;
आरू जो मरन क देश आरू साहवाम मा बठ्या हुता,
उन पर दिया चमकी।”
17 #
मत्ती 3:2
उना टेम सी ईशु खबर करने आरू यो कयनो शुरू कर्यो, “मन फिरावो, काहकि सोरग क राज्य नाट आवी गयलो छे।”
पेहलो चेला क बुलाया जाने
(मरकुस 1:16-20; लूका 5:1-11)
18गलील की दरियो क धोड़े पुगता होया उना ने दुय भाईस मतलब शमौन क जो पतरस कवाये छे, आरू ओका भाईस अन्द्रियास क दरियो जाव नाखता देख्या; काहकि त्यो माछा मारन्या हुता। 19ईशु ओका कयो, “मारे पछव आवु, ते हाव तुमूक मानुस क यहोवा भगवान राज्यमा लावनेवावा बनावसु।” 20त्यो तत्काल जाव क छुड़ीन ईशु पछव होय लेदा।
21वा से ओगव जाने पर, ईशु आर दुय भाईस मतलब जबदी क पोर्या याकूब आरू यहुन्ना आरू ओका भाईस यहुन्ना क देख्य। त्यो आपसा बास जबदी क साथे ढोंड्या पर आपसी जाव क सुधारी रया हुता। त्यो तीनुक भी बुलाया। 22त्यो तत्काल ढोंड्या आरू बास क छुड़ीन ओको पछव चाल देदा।
ईशु क बिमार क वारू करने
(लूका 6:17-19)
23 #
मत्ती 9:35; मरकुस 1:39 ईशु सब गलील नगर मा पुगता होया उन क सभागृह मा शिक्षा करता, आरू राज्य क खुश खबर करता, आरू मानसे की हर रीति की बिमार आरू दुर्बलता क दूर करता रया। 24आरू सब सीरिया देश मा ओका यश फैल गया; आरू दुःख मा जकड़े होया हुता, आरू जिन मा साहळा होती, आरू मिर्गी वालो आरू लखवा क बिमार क ओको साथे लाया आरू उना ने तीनुक वारू कर्या। 25गलील आरू दिकापुलिस, यरूशलेम, यहूदि या आरू यरदन नदी क पार छे गर्दी ओको पछव चाल देदी।
Արդեն Ընտրված.
मत्ती 4: NTDii20
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020