ST. LUKE 13
13
1Ahnind dush kepeähyahwug ewh uhpe, kahpetahje-moojig kahdooduhwindwah egewh Galilee‐wenenewug, ewh oomesqueemene Pilate kahtuhgoonuhmahwaud emuh oosahsahguhwejegunening.
2Jesus dush oogenuhquatuhwaun oo‐oo keënaud, Kedenandaum enuh ahwahshema kemujjeëzhewabezewaud oogoo Galilee‐wenenewug kuhkenuh dush ween egewh Galilee‐wenenewug, oo‐oo kedoodahwindwah?
3Kahween, kedenenim, Kishpin dush kenuhwah aunwanendezoosewag, nahsaub kegahezhebahnahdezeem.
4Kuhya dush oogoo metahswe‐ahshe‐neshwahswe kahnesegoojig ewh Siloaming duhzhe ahkahwahbe‐weguhmig uhpe kahkahwesag, kedenandaum enuh ahwahshema kemujjeëzhewabezewaud dush ween kuhkenuh andahjig emuh Jerusaleming.
5Kedenenim, kahween, Kishpin muh kenuhwah aunwanendezoosewag, kuhya kenuhwah nahsaub kegahezhebahnahdezeem.
6Oo‐oo dush ahwachegun oogeëzheguhnoonaun: Pazhik enene oogeähyahwaun enewh figoo‐meezheen padukkezoonejin emuh ooshoowemine‐ketegauning, kepeëzhah dush nunduhwahbundung ewh meenewin emuh, kah dush oogemekunseen.
7Oo‐oo dush oogeënaun enewh ganuhwanduhmenejin ewh shoowemine‐ketegaun, Benuh, nesoo‐pepoon nepeëzhah nunduhwahbunduhmaun ewh menewin emuh maunduh figoo‐meezhing, kah dush nemekunseen: kahwah; ahneeshwin ahneshah puhduhkezood emuh uhkeeng?
8Ween dush oogenuhquatuhwaun oo‐oo keëkedood, Tabaningayun mahnoo tahpuhduhkezoo kuhya noongoom pepoong, nahnauzh wahnekayaun emuh paduhkezood, kuhya ahtuhwug ewh moo.
9Koonemah dush tahmeenewe, kishpin dush menewesig, bahnemah ewh uhpe kegahkahwahaun.
10Kekenooähmahga dush emuh pazhik ahnuhmeä‐wewuhmigoong aunwabe‐kezhegudenig.
11Benuh dush, pazhik equa emuh keähyah, kahkeche-shahgweweed metahswe‐pepoon‐ahshe‐neshwahswe, ewh kewahgishkaud, kah dush kekushketoose chequuhyuk‐kahbahwid ewh menik duhsoo pepoon.
12Uhpe dush owh Jesus Kahwahbuhmaud, oogenundoomaun oo‐oo dush keënaud, Equa kenoojemooëgoon ewh keshahgwewewin.
13Oogetaungenaun dush; medush bahbega kequuhyuk‐kahbahwid, kuhya dush oogewahwezhanemaun enewh Kesha‐Muhnedoon.
14Owh dush wagemahkundung ewh ahnuhmeä‐weguhmig oogenuhquatuhwaun keneshkahdezid, kenoojemooëwanid Jesusun magwah aunwabe‐kezhegudenig, oo‐oo dush keënaud enewh ahnishenahban, Ningoodwahchenoon enewh kezhegudoon menik kaähnookeyagoobun, mesuh ewh uhpe kapeëzhahyag chenoojemooëgooyag, kah dush magwah aunwabe‐kezheguk.
15Owh Tabaningad oogenuhquatuhwaun oonoo enenewun oo‐oo dush keënaud, Anuhmeäkahzooyag kah nuh ween kenuhwah anduhcheyag kedahahbahahsewah kepezhekemewah gamuh kekemangishkuttaëmewah magwah aunwabe‐kezheguk, kuhya ningooche kedezhewenahsewah chemeenuhag.
16Mahbuh dush oodahnissun owh Abraham, enewh mujje‐muhnedoon kahmenjemahpenegoojin metahswe‐ahshe nishwahswe pepoon, kah nuh ween enandahgoozese cheähbahoond ewh keminjemahpenahgahzood magwah aunwabe‐kezhegudenig.
17Oo‐oo kahe edood, kekeche‐ahgujjewun enewh kahmegahnegoojin; kuhkenuh dush egewh ahnishenahbag kemoojegezewug oonje kuhkenuh enewh kachetwahwandahgwukin uhyeëen kahezhechegad.
18Oo‐oo dush keëkedood, Ahneen azhenahgwuk ewh oodoogemahwewin owh Kesha‐Muhnedoo? ahneen dush kaähwatooyaun?
19Enandahgwud suh debishkoo pazhegoomenug ewh wazahwuhnushkuk, ewh kahoodahpenung owh enene, kahahpuggedung emuh ooketegaunansing; kemahjegin dush kuhya kekechemetekoowun, kuhya dush egewh kezhegoong duhzhe penasewug kedahwug emuh wuhtikwunewung.
20Menuhwah dush keëkedoo, Ahneen kaähwatooyaun ewh oodoogemahwewin owh Kesha‐Muhnedoo?
21Oombesecheguning suh enandahgwud, ewh kahoodahpenung owh equa, emuh nesoo‐tebaheguning ewh bahquazhegun nahnauzh egoo kuhkenuh keöombejesh-kahwahzood.
22Kepahbahduhneze dush emuh oodanaung, kuhya emuh oodanaunsing kekekenooähmahgad, kepahbahmoosad emuh enuhkayah Jerusaleming.
23Pazhik dush enenewun oo‐oo oogeëgoon, Tabaningayun pungeshawuhgezewug nuh egewh bamahjeïndjig? Oo‐oo dush oogeënaun.
24Keche‐ahnookeeg kenuhwah chepeendegayag emuh agahsahdaäug ishquaundam; oo‐oo muh kedenenim, Nebewah tahnunduh‐peendegawug, kah dush tahkushkeöosewug.
25Uhpe dush kapuhsegweed owh wawegewaumid, kuhya kakebahquahung ewh ishquaundam, kamahjenebooweyag emuh ahgwahcheeng, kuhya chepahbahgahquahuhmag ewh ishquaundam, oo‐oo dush cheëkedooyag, Tabaningayun, Tabaningayun, nesahkoonuhmahwishenaum; ween dush kegahnuhquatahgoowah oo‐oo kaënenag, Kahween kekekanemesenoonim tebe wanjebahwagwan:
26Me ewh uhpe kamahje‐ekedooyag, Ningewesenemin emuh anahsuhmuhbeyun kuhya ningemenequamin, kuhya emuh meekunahwung nindoodanahwenaun kegekekenooähmahga.
27Oo‐oo dush tahekedoo, Kedenenim, kahween kekekanemesenoonim tebe wanjebahwagwan; ahwus nuhguhzheshig, kenuhwah anooketuhmag ewh mujje‐ezhewabezewin.
28Ewede tahwesuggedamoom kuhya tahmuhmuhtwayahbetasam, uhpe kawahbuhmag owh Abraham, kuhya owh Isaac, kuhya owh Jacob, kuhya kuhkenuh egewh aunwahchega‐wenenewug, emuh oodogemahwewining owh Kesha‐Muhnedoo, kenuhwah dush sahgeje‐wabenegahzooyag.
29Tahoonjebahwug dush ewede wahbunoong kuhya ewede ninguhpaünnoong kuhya ewede kewadenoong kuhya shahwunoong, tahwuhwanuhbewug dush emuh oodoogemahwewining owh Kesha‐Muhnedoo.
30Benuh dush, ahyahwug ahnind ashquayandahgoozejig kanegaunandahgoozewaud, kuhya ahyahwug ahnind nahgaunandahgoozejig kaïshquahyandahgoozewaud.
31Ewh dush uhpe kezheguk oogepenaunzekahgoon ahnind Phariseen oo‐oo keëgood, Sahgahun, oomah dush oonjemahjaun; owh muh Herod kewenesik.
32Oo‐oo dush oogeënaun, Mahjaug, weenduhmahwik owh wahgoosh, Benuh, nesahgeche‐wabenaug egewh mujje‐muhnedoog, kuhya nenoojemooëwa noongoom kezheguk, kuhya wahbung, kuhya ahwus‐wahbung ningahkezheetah.
33Nenundahwandahgooz suh goo noongoom kezheguk kuhya wahbung kuhya ahwus‐wahbung chebemoosayaun, kah muh enandahgwussenoon, ningooche cheduhpenad aunwahjega‐wenene, emuh atuh Jerusaleming.
34O Jerusalem, Jerusalem, keen nasudwah egewh aunwahjega‐wenenewug, kuhya pamwahsenuhudwah egewh kahpeëzhenahzhahahmahgooyunin, ahneen duhching keënanduhmaun chemahwunzoomugwah kenejahnesug, debishkoo owh noozha‐pahkahahqua azhemahwunzoomaud enewh oonejahnesun emuh ahnaumeningwegun, kah dush kegeënanduhseem!
35Benuh, kenuhguhdahmahgoom kewegewaumewah pezheshigwuhtag: kedenemin suh dush, Kahween menuhwah kegahwahbuhmeseem, nahnauzh egoo uhpe cheëkedooyag, Shahwandahgooze owh pahezhaud emuh oodenoozoowining owh Jehovah.
Արդեն Ընտրված.
ST. LUKE 13: OTW
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 13
13
1Ahnind dush kepeähyahwug ewh uhpe, kahpetahje-moojig kahdooduhwindwah egewh Galilee‐wenenewug, ewh oomesqueemene Pilate kahtuhgoonuhmahwaud emuh oosahsahguhwejegunening.
2Jesus dush oogenuhquatuhwaun oo‐oo keënaud, Kedenandaum enuh ahwahshema kemujjeëzhewabezewaud oogoo Galilee‐wenenewug kuhkenuh dush ween egewh Galilee‐wenenewug, oo‐oo kedoodahwindwah?
3Kahween, kedenenim, Kishpin dush kenuhwah aunwanendezoosewag, nahsaub kegahezhebahnahdezeem.
4Kuhya dush oogoo metahswe‐ahshe‐neshwahswe kahnesegoojig ewh Siloaming duhzhe ahkahwahbe‐weguhmig uhpe kahkahwesag, kedenandaum enuh ahwahshema kemujjeëzhewabezewaud dush ween kuhkenuh andahjig emuh Jerusaleming.
5Kedenenim, kahween, Kishpin muh kenuhwah aunwanendezoosewag, kuhya kenuhwah nahsaub kegahezhebahnahdezeem.
6Oo‐oo dush ahwachegun oogeëzheguhnoonaun: Pazhik enene oogeähyahwaun enewh figoo‐meezheen padukkezoonejin emuh ooshoowemine‐ketegauning, kepeëzhah dush nunduhwahbundung ewh meenewin emuh, kah dush oogemekunseen.
7Oo‐oo dush oogeënaun enewh ganuhwanduhmenejin ewh shoowemine‐ketegaun, Benuh, nesoo‐pepoon nepeëzhah nunduhwahbunduhmaun ewh menewin emuh maunduh figoo‐meezhing, kah dush nemekunseen: kahwah; ahneeshwin ahneshah puhduhkezood emuh uhkeeng?
8Ween dush oogenuhquatuhwaun oo‐oo keëkedood, Tabaningayun mahnoo tahpuhduhkezoo kuhya noongoom pepoong, nahnauzh wahnekayaun emuh paduhkezood, kuhya ahtuhwug ewh moo.
9Koonemah dush tahmeenewe, kishpin dush menewesig, bahnemah ewh uhpe kegahkahwahaun.
10Kekenooähmahga dush emuh pazhik ahnuhmeä‐wewuhmigoong aunwabe‐kezhegudenig.
11Benuh dush, pazhik equa emuh keähyah, kahkeche-shahgweweed metahswe‐pepoon‐ahshe‐neshwahswe, ewh kewahgishkaud, kah dush kekushketoose chequuhyuk‐kahbahwid ewh menik duhsoo pepoon.
12Uhpe dush owh Jesus Kahwahbuhmaud, oogenundoomaun oo‐oo dush keënaud, Equa kenoojemooëgoon ewh keshahgwewewin.
13Oogetaungenaun dush; medush bahbega kequuhyuk‐kahbahwid, kuhya dush oogewahwezhanemaun enewh Kesha‐Muhnedoon.
14Owh dush wagemahkundung ewh ahnuhmeä‐weguhmig oogenuhquatuhwaun keneshkahdezid, kenoojemooëwanid Jesusun magwah aunwabe‐kezhegudenig, oo‐oo dush keënaud enewh ahnishenahban, Ningoodwahchenoon enewh kezhegudoon menik kaähnookeyagoobun, mesuh ewh uhpe kapeëzhahyag chenoojemooëgooyag, kah dush magwah aunwabe‐kezheguk.
15Owh Tabaningad oogenuhquatuhwaun oonoo enenewun oo‐oo dush keënaud, Anuhmeäkahzooyag kah nuh ween kenuhwah anduhcheyag kedahahbahahsewah kepezhekemewah gamuh kekemangishkuttaëmewah magwah aunwabe‐kezheguk, kuhya ningooche kedezhewenahsewah chemeenuhag.
16Mahbuh dush oodahnissun owh Abraham, enewh mujje‐muhnedoon kahmenjemahpenegoojin metahswe‐ahshe nishwahswe pepoon, kah nuh ween enandahgoozese cheähbahoond ewh keminjemahpenahgahzood magwah aunwabe‐kezhegudenig.
17Oo‐oo kahe edood, kekeche‐ahgujjewun enewh kahmegahnegoojin; kuhkenuh dush egewh ahnishenahbag kemoojegezewug oonje kuhkenuh enewh kachetwahwandahgwukin uhyeëen kahezhechegad.
18Oo‐oo dush keëkedood, Ahneen azhenahgwuk ewh oodoogemahwewin owh Kesha‐Muhnedoo? ahneen dush kaähwatooyaun?
19Enandahgwud suh debishkoo pazhegoomenug ewh wazahwuhnushkuk, ewh kahoodahpenung owh enene, kahahpuggedung emuh ooketegaunansing; kemahjegin dush kuhya kekechemetekoowun, kuhya dush egewh kezhegoong duhzhe penasewug kedahwug emuh wuhtikwunewung.
20Menuhwah dush keëkedoo, Ahneen kaähwatooyaun ewh oodoogemahwewin owh Kesha‐Muhnedoo?
21Oombesecheguning suh enandahgwud, ewh kahoodahpenung owh equa, emuh nesoo‐tebaheguning ewh bahquazhegun nahnauzh egoo kuhkenuh keöombejesh-kahwahzood.
22Kepahbahduhneze dush emuh oodanaung, kuhya emuh oodanaunsing kekekenooähmahgad, kepahbahmoosad emuh enuhkayah Jerusaleming.
23Pazhik dush enenewun oo‐oo oogeëgoon, Tabaningayun pungeshawuhgezewug nuh egewh bamahjeïndjig? Oo‐oo dush oogeënaun.
24Keche‐ahnookeeg kenuhwah chepeendegayag emuh agahsahdaäug ishquaundam; oo‐oo muh kedenenim, Nebewah tahnunduh‐peendegawug, kah dush tahkushkeöosewug.
25Uhpe dush kapuhsegweed owh wawegewaumid, kuhya kakebahquahung ewh ishquaundam, kamahjenebooweyag emuh ahgwahcheeng, kuhya chepahbahgahquahuhmag ewh ishquaundam, oo‐oo dush cheëkedooyag, Tabaningayun, Tabaningayun, nesahkoonuhmahwishenaum; ween dush kegahnuhquatahgoowah oo‐oo kaënenag, Kahween kekekanemesenoonim tebe wanjebahwagwan:
26Me ewh uhpe kamahje‐ekedooyag, Ningewesenemin emuh anahsuhmuhbeyun kuhya ningemenequamin, kuhya emuh meekunahwung nindoodanahwenaun kegekekenooähmahga.
27Oo‐oo dush tahekedoo, Kedenenim, kahween kekekanemesenoonim tebe wanjebahwagwan; ahwus nuhguhzheshig, kenuhwah anooketuhmag ewh mujje‐ezhewabezewin.
28Ewede tahwesuggedamoom kuhya tahmuhmuhtwayahbetasam, uhpe kawahbuhmag owh Abraham, kuhya owh Isaac, kuhya owh Jacob, kuhya kuhkenuh egewh aunwahchega‐wenenewug, emuh oodogemahwewining owh Kesha‐Muhnedoo, kenuhwah dush sahgeje‐wabenegahzooyag.
29Tahoonjebahwug dush ewede wahbunoong kuhya ewede ninguhpaünnoong kuhya ewede kewadenoong kuhya shahwunoong, tahwuhwanuhbewug dush emuh oodoogemahwewining owh Kesha‐Muhnedoo.
30Benuh dush, ahyahwug ahnind ashquayandahgoozejig kanegaunandahgoozewaud, kuhya ahyahwug ahnind nahgaunandahgoozejig kaïshquahyandahgoozewaud.
31Ewh dush uhpe kezheguk oogepenaunzekahgoon ahnind Phariseen oo‐oo keëgood, Sahgahun, oomah dush oonjemahjaun; owh muh Herod kewenesik.
32Oo‐oo dush oogeënaun, Mahjaug, weenduhmahwik owh wahgoosh, Benuh, nesahgeche‐wabenaug egewh mujje‐muhnedoog, kuhya nenoojemooëwa noongoom kezheguk, kuhya wahbung, kuhya ahwus‐wahbung ningahkezheetah.
33Nenundahwandahgooz suh goo noongoom kezheguk kuhya wahbung kuhya ahwus‐wahbung chebemoosayaun, kah muh enandahgwussenoon, ningooche cheduhpenad aunwahjega‐wenene, emuh atuh Jerusaleming.
34O Jerusalem, Jerusalem, keen nasudwah egewh aunwahjega‐wenenewug, kuhya pamwahsenuhudwah egewh kahpeëzhenahzhahahmahgooyunin, ahneen duhching keënanduhmaun chemahwunzoomugwah kenejahnesug, debishkoo owh noozha‐pahkahahqua azhemahwunzoomaud enewh oonejahnesun emuh ahnaumeningwegun, kah dush kegeënanduhseem!
35Benuh, kenuhguhdahmahgoom kewegewaumewah pezheshigwuhtag: kedenemin suh dush, Kahween menuhwah kegahwahbuhmeseem, nahnauzh egoo uhpe cheëkedooyag, Shahwandahgooze owh pahezhaud emuh oodenoozoowining owh Jehovah.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.