ST. LUKE 17
17
1Oo‐oo dush oogeënaun enewh ookekenooähmahgunun, Enandahgwud suh chepuhgummishkahgooyung enewh mujje‐doodahgoowinun, kuhgwahnesuhgandahgoozewug suh egewh wanjepuhguhmishkahgooyung.
2Ahwahshema tahgemenoo‐ahyah kishpin ahgoojinnegebun emuh ooquagunaung ewh peseboojegun‐ahbik kuhya kishpin ahpuhgenindebun emuh kechegummeeng, dush ween chemujjedoodahwaud pazhik oonoo agahsheënejin
3Aungwahmezeyook, kishpin mujje‐doodook owh kejekewa weenduhmow; kishpin dush aunwanindezood, kegahwabenuhmoowah.
4Kishpin dush neezhwahcheeng mujje‐doodook pazhik kezheguk, neezhwahcheeng dush nayaub penaunzekook oo‐oo cheënik, Nindaunwanindez, kegahwabenuhmowah.
5Egewh dush kekenooähmahgunug oo‐oo ogeënahwaun enewh Tabaninganejin, Nahwuj nebewah meezheshenaum ewh dabwayanduhmoowin.
6Owh dush Tabaningad oo‐oo keëkedoo, Kishpin ahyahmagoobun dabwayanduhmoowin debishkoo pazhegoomenug wazahwahnushkuk, kedahenahwah mahbuh sycaminahgahwunzh, Pahquahkoojebekishkaun, puhtukkezoon kush emuh kechegummeeng; kedahgebezindahgoowah dush.
7Ahwanan kenuhwah anduhcheyag ahyahwaud buhmeetahgun pegoobejeganid gamuh ahshummahnid enewh ahwahkahnun, oogahenaun nuh ketegauning kahoonje-bahnid, Ahwenuhmuhduhbin cheweseneyun.
8Kah nuh ween oo‐oo oogahenahseen, Wahwazhetuhmahweshin ewh cheweseneyaun, kuhya kechepezoon, chebuhmetahweyun nahnauzh kuhya keïshquah‐menequayaun keïshquah‐weseneyaun neen: me uhpe keen kaweseneyun, kuhya kamenequayun?
9Oomegwachewanemaun nuh enewh buhmeetahgun, keëzhecheganid ewh kahezhekuhgaunzoomemind? Kahween nindenanduhse.
10Mesuh nahsaub kuhya kenuhwah uhpe keëzhechegayag kuhkenuh menik kagaunzoomegooyag, ekedoog, Ningood anahbuttesesegoog buhmeetahgunug nindahwemin, menik atuh nandahwandahgoozeyaung cheëzhechegayaung ningeëzhechegamin.
11Kepuhguhmeähyahmahgud dush, magwah Jesus ezhaud ewede Jerusaleming, keühneëzhaud emuh quuhyuk nesuhwuhyeëe Samariaïng kuhya Galileeïng.
12Anetuhgwishing emuh pazhik oodanaunsing, oogenuhquashkahgoon metahswe enenewun wamegeenejin, wahsuh nahbahwenejin:
13Kepepahgewug, oo‐oo dush keëkedoowug, Jesus, kakenooähmahgayun, ketemahganemeeshenaum.
14Uhpe dush kahwahbuhmaud, oo‐oo oogeënaun, Mahjaug ahwewahbunduhik keyowewaun egewh sahsahgewejega‐wenenewug. Kepuhgummeähyahne, magwah kahuhnebemoosawaud, kepeeneähwug.
15Pazhik dush anduhchewaud, uhpe kahkekandung kenoojemooïnd, nayaub kepekewa, kuhya anegook oogewahwezhanemaun Kesha‐Muhnedoon.
16Keähpuhgezoo emuh oosittahning, kemahmooyahwuhmaud edush; Samariaïng duhzhe‐enenewegoobun dush wah‐owh.
17Jesus dush oogenuhquatuhwaun, oo‐oo keënaud, Kah nuh ween kemetahchesewug kahpeeneïndjig? Ahneende dush egewh shaungusswe?
18Kahween ahweyah mekahwahse chepemahmooyah-wahmahpun Kesha‐Muhnedoon, mahbuh atuh mayuggezid.
19Oo‐oo dush oogeënaun, Puhsegween, mahjaun: kedabwayanduhmoowin kegenoojemooëgoon.
20Kekuhgwajemegood dush enewh Phariseen, uhpe katuhgwishenoomahgudoogwan Kesha‐Muhnedoo oodoogemahwewin, oogenuhquatuhwaun, oo‐oo keënaud, Ewh oodoogemahwewin owh Kesha‐Muhnedoo kahween peëzhahmahgussenoon magwah nunduhwahbunduhming:
21Kahween oo‐oo tahekedoosewug, Benuh oomah gamuh benuh ewede; anduhzhe‐ahyahyag gooshuh duhgoomahgud oodoogemahwewin owh Kesha‐Muhnedoo.
22Oo‐oo dush oogeënaun enewh ookekenooähmahgunun, Tahtuhgwishenoomahgudoon enewh kezhegudoon uhpe chenunduhwahbunduhmag pazhik enewh ookezhegudoomun owh Enene Oogwissun, kah dush kegahwahbunduhsenahwah.
23Oo‐oo dush kegahegoowaug, Enahbin oomah; gamuh enahbin ewede; kagoo ezhahkagoon, kuhya kagoo noopenuhnuhkagoon.
24Debishkoo muh ahnemekeeg, azhewahwahsuhmoowaud nuhbunuhyeëe emuh kezhegoong condahtag, peenish egoo ahzhahwuhyeëeng; me suh nahsaub kaëzheähyaud owh Enene Oogwissun uhpe debishkoosanig ookekezhegudoomun.
25Netum dush nundahwandahgooze nebewah chekootuggandung, kuhya cheähgoonwayanemegood enewh noongoom bamahdezenejin.
26Debishkoo kahezhewabuk magwah kebemahdezid owh Noë, mesuh nahsaub kaëzhewabuk uhpe ookezhegudoomun owh Enene Oogwissun.
27Kewesenewug, kemenequawug, kewewewug, kuhya keweweähwug, nahnauzh ewh kezheguk uhpe kepoosid owh Noë emuh nahbequauning, kepuhgummishkahgoowaud dush ewh mooshkuhuhmoowin, kenesegoowaud dush kuhkenuh.
28Debishkoo dush kahezhewabuk magwah kebemahdezid owh Lot; kewesenewug, kemenequawug, kekishpenuhjegawug; keahtahwagawug, keketegawug, keöoshegawug;
29Ewh dush kezheguk uhpe owh Lot kahnuhguhdung Sodom kekemewun ewh ishkoota kezhegoong keöonje-pungesing, oogenesegoonahwah dush kuhkenuh.
30Mesuh nahsaub kaëzhewabuk ewh kezheguk, uhpe penahgoozeïnd Enene Oogwissun.
31Ewh uhpe kekezheguk, kishpin ahweyah oogedeguhmig ahyaud, kuhya ooduhyeemun peendig wegewauming ahtanig, kahween tahnesaunduhwase cheöodahpenung: owh dush ketegauning ayaud, kahween menuhwah tahkewase.
32Mequanemik owh Lot oowedegamahgun.
33Ahwagwan kanunduhbemahjetoogwan oobemahdezewin oogahwuhnahjetoon; ahwagwan dush kawuhnahjetoogwan oobemahdezewin, oogahbemahjetoon.
34Kedenenim suh goo ewh uhpe ketebikuk neezh tahwepanindewug; pazhik tahekoonah, menuhwah dush pazhik tahishkoonah.
35Tahneezhoo‐pootahgawug equawug; pazhik tahekoonah, menuhwah dush pazhik tahishkoonah.
36Tahneezhewug egewh enenewug emuh ketegauning; pazhik tahekoonah, menuhwah dush pazhik tahishkoonah.
37Oogenuhquatuhwahwaun dush oo‐oo keënahwaud, Ahneende Tabaningayun? Oo‐oo dush oogeënaun, Tebe atagwan weyowemah, me ewede kaduhzhe‐mahoonjeëdewaud egewh megezewug.
Արդեն Ընտրված.
ST. LUKE 17: OTW
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 17
17
1Oo‐oo dush oogeënaun enewh ookekenooähmahgunun, Enandahgwud suh chepuhgummishkahgooyung enewh mujje‐doodahgoowinun, kuhgwahnesuhgandahgoozewug suh egewh wanjepuhguhmishkahgooyung.
2Ahwahshema tahgemenoo‐ahyah kishpin ahgoojinnegebun emuh ooquagunaung ewh peseboojegun‐ahbik kuhya kishpin ahpuhgenindebun emuh kechegummeeng, dush ween chemujjedoodahwaud pazhik oonoo agahsheënejin
3Aungwahmezeyook, kishpin mujje‐doodook owh kejekewa weenduhmow; kishpin dush aunwanindezood, kegahwabenuhmoowah.
4Kishpin dush neezhwahcheeng mujje‐doodook pazhik kezheguk, neezhwahcheeng dush nayaub penaunzekook oo‐oo cheënik, Nindaunwanindez, kegahwabenuhmowah.
5Egewh dush kekenooähmahgunug oo‐oo ogeënahwaun enewh Tabaninganejin, Nahwuj nebewah meezheshenaum ewh dabwayanduhmoowin.
6Owh dush Tabaningad oo‐oo keëkedoo, Kishpin ahyahmagoobun dabwayanduhmoowin debishkoo pazhegoomenug wazahwahnushkuk, kedahenahwah mahbuh sycaminahgahwunzh, Pahquahkoojebekishkaun, puhtukkezoon kush emuh kechegummeeng; kedahgebezindahgoowah dush.
7Ahwanan kenuhwah anduhcheyag ahyahwaud buhmeetahgun pegoobejeganid gamuh ahshummahnid enewh ahwahkahnun, oogahenaun nuh ketegauning kahoonje-bahnid, Ahwenuhmuhduhbin cheweseneyun.
8Kah nuh ween oo‐oo oogahenahseen, Wahwazhetuhmahweshin ewh cheweseneyaun, kuhya kechepezoon, chebuhmetahweyun nahnauzh kuhya keïshquah‐menequayaun keïshquah‐weseneyaun neen: me uhpe keen kaweseneyun, kuhya kamenequayun?
9Oomegwachewanemaun nuh enewh buhmeetahgun, keëzhecheganid ewh kahezhekuhgaunzoomemind? Kahween nindenanduhse.
10Mesuh nahsaub kuhya kenuhwah uhpe keëzhechegayag kuhkenuh menik kagaunzoomegooyag, ekedoog, Ningood anahbuttesesegoog buhmeetahgunug nindahwemin, menik atuh nandahwandahgoozeyaung cheëzhechegayaung ningeëzhechegamin.
11Kepuhguhmeähyahmahgud dush, magwah Jesus ezhaud ewede Jerusaleming, keühneëzhaud emuh quuhyuk nesuhwuhyeëe Samariaïng kuhya Galileeïng.
12Anetuhgwishing emuh pazhik oodanaunsing, oogenuhquashkahgoon metahswe enenewun wamegeenejin, wahsuh nahbahwenejin:
13Kepepahgewug, oo‐oo dush keëkedoowug, Jesus, kakenooähmahgayun, ketemahganemeeshenaum.
14Uhpe dush kahwahbuhmaud, oo‐oo oogeënaun, Mahjaug ahwewahbunduhik keyowewaun egewh sahsahgewejega‐wenenewug. Kepuhgummeähyahne, magwah kahuhnebemoosawaud, kepeeneähwug.
15Pazhik dush anduhchewaud, uhpe kahkekandung kenoojemooïnd, nayaub kepekewa, kuhya anegook oogewahwezhanemaun Kesha‐Muhnedoon.
16Keähpuhgezoo emuh oosittahning, kemahmooyahwuhmaud edush; Samariaïng duhzhe‐enenewegoobun dush wah‐owh.
17Jesus dush oogenuhquatuhwaun, oo‐oo keënaud, Kah nuh ween kemetahchesewug kahpeeneïndjig? Ahneende dush egewh shaungusswe?
18Kahween ahweyah mekahwahse chepemahmooyah-wahmahpun Kesha‐Muhnedoon, mahbuh atuh mayuggezid.
19Oo‐oo dush oogeënaun, Puhsegween, mahjaun: kedabwayanduhmoowin kegenoojemooëgoon.
20Kekuhgwajemegood dush enewh Phariseen, uhpe katuhgwishenoomahgudoogwan Kesha‐Muhnedoo oodoogemahwewin, oogenuhquatuhwaun, oo‐oo keënaud, Ewh oodoogemahwewin owh Kesha‐Muhnedoo kahween peëzhahmahgussenoon magwah nunduhwahbunduhming:
21Kahween oo‐oo tahekedoosewug, Benuh oomah gamuh benuh ewede; anduhzhe‐ahyahyag gooshuh duhgoomahgud oodoogemahwewin owh Kesha‐Muhnedoo.
22Oo‐oo dush oogeënaun enewh ookekenooähmahgunun, Tahtuhgwishenoomahgudoon enewh kezhegudoon uhpe chenunduhwahbunduhmag pazhik enewh ookezhegudoomun owh Enene Oogwissun, kah dush kegahwahbunduhsenahwah.
23Oo‐oo dush kegahegoowaug, Enahbin oomah; gamuh enahbin ewede; kagoo ezhahkagoon, kuhya kagoo noopenuhnuhkagoon.
24Debishkoo muh ahnemekeeg, azhewahwahsuhmoowaud nuhbunuhyeëe emuh kezhegoong condahtag, peenish egoo ahzhahwuhyeëeng; me suh nahsaub kaëzheähyaud owh Enene Oogwissun uhpe debishkoosanig ookekezhegudoomun.
25Netum dush nundahwandahgooze nebewah chekootuggandung, kuhya cheähgoonwayanemegood enewh noongoom bamahdezenejin.
26Debishkoo kahezhewabuk magwah kebemahdezid owh Noë, mesuh nahsaub kaëzhewabuk uhpe ookezhegudoomun owh Enene Oogwissun.
27Kewesenewug, kemenequawug, kewewewug, kuhya keweweähwug, nahnauzh ewh kezheguk uhpe kepoosid owh Noë emuh nahbequauning, kepuhgummishkahgoowaud dush ewh mooshkuhuhmoowin, kenesegoowaud dush kuhkenuh.
28Debishkoo dush kahezhewabuk magwah kebemahdezid owh Lot; kewesenewug, kemenequawug, kekishpenuhjegawug; keahtahwagawug, keketegawug, keöoshegawug;
29Ewh dush kezheguk uhpe owh Lot kahnuhguhdung Sodom kekemewun ewh ishkoota kezhegoong keöonje-pungesing, oogenesegoonahwah dush kuhkenuh.
30Mesuh nahsaub kaëzhewabuk ewh kezheguk, uhpe penahgoozeïnd Enene Oogwissun.
31Ewh uhpe kekezheguk, kishpin ahweyah oogedeguhmig ahyaud, kuhya ooduhyeemun peendig wegewauming ahtanig, kahween tahnesaunduhwase cheöodahpenung: owh dush ketegauning ayaud, kahween menuhwah tahkewase.
32Mequanemik owh Lot oowedegamahgun.
33Ahwagwan kanunduhbemahjetoogwan oobemahdezewin oogahwuhnahjetoon; ahwagwan dush kawuhnahjetoogwan oobemahdezewin, oogahbemahjetoon.
34Kedenenim suh goo ewh uhpe ketebikuk neezh tahwepanindewug; pazhik tahekoonah, menuhwah dush pazhik tahishkoonah.
35Tahneezhoo‐pootahgawug equawug; pazhik tahekoonah, menuhwah dush pazhik tahishkoonah.
36Tahneezhewug egewh enenewug emuh ketegauning; pazhik tahekoonah, menuhwah dush pazhik tahishkoonah.
37Oogenuhquatuhwahwaun dush oo‐oo keënahwaud, Ahneende Tabaningayun? Oo‐oo dush oogeënaun, Tebe atagwan weyowemah, me ewede kaduhzhe‐mahoonjeëdewaud egewh megezewug.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.