Jenɛɛsë 1
1
NYƆSƲA NƲ 'PLÄ, ‑MAA NYƆƆ NYA FA NYƆSƲA TOU
1.1–11.26
NYƆSƲA NƲA' CƐ NYRA ‑TƲTƲ
1.1–4.26
1Diia 'fɩɔa cɛtrɛfawʋ nɩ, cɛɩɩ nyra ‑tʋtʋ ‑kätɩ Nyɔsʋa nʋ.
2‑Tʋtʋlʋ 'cakla kä 'lɩ, dɛɛ 'nyɩ 'lɩ ‑gälɩ ‑a bä, ‑bɛ 'jöjrüükpü ma bä 'nie kpakü ‑gälɩ; Nyɔsʋaa ‑susu ma ‑piie 'nieɩɩa 'klɩ.
3Nyɔsʋa nya 'daa: «Abɩa 'napɛ bälɩ!» 'Napɛ nya bälɩ#1.3 2 Korɛɛntënyüü 4.6.. 4Nyɔsʋa nya 'jä 'sɩrɩ 'napɛ bäa' 'cɩcadɛɛ, 'ɔnya 'sasra 'napɛ nyra 'jöjrüükpü ‑gba. 5Nyɔsʋa nya 'dara 'napɛ «‑Srɩ.» 'Ɔnya 'dara 'jöjrüükpü «‑Gbia.» 'Asɩ 'i nʋ ‑gbiajrʋ nyra ‑suwla nya bälɩ: 'ii bä 'klɩsa jrüü.
6Nyɔsʋa nya 'daa: «Abɩa ‑gbasasradɛɛ bä 'niea ‑tɔrʋpɩɔ, 'ɛmä ‑tʋtʋ ‑gälɩa 'nie nyra cɛlɩa 'nie ‑gbasasra.» 7Nyɔsʋa nya nʋ ‑gbasasradɛɛ, 'ɔnya 'sasra 'nielɛ bäa' ‑gbasasradɛɛ ‑wälɩ nyra ɛ bäa' 'ɛa ‑gälɩ ‑gba. 'Asɩ 'i nrörö. 8Nyɔsʋa nya 'dara ‑gbasasradɛɛlɛ «Cɛ.» ‑Gbia nya ka, ‑srɩ nya pa: 'Ii bä 'sɔɔa nü jrüü#1.6-8 2 Piɛɛrë 3.5..
9Nyɔsʋa nya 'daa: «Abɩa 'nielɛ kä 'fɩɔ bäa' cɛa ‑wälɩ trara ‑pɩɔ 'doo 'wʋ 'ɛmä 'dee bä, 'kä mamatʋtʋ 'tɔ.» 'Asɩ 'i nrörö. 10Nyɔsʋa nya 'dara 'uun «‑Tʋtʋ», 'ɔnya 'dara 'nielɩ kä 'fɩɔ traraa' ‑pɩɔ 'doo 'wʋ «'Tanie.» Nyɔsʋa nya 'jä 'sɩrɩ 'i bäa' 'cɩcadɛɛ. 11Nyɔsʋa nya 'daa: «Abɩa 'sipi nyra tii ‑gaala ‑tʋtʋ ‑gälɩ; abɩa 'sipi nyra tii tʋ. Abɩa tii tʋ 'bü, ü kä 'mlɩ 'ua 'jaju bäa', ‑mɛ ma bälɩ ɛ tʋ 'ɛa 'mʋgbɛa 'jaju ‑tʋtʋ ‑gälɩ.» 'Asɩ 'i nrörö. 12'Sipi nyra tii nya ‑gaala ‑tʋtʋ ‑gälɩ, 'sɩrɩ 'sipi ‑mɩdoo bäa' 'a 'ia 'jaju 'i tʋä, ‑bɛ tii tʋä 'bü, 'üa 'mlɩa 'jaju 'sɩrɩ tuu ‑molo bäa'. Nyɔsʋa nya 'jä 'sɩrɩ 'i bäa' 'cɩcadɛɛ. 13‑Gbia nya ka, ‑srɩ nya pa: 'Ii bä tääa nü jrüü.
14Nyɔsʋa nya 'daa: «Abɩa 'napu bä cɛ 'lɩ, 'umä ‑srɩ nyra ‑gbia ‑gbasasra; 'ia 'taɩn 'lɩ, dɔrʋsrɩ, jrüü nyra ‑sɩ 'mä jrere; 15'kä 'u bä cɛɩɩlɩa 'napu, 'umä ‑tʋtʋ ‑gälɩ ŋʋala.» 'Asɩ 'i nrörö. 16Nyɔsʋa nya nʋ 'napu kpaku 'sɔɔ: kpakia nɛ 'mä ‑srɩ 'klügälɩkälä, ‑bɛ blaadɩɔ 'mä ‑gbia 'klügälɩkälä. 'Ɔnya nʋ bɩa ‑särë. 17Nyɔsʋa nya ‑tʋ 'uun cɛlɩ, 'umä ‑tʋtʋ ‑gälɩ ŋʋala, 18'umä ‑srɩ nyra ‑gbia 'klügälɩkälä, 'umä 'napɛ nyra 'jöjrüükpü ‑gbasasra. Nyɔsʋa nya 'jä 'sɩrɩ 'i bäa' 'cɩcadɛɛ. 19‑Gbia nya ka, ‑srɩ nya pa: 'Ii bä mlɔɔa nü jrüü.
20Nyɔsʋa nya 'daa: «Abɩa 'nie 'si mlaa 'klɩ, 'kä nyisie ‑preere cɛa 'mlɩ.» 21Nyɔsʋa nʋ 'tanie 'lɩa mlaa kpakü, nyra 'dɩdiili kä 'fɩɔ kʋa' 'nie 'lɩ, nyra nyisiea 'kaɩnkaɩn a 'fɩɔ. Nyɔsʋa nya 'jä 'sɩrɩ 'i bäa' 'cɩcadii. 22Nyɔsʋa nya 'pa 'üün 'nɩ, 'ɔ ‑nëma: «'Ba ‑gu! 'Ba ‑sümlö! 'Ba 'si 'tanieɩa 'mlɩ. 'Kä nyisie ‑goglolɩ ‑tʋtʋ ‑gälɩ!» 23‑Gbia nya ka, ‑srɩ nya pa: 'Ii bä ‑gbööa nü jrüü.
24Nyɔsʋa nya 'daa: «Abɩa 'dɩdiia 'kaɩnkaɩn 'tɔrɔ ‑tʋtʋ ‑gälɩ, bätëmlaa, ‑pɛrɛdii nyra 'klʋɛɛa mlaa; 'ia 'fɩɔa 'kaɩnkaɩn.» 'Asɩ 'i nrörö. 25Nyɔsʋa nʋ 'klʋɛɛa mlaa 'kaɩnkaɩn, bätëmlaa 'kaɩnkaɩn nyra ‑tʋtʋ ‑gälɩa ‑pɛrɛdiia 'kaɩnkaɩn. Nyɔsʋa nya 'jä 'sɩrɩ 'i bäa' 'cɩcadii.
26Nyɔsʋa nya 'daa: «A nʋ nyɔɔ ana 'sa, 'sɩrɩ a bäa', 'ɔmä 'tanie 'lɩa ‑srü 'klügälɩkälä, 'ɔmä cɛlɩa nyisie 'klügälɩkälä, 'palɩ bätëmlaa, ‑tʋtʋa 'fɩɔa ‑gälɩ nyra diili kä 'fɩɔ ‑pɛrɛa' ‑tʋtʋ ‑gälɩ#1.26 1 Korɛɛntënyüü 11.7..»
27Nyɔsʋa nya nʋ nyɔɔ 'ɔa 'sa,
'sɩrɩ 'ɔ bäa', 'asɩ 'ɔ nʋ nyɔɔ.
'Ɔnya nʋ nyɩbɛrʋ nyra 'ŋlʋʋ#1.27 Matiö 19.4; Marëkë 10.6..
28Nyɔsʋa nya 'pa 'üün 'nɩ, 'ɔnya ‑gbala 'üün: «'Ba ‑gu, 'ba 'paplagälɩ, 'ba 'si ‑tʋtʋ 'klɩ, 'kä 'a kälä 'uun 'klügälɩ, 'ba kälä 'tanie 'lɩa ‑srü 'klügälɩ, 'palɩ cɛlɩa nyisie nyra mrɛɛ o mrɛɛ 'nyɛrɛa' ‑tʋtʋ ‑gälɩ!» 29Nyɔsʋa ‑nëma: «‑Jää, 'n ‑nyɩ 'amɩ 'sipia 'fɩɔ nyra diili kä 'fɩɔ ‑gaalaa' ‑tʋtʋ ‑gälɩ, i käa' 'jaju, nyra tiili kä 'fɩɔ kä 'jaju bäa' 'ua ‑tʋtʋbüa 'mlɩ. 'Ii 'mä 'ana jijri bä. 30‑Bɛ ‑tʋtʋ ‑gälɩa mlaa 'fɩɔ, cɛlɩa nyisiea 'fɩɔ nyra ‑pɛrɛdiia 'fɩɔ ‑pɛrɛa' ‑tʋtʋ ‑gälɩ, diili kä 'fɩɔ fioa', 'sipili kä 'fɩɔ 'klaa' napɩjɩjarɛnyü bä 'üa jijri.» 'Asɩ 'i nrörö. 31Nyɔsʋa nya 'jä 'sɩrɩ diili kä 'fɩɔ 'ɔ nʋa' bäa' 'cɩcadii 'mʋfasa. ‑Gbia nya ka, ‑srɩ nya pa: 'Ii bä ‑uundooa nü jrüü.
Արդեն Ընտրված.
Jenɛɛsë 1: Bakwé
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc.