Luke 12
12
1Yaq khinga khlaung thong blaiq khoeq mcuqi uk loeq án lowa teq poemak loeq poemak caeqi peiq waiqong án phlaet poeiq. Boiyesuq loeq ta'paiq haqla mcaq loeq a'hau haqkhoeq teq, Phariqsae haq hma khoeq ta'se a'phlaet khoeq khlaungpawi long án songi khoeq haqla sa'diq taw tuk loeq phaen boei tuk. 2Kupu loeq má tauk khoeqhaq a'phwai laqi yaq nakkhoeq moeiq yaq. Thuq pu loeq má tauk khoeqkhaw a'phau laqi yaq nakkhoeq pikhaw moeiq yaq. 3Yaqklongoeng a'hyung dun ta'thoq nang loeq na'hau khoeqhaq a'wanga om saw haqloeq án ya uk laqai. Imduk ta'thoq thinthin caw nán hau khoeq imhon ta'thoq mpoq loeq a'soiyi khut án ya uk kai. 4Ka'yapui haq nán phlaet khoeq nanghniqa ka'mhau haqlai. Nán pum hong noeng tuk noeng loeqteq a'coe haq pikhaw sai khoqaq khoeq khlaunga keiqai tuk. 5Nanghniq loeq a'niya nán keiq laqai khoeq ka'mhau haqlai. Nán pum tuk loeqteq nán muikhlaw mi hnga'laiya a'tong noeng sawa noeng keiq boei tuk. Yaqa a'sikcang nán keiq laqai nakkhoeq nanghniqa ka'mhau haq. 6Phlaetcaw dawhngawa haen khaiqhneiq án yeiqai moe? Seiloeqkhaw yaq phlaetcaw dawaka pak Boipaw loeq hmyoeqaq. 7Nanga na'luwa khoeq na'sawm pak saet loeq a'tauk caen. Nanghniq khoeq phlaetcaw haq thauka a'phu nán laen haek. 8Nang hniqa keiloeq a'hmon ka'mhau haqlai. A'ni pak seisei khlaung haq hmaungkauma keiya a'mdoudau nak loeq Boipaw mehon saw haq hmaungkauma yaqa ka'doudau wai. 9Seiloeqkhaw khlaung haq hmaungkauma keiya a'myang khoeq khlaung teq Boipaw mehon saw haq hmaungkauma a'myang a'laqi yai. 10Khlaungcaw a'phalaet khoeq Boiyesuqa a'myang plau hau saw haq khwai a'hloeq án laqi yai. Seipak loeqkhaw, cimcai muikhlawa pawi yaq plau hau saw khoeq khwai a'hloeq laqi hlaq uk. 11Nanga ta'lazalaiq uksuksaw haq seiyaq uk loeq a'lang haq hmaungkaum a'ciqi pui nauk nán laqi loeq nanga nang a'plaet loet ong kha na'hau laqai yoe? nakkhoeq pa'haiyi yai tiq. 12Yaq khinga nang loeq kha na'hau laqai yoe? Nakkhoeq cimcai muikhlaw loeq a'mcok hau wai. 13Yaqateq khlaung haq tau wa khoeq poemak loeq Boiyesuqa, sa'la woe keiya khu a'mphaiq paekai khoeq kei ta-uwa a'mhau paek hme taeng a'hau. 14Seiloeqkhaw Boiloeq, nanghniq poemhneiq lai kla a khu a'phaiq yai khoeq ta'lasamsawa keiya a'ni loeq a'mtaukoe? taeng a'msauki ba. 15Yaqkiyoeng Boiyesuq loeq khlaung haqla, nanghiqa nanghniq nán law phaqi mlung a'moeiq khoeq sa'diq tawyi tuk loeq mphaen boei tuk. A'piyawoe naka nang pi hyawq na'khoeq moeiq loeqkhaw nang na'poengi haqkhoeq a'macaek khoeq saukta tawiq seiyaq klongoeng a'phlaet taeng a'hau. 16Boiyesuq loeq khlaung haqla pung pungak a'mthumi nauk haqkhoeq teq khoeqmawq paw poemak laiya caung thaiq nana a'pawi yaq teq 17Yaq loeq kei laiya a'soq khoeq caung thaiq haq ka'tauk naukdun moeiqcaq klongoeng kha ka'sai laqai yoe? taeng a'mkhin. 18Yaqkiyoeng yaq khlaung loeq keiloeq na'kha ka'saiyai. Kei caunglaeng haq khlaq poeiq hang loeqteq a'laen khoeq caunglaeng sauk hang loeq laiya a'soq khoeq zungcaung loeq a'pawi khoeqhaq yaqa thoen hang loeq ka'taukai. 19Keihma ka'kum thaengthaeng tawiq ya ei ok haq ka'tauk hni. mdun hne. Ei ok tiloeq pyaw tiloeq omhne taeng ka'hau wai. 20Boipaw loeqkhaw yaq khlaunga, khlaung maekoe. Ta'yana nang na'du laqai. Yaqkiyoeng Nang loeq sim tiloeq na'tauk khoeq khuwaq haq a'coe khlaung haqloeq án laqi poeiq yai. 21Yaqa yaq tawiq noeng won thaung haq mcuqi loeqkhaw Boipaw hmuqloeng saiyaq khoeq khlaung khoeq nei khoeqmawpaw a'lauqi. 22Ta'paiq haqla Boi loeq a'la a'hau haqkhoeq plau teq yaqklongoeng nanghniq kha nán nei laqai yoe? nakkhoeq nán sauk tawiq pa'haiyi naukai tuk. Kha nán wawtcaw nauk laqai yoe? nakkhoeq nán pumyo tawiq pa'haiyi yai tuk taeng a'hau haq. 23Nán sauk khoeq ei ok thauka a'phu a'laen khakhut nán pumyo khaw nán wawtcaw thauka a'phu a'laen. 24Aaungaw haqla soboei tuk loeqteq klnayangi boei tuk. Yaqhniq loeq mcoeq khaw mcoeqaq uk, sim khaw simaq uk. Án tauk dun laeng khaw moeiq yaq. Seiloeqkhaw Boipaw loeq yaqhniqa án yai khoeq a'paek haq. Nanghniq khoeq yaq pha'yaw haq thauka thaengthaeng a'phu nán laen. 25Pa'haiyi tuk loeq nanghniq sauk khoeq nayiyaq baung a'sau nauk moe? 26Nanghniq loeq a'hmuq hyaungcaw tawiq ya pak pikhaw sainoengnaq tuk naka a'coe hmuqlong haq tawiq yoeng piya nán pa'haiyi naukoe. 27Hnaungpai haq so tuk loeq klanyangi yoek. Yaqhniq loeq bikhaw biyaq uk, yaqhniq loeq án wawt naukai khoeq wawt khaw saiyi yaq uk. Seiloeqkhaw nanghniqa keiloeq ka'mhau haqlai. Yaq phumthaungoeng a'luiq khoeq Sawlamou mang loeq a'wawt nauk khoeq wawt haq pak yaq hnaungpai haq hyawq pawiyi yaq. 28Myumi mlung a'mlaet khoeq khlaung haqloe, ta'hnupa a'sauk haeng loeqteq hyantaqa mipuma a'tong a'laqi yai khoeq nei cauka pak Boipaw loeq na'hyawq a'sang paek nak loeq nanghniqa pi hyawq noeng a'msang paek haqlai yoe? 29Yaqklongoeng nanghniq loeq pi ka'ei laqai yoe? Pi ka'ok laqai yoe? nakkhoeq suiyai tuk. Pa'hai khaw pa'haiyi yai tuk. 30A'klong teq nei somdaeka khoeq a'co khlaungmyoe haq noeng nei haq tawiq án sui theiq. Seiloeqkhaw nanghniq paw loeq nei haqkhoeq nanghniq tawiq ya a'loe nakkhoeq a'hmot. 31Yaqklongoeng Boipaw khomcaeng sui boei tuk. Yaqnaka nei haqkhoeq nanghniq tawiq ya a'la a'mpaek haqlai. 32Toe mcuq hyaungcaw haq lo keiqai tuk. Nanghniq Boipaw loeq nanghniqa yaq khomcaeng a'mpaek haq waiq. 33Nanghniqa a'moeiq khoeq wonthaug haq yeiq tuk loeq khlaung sounglai haqla paek boei tuk. Nanghniq tawiq ya pikhowakhaw poeiq hlaq, klakci hlaq khoeq yaq wownthaung haq thoendun sai tuk loeqteq sa'khoe haq phawaq uk dun, poe haqloeq klaq uk loeq laqaq uk dun Boipaw mehon ima nanghniq won thaung haqkhoeq simboei tuk. 34Nanghniq mlungko haqkhaw nanghniq won thaung a'moeiq duna noeng a'omai. 35Nanghniq loeq nán kaem ceiyi tuk loeqteq mikhoiq thoi tuk taw boei tuk. 36Yaq im mawq koipawiya khoeq a'phaw loeq daiqsot a'kok naka yaq tawiq ya saksang a'phwai noengai tawiq ya daedae a'cong khoeq mya khakhut om boei tuk. 37Im mawq a'phaw khoeq khinga ip ta'ong nán cong khoeq mya haqla imawpaw loeq a'khom haqloeq suq a'paek haqlai. Nanghniqa keiloeq ka'mhau haqlai. Im mawq paw loeq yaqhniqa ngung sauk mtoeq haqloeq teq ei ok haq a'yoeq haqlai. 38Im mawq khoeq a'yana pak seisei, kho a'wa loeq pak seisei a'lo khoeq khinga mya haqloeq án cong khoeq a'hmuq haq nak loeq im mawq khaw nana a'mlung a'oeqcaqai. 39Sa'khoe khoeq pikhinga a'lo wai nakkhoeq imawq loeq a'yang a'hmawt loeq im mawq khaw khak loeqteq sa'khoe ima wonaqong a'congai. 40Yaqklongoeng klanyangi tuk loeq daedae om boei tuk. A'pi klongoeng naka nanghniq loeq mkhinaq tuk khoeq kho wa khlaungcaw a'lo wai taeng a'hau haq. 41Petaruq loeqkhaw Boi yoe, nei pung a'mthumi nauk haqkhoeq teq keihniq tawiq ya a'mhau haq moe? a'coe khlaung haq tawiq ya khaw na'hau haq moe? taeng a'hiq. 42Boiyesuq loeq khaw, yaq imsaw haqla a'khing a'phaw loeq án ei okai khoeq a'calang paekai tawiq ya im mawq loeq a'tauk khoeq teitca loeq plaengnya sa'diqoeng a'moeiq khoeq mya haqla khoeq a'lang teq a'ni yoe? 43Im mawq a'phaw ba loeq yaq mya loeq a'bi sai tun khoeq a'khom naka yaq mya khoeq a'oeqcaq. 44Nanghniqa keiloeq a'hmon kamhau haqkhoeq teq imawq loeq yaq khlaunga yaq won thaung a'moeiq khoeqhaq thin sauk a'mtoeqai. 45Seiloeqkhaw yaq mya loeq a'mlung duk ta'thoq kei im mawq a'phawai khoeq a'hnuyi hmai, taeng mkhin loeqteq a'coe myanu myapaw haqla souq hau haqloeq teq eiloeq oloeq mawiq loeqteq a'om tuna 46Yaq im mawq khaw yaq loeq mkhinaq khoeq hnup, hmawtaq khoeq khinga a'phaw nak loeq yaq mya a nana a'plaet paek loeqteq myumi yaq uk khoeq haq loeng a'tuk haq homai. 47Im mawq mlung hmawt haeng caek a'pi bikhaw sailouqwaq, seiyaqloeq im mawq mlung a'moeiq khakhut sai louq khoeq mya teq a'souq a'laqi yai. 48Seiloeqkhaw im mawq mlung hmawtaq loeqteq a'plaet sai saw khoeq ba'dakcaw noeng a'souq a'laqi yai. Thaengtheng a'laq theiqsaw hma khoeq thaengthaeng a'hiqi yai. Thaengthaeng a'paek khoeq khlaung hma khoeqkhaw thaengthaeng a'hiqi yai. 49Yaqkiyoeng keiloeq nei somdaek khoeq mi yoeng ka'bawtai ka'lo khoeq a'phlaet. Mi yoeng oloeqteq a'omai khoeq keiloeq nana ka'loeyi. 50Keiloeq ka'khaumi laqai khoeq hneitchein a'phlaet khoeq hng'lai hlaiyak a'moeiq. Yaqhaq amcawn mawoeng kei khoeq mluko sounglai patma haq ka'khom laq hmai. 51Keiloeq nei somdaeka a'yaedam haq ka'lo taeng nán mkhin moe? Seiyaq, kei ka'lo khoeq teq khlaung haq án ka ai tawiq ya ka'lo khoeq noeng. 52To ta'koeiq mcaq loeqteq khlaung poemhngaw án moeiq khoeq imthongaka poemhneiq khoeq poemthumoeng poemthum khoeq poemhneiqoeng a'mcuqcuq caw án ka poeiq yai. 53A'paw loeq a'cawpaw, a'cawpaw loeq a'paw, a'nu loeq a'cawhnu, a'cawhnu loeq a'nu, a'cicang loeq a'nauhmi, a'nauhmi loeq a'cicang sik uk loeqteq án ka poeiq yai taeng a'hau haq. 54Yaqkiyoeng Boiyesuq loeq khlaung haqla, nanghniq loeq a'hnu poet thoq melik kaeng a'kawi khoeq nán hmuq loeq yawq a'awai taeng saksang nán hau theiq. Yaqkhakhut khaw a'phlaet theiq. 55Tong khli a'lo naka khaw kho a'hlokai taeng nanghniq loeq nán hau theiq. Nán hau khut khaw a'phlaet theiq. 56Khlaungpawi long songi saw haqloe, nanghniq loeq mehon loeq somdaek long mkha theiq tuk loeqkhaw nei a'khing teq piya mkha theiqaq tukoe? 57A'hmon khoeqhaq nán saiyai khoeq nanghniqa nanghniq pi klongoeng sa'diq tawyi yaq tukoe? 58Hmat poemak loeq nanga ta'la a'mcawi nak loeq ta'layung nan phaw mawoeng nan toyi ba lai khoeq sai boei. Seiyaqloeq ta'lasamsaw loeq nanga na'plaet a'moeiq taeng mkhin loeqteq ta'la yunga a'moeiq khoeqhaq hma a'mawpai. Yaqkiyoeng yaq ta'la yunga khoeqloeq nanga thong a'mkhlawqai. 59Nanghniqa keiloeq ka'mhau haqkhoeq teq nanga a'moeiq khoeq haen ha a'moeiq khoeq blaiq poeiqong paekpoeiq yaqti saungsi yaq tonga khoeq sot laq hlaq tiq taeng a'hau haq.
Արդեն Ընտրված.
Luke 12: ctpv-rv
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This translation of the Chin-Cumtu (Sumtu) Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 12
12
1Yaq khinga khlaung thong blaiq khoeq mcuqi uk loeq án lowa teq poemak loeq poemak caeqi peiq waiqong án phlaet poeiq. Boiyesuq loeq ta'paiq haqla mcaq loeq a'hau haqkhoeq teq, Phariqsae haq hma khoeq ta'se a'phlaet khoeq khlaungpawi long án songi khoeq haqla sa'diq taw tuk loeq phaen boei tuk. 2Kupu loeq má tauk khoeqhaq a'phwai laqi yaq nakkhoeq moeiq yaq. Thuq pu loeq má tauk khoeqkhaw a'phau laqi yaq nakkhoeq pikhaw moeiq yaq. 3Yaqklongoeng a'hyung dun ta'thoq nang loeq na'hau khoeqhaq a'wanga om saw haqloeq án ya uk laqai. Imduk ta'thoq thinthin caw nán hau khoeq imhon ta'thoq mpoq loeq a'soiyi khut án ya uk kai. 4Ka'yapui haq nán phlaet khoeq nanghniqa ka'mhau haqlai. Nán pum hong noeng tuk noeng loeqteq a'coe haq pikhaw sai khoqaq khoeq khlaunga keiqai tuk. 5Nanghniq loeq a'niya nán keiq laqai khoeq ka'mhau haqlai. Nán pum tuk loeqteq nán muikhlaw mi hnga'laiya a'tong noeng sawa noeng keiq boei tuk. Yaqa a'sikcang nán keiq laqai nakkhoeq nanghniqa ka'mhau haq. 6Phlaetcaw dawhngawa haen khaiqhneiq án yeiqai moe? Seiloeqkhaw yaq phlaetcaw dawaka pak Boipaw loeq hmyoeqaq. 7Nanga na'luwa khoeq na'sawm pak saet loeq a'tauk caen. Nanghniq khoeq phlaetcaw haq thauka a'phu nán laen haek. 8Nang hniqa keiloeq a'hmon ka'mhau haqlai. A'ni pak seisei khlaung haq hmaungkauma keiya a'mdoudau nak loeq Boipaw mehon saw haq hmaungkauma yaqa ka'doudau wai. 9Seiloeqkhaw khlaung haq hmaungkauma keiya a'myang khoeq khlaung teq Boipaw mehon saw haq hmaungkauma a'myang a'laqi yai. 10Khlaungcaw a'phalaet khoeq Boiyesuqa a'myang plau hau saw haq khwai a'hloeq án laqi yai. Seipak loeqkhaw, cimcai muikhlawa pawi yaq plau hau saw khoeq khwai a'hloeq laqi hlaq uk. 11Nanga ta'lazalaiq uksuksaw haq seiyaq uk loeq a'lang haq hmaungkaum a'ciqi pui nauk nán laqi loeq nanga nang a'plaet loet ong kha na'hau laqai yoe? nakkhoeq pa'haiyi yai tiq. 12Yaq khinga nang loeq kha na'hau laqai yoe? Nakkhoeq cimcai muikhlaw loeq a'mcok hau wai. 13Yaqateq khlaung haq tau wa khoeq poemak loeq Boiyesuqa, sa'la woe keiya khu a'mphaiq paekai khoeq kei ta-uwa a'mhau paek hme taeng a'hau. 14Seiloeqkhaw Boiloeq, nanghniq poemhneiq lai kla a khu a'phaiq yai khoeq ta'lasamsawa keiya a'ni loeq a'mtaukoe? taeng a'msauki ba. 15Yaqkiyoeng Boiyesuq loeq khlaung haqla, nanghiqa nanghniq nán law phaqi mlung a'moeiq khoeq sa'diq tawyi tuk loeq mphaen boei tuk. A'piyawoe naka nang pi hyawq na'khoeq moeiq loeqkhaw nang na'poengi haqkhoeq a'macaek khoeq saukta tawiq seiyaq klongoeng a'phlaet taeng a'hau. 16Boiyesuq loeq khlaung haqla pung pungak a'mthumi nauk haqkhoeq teq khoeqmawq paw poemak laiya caung thaiq nana a'pawi yaq teq 17Yaq loeq kei laiya a'soq khoeq caung thaiq haq ka'tauk naukdun moeiqcaq klongoeng kha ka'sai laqai yoe? taeng a'mkhin. 18Yaqkiyoeng yaq khlaung loeq keiloeq na'kha ka'saiyai. Kei caunglaeng haq khlaq poeiq hang loeqteq a'laen khoeq caunglaeng sauk hang loeq laiya a'soq khoeq zungcaung loeq a'pawi khoeqhaq yaqa thoen hang loeq ka'taukai. 19Keihma ka'kum thaengthaeng tawiq ya ei ok haq ka'tauk hni. mdun hne. Ei ok tiloeq pyaw tiloeq omhne taeng ka'hau wai. 20Boipaw loeqkhaw yaq khlaunga, khlaung maekoe. Ta'yana nang na'du laqai. Yaqkiyoeng Nang loeq sim tiloeq na'tauk khoeq khuwaq haq a'coe khlaung haqloeq án laqi poeiq yai. 21Yaqa yaq tawiq noeng won thaung haq mcuqi loeqkhaw Boipaw hmuqloeng saiyaq khoeq khlaung khoeq nei khoeqmawpaw a'lauqi. 22Ta'paiq haqla Boi loeq a'la a'hau haqkhoeq plau teq yaqklongoeng nanghniq kha nán nei laqai yoe? nakkhoeq nán sauk tawiq pa'haiyi naukai tuk. Kha nán wawtcaw nauk laqai yoe? nakkhoeq nán pumyo tawiq pa'haiyi yai tuk taeng a'hau haq. 23Nán sauk khoeq ei ok thauka a'phu a'laen khakhut nán pumyo khaw nán wawtcaw thauka a'phu a'laen. 24Aaungaw haqla soboei tuk loeqteq klnayangi boei tuk. Yaqhniq loeq mcoeq khaw mcoeqaq uk, sim khaw simaq uk. Án tauk dun laeng khaw moeiq yaq. Seiloeqkhaw Boipaw loeq yaqhniqa án yai khoeq a'paek haq. Nanghniq khoeq yaq pha'yaw haq thauka thaengthaeng a'phu nán laen. 25Pa'haiyi tuk loeq nanghniq sauk khoeq nayiyaq baung a'sau nauk moe? 26Nanghniq loeq a'hmuq hyaungcaw tawiq ya pak pikhaw sainoengnaq tuk naka a'coe hmuqlong haq tawiq yoeng piya nán pa'haiyi naukoe. 27Hnaungpai haq so tuk loeq klanyangi yoek. Yaqhniq loeq bikhaw biyaq uk, yaqhniq loeq án wawt naukai khoeq wawt khaw saiyi yaq uk. Seiloeqkhaw nanghniqa keiloeq ka'mhau haqlai. Yaq phumthaungoeng a'luiq khoeq Sawlamou mang loeq a'wawt nauk khoeq wawt haq pak yaq hnaungpai haq hyawq pawiyi yaq. 28Myumi mlung a'mlaet khoeq khlaung haqloe, ta'hnupa a'sauk haeng loeqteq hyantaqa mipuma a'tong a'laqi yai khoeq nei cauka pak Boipaw loeq na'hyawq a'sang paek nak loeq nanghniqa pi hyawq noeng a'msang paek haqlai yoe? 29Yaqklongoeng nanghniq loeq pi ka'ei laqai yoe? Pi ka'ok laqai yoe? nakkhoeq suiyai tuk. Pa'hai khaw pa'haiyi yai tuk. 30A'klong teq nei somdaeka khoeq a'co khlaungmyoe haq noeng nei haq tawiq án sui theiq. Seiloeqkhaw nanghniq paw loeq nei haqkhoeq nanghniq tawiq ya a'loe nakkhoeq a'hmot. 31Yaqklongoeng Boipaw khomcaeng sui boei tuk. Yaqnaka nei haqkhoeq nanghniq tawiq ya a'la a'mpaek haqlai. 32Toe mcuq hyaungcaw haq lo keiqai tuk. Nanghniq Boipaw loeq nanghniqa yaq khomcaeng a'mpaek haq waiq. 33Nanghniqa a'moeiq khoeq wonthaug haq yeiq tuk loeq khlaung sounglai haqla paek boei tuk. Nanghniq tawiq ya pikhowakhaw poeiq hlaq, klakci hlaq khoeq yaq wownthaung haq thoendun sai tuk loeqteq sa'khoe haq phawaq uk dun, poe haqloeq klaq uk loeq laqaq uk dun Boipaw mehon ima nanghniq won thaung haqkhoeq simboei tuk. 34Nanghniq mlungko haqkhaw nanghniq won thaung a'moeiq duna noeng a'omai. 35Nanghniq loeq nán kaem ceiyi tuk loeqteq mikhoiq thoi tuk taw boei tuk. 36Yaq im mawq koipawiya khoeq a'phaw loeq daiqsot a'kok naka yaq tawiq ya saksang a'phwai noengai tawiq ya daedae a'cong khoeq mya khakhut om boei tuk. 37Im mawq a'phaw khoeq khinga ip ta'ong nán cong khoeq mya haqla imawpaw loeq a'khom haqloeq suq a'paek haqlai. Nanghniqa keiloeq ka'mhau haqlai. Im mawq paw loeq yaqhniqa ngung sauk mtoeq haqloeq teq ei ok haq a'yoeq haqlai. 38Im mawq khoeq a'yana pak seisei, kho a'wa loeq pak seisei a'lo khoeq khinga mya haqloeq án cong khoeq a'hmuq haq nak loeq im mawq khaw nana a'mlung a'oeqcaqai. 39Sa'khoe khoeq pikhinga a'lo wai nakkhoeq imawq loeq a'yang a'hmawt loeq im mawq khaw khak loeqteq sa'khoe ima wonaqong a'congai. 40Yaqklongoeng klanyangi tuk loeq daedae om boei tuk. A'pi klongoeng naka nanghniq loeq mkhinaq tuk khoeq kho wa khlaungcaw a'lo wai taeng a'hau haq. 41Petaruq loeqkhaw Boi yoe, nei pung a'mthumi nauk haqkhoeq teq keihniq tawiq ya a'mhau haq moe? a'coe khlaung haq tawiq ya khaw na'hau haq moe? taeng a'hiq. 42Boiyesuq loeq khaw, yaq imsaw haqla a'khing a'phaw loeq án ei okai khoeq a'calang paekai tawiq ya im mawq loeq a'tauk khoeq teitca loeq plaengnya sa'diqoeng a'moeiq khoeq mya haqla khoeq a'lang teq a'ni yoe? 43Im mawq a'phaw ba loeq yaq mya loeq a'bi sai tun khoeq a'khom naka yaq mya khoeq a'oeqcaq. 44Nanghniqa keiloeq a'hmon kamhau haqkhoeq teq imawq loeq yaq khlaunga yaq won thaung a'moeiq khoeqhaq thin sauk a'mtoeqai. 45Seiloeqkhaw yaq mya loeq a'mlung duk ta'thoq kei im mawq a'phawai khoeq a'hnuyi hmai, taeng mkhin loeqteq a'coe myanu myapaw haqla souq hau haqloeq teq eiloeq oloeq mawiq loeqteq a'om tuna 46Yaq im mawq khaw yaq loeq mkhinaq khoeq hnup, hmawtaq khoeq khinga a'phaw nak loeq yaq mya a nana a'plaet paek loeqteq myumi yaq uk khoeq haq loeng a'tuk haq homai. 47Im mawq mlung hmawt haeng caek a'pi bikhaw sailouqwaq, seiyaqloeq im mawq mlung a'moeiq khakhut sai louq khoeq mya teq a'souq a'laqi yai. 48Seiloeqkhaw im mawq mlung hmawtaq loeqteq a'plaet sai saw khoeq ba'dakcaw noeng a'souq a'laqi yai. Thaengtheng a'laq theiqsaw hma khoeq thaengthaeng a'hiqi yai. Thaengthaeng a'paek khoeq khlaung hma khoeqkhaw thaengthaeng a'hiqi yai. 49Yaqkiyoeng keiloeq nei somdaek khoeq mi yoeng ka'bawtai ka'lo khoeq a'phlaet. Mi yoeng oloeqteq a'omai khoeq keiloeq nana ka'loeyi. 50Keiloeq ka'khaumi laqai khoeq hneitchein a'phlaet khoeq hng'lai hlaiyak a'moeiq. Yaqhaq amcawn mawoeng kei khoeq mluko sounglai patma haq ka'khom laq hmai. 51Keiloeq nei somdaeka a'yaedam haq ka'lo taeng nán mkhin moe? Seiyaq, kei ka'lo khoeq teq khlaung haq án ka ai tawiq ya ka'lo khoeq noeng. 52To ta'koeiq mcaq loeqteq khlaung poemhngaw án moeiq khoeq imthongaka poemhneiq khoeq poemthumoeng poemthum khoeq poemhneiqoeng a'mcuqcuq caw án ka poeiq yai. 53A'paw loeq a'cawpaw, a'cawpaw loeq a'paw, a'nu loeq a'cawhnu, a'cawhnu loeq a'nu, a'cicang loeq a'nauhmi, a'nauhmi loeq a'cicang sik uk loeqteq án ka poeiq yai taeng a'hau haq. 54Yaqkiyoeng Boiyesuq loeq khlaung haqla, nanghniq loeq a'hnu poet thoq melik kaeng a'kawi khoeq nán hmuq loeq yawq a'awai taeng saksang nán hau theiq. Yaqkhakhut khaw a'phlaet theiq. 55Tong khli a'lo naka khaw kho a'hlokai taeng nanghniq loeq nán hau theiq. Nán hau khut khaw a'phlaet theiq. 56Khlaungpawi long songi saw haqloe, nanghniq loeq mehon loeq somdaek long mkha theiq tuk loeqkhaw nei a'khing teq piya mkha theiqaq tukoe? 57A'hmon khoeqhaq nán saiyai khoeq nanghniqa nanghniq pi klongoeng sa'diq tawyi yaq tukoe? 58Hmat poemak loeq nanga ta'la a'mcawi nak loeq ta'layung nan phaw mawoeng nan toyi ba lai khoeq sai boei. Seiyaqloeq ta'lasamsaw loeq nanga na'plaet a'moeiq taeng mkhin loeqteq ta'la yunga a'moeiq khoeqhaq hma a'mawpai. Yaqkiyoeng yaq ta'la yunga khoeqloeq nanga thong a'mkhlawqai. 59Nanghniqa keiloeq ka'mhau haqkhoeq teq nanga a'moeiq khoeq haen ha a'moeiq khoeq blaiq poeiqong paekpoeiq yaqti saungsi yaq tonga khoeq sot laq hlaq tiq taeng a'hau haq.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This translation of the Chin-Cumtu (Sumtu) Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.