Mateo 1

1David awa, Abraham awa Yesu Kristo nwo abakwasɛm nwomaa:

2Abraham wole Isaac,

Isaac wole Yakob,

Yakob wole Yuda ne oliema mɔ.

3Yuda ne Tamar wole Peres ne Sera,

Peres wole Hesron,

Hesron wole Ram.

4Ram wole Aminadab,

Aminadab wole Nason,

Nason wole Salmon.

5Salmon ne Rahab wole Boas,

Boas ne Ruth wole Obed,

Obed wole Yese.

6Yese wole Ɔhene David,

David ne Uria aye ne wole Solomon.

7Solomon wole Rehoboam,

Rehoboam wole Abia,

Abia wole Asa.

8Asa wole Yehosafat,

Yehosafat wole Yehoram,

Yehoram wole Uzia.

9Uzia wole Yotam,

Yotam wole Ahas,

Ahas wole Hezekia.

10Hezekia wole Manase,

Manase wole Amon,#1:10 Anaa “Amos.”

Amon#1:10 Anaa “Amos.” wole Yosia,

11Kora bɔ bɛfa bɛ bɛkɔ Babilon ne,

Yosia wole Yekonia ne oliema mɔ.

12Bɛhɔle Babilon ne si ne,

Yekonia wole Sealtiel,

Sealtiel wole Zerubabel,

13Zerubabel wole Abihud,

Abihud wole Eliakim,

Eliakim wole Asor.

14Asor wole Sadok,

Sadok wole Akim,

Akim wole Elihud.

15Elihud wole Eleaser,

Eleaser wole Matan,

Matan wole Yakob.

16Yakob wole Yosef bɔ ogyale Mary ne,

Mary yeɛ owole Yesu bɔ bɛfrɛ ye Kristo ne.

17Yeti, aworɛ ndoɔtoasoɛ ne, ofi Abraham so ɔbaadwu David so ne te aworɛ ndoɔtoasoɛ 14; ofi David so ɔbaadwu kyɛ bɛfale bɛ bɛhɔle Babilon ne te aworɛ ndoɔtoasoɛ 14; na bɛhɔle Babilon ne ɔbaadwu Kristo so ne te aworɛ ndoɔtoasoɛ 14.

18Atee bɔ bɛfale so bɛwole Yesu Kristo ne ɛhe: Bɛfale ye maame Mary bɛmane Yosef kyɛ ɔye bɔ ɔbaagya ye. Né onya hɔlle agyaa bo, nakoso bɛnwuni kyɛ honhom krongron amaa wanwonzɛ. 19Né ohu Yosef te teneneeniɛ, na né onguro kyɛ ogua ye nyunu ase, yeti ɔyɛle ye adwene kyɛ okoyira ye kodɛɛ. 20Ogu so ɔdwene ɛhe anwo ne, Awurade bɔfo yele ye nwo ali hyirele ye wɔ nnaleɛ nu, na ɔha hyirele ye kyɛ: “Yosef, David awa, nnɛsuro kyɛ ɛkɔfa ɛye Mary kɔhɔ awuro, ofikyɛ honhom krongron yeɛ wamaa wawonzɛ ɔ. 21Ɔkɔwo baa brienzua, na odikyɛ ɛto ye dumaa Yesu, ofikyɛ ye yeɛ okole ye mmenia kofi bɛ bɔne nu ɔ.”

22Ɛhe amukoraati sili, kyɛbɔ ɔkɔyɛ a, edwirɛ bɔ Awurade nate diifoɛ naso hane ne kɔwa nu ɔ. Ɔhane kyɛ:

23“Nea, ababunu ne kɔnwonzɛ,

ɔkɔwo baa brienzua,

na bɛkɔto ye dumaa Emmanuel,”

yebo kyire kyɛ, “Nyameɛ ne Yɛ Wɔ Berɛ.”

24Ná Yosef tingye fili nnaa nu, na ɔyɛle bɔ Awurade abɔfo ne ha hyirele ye ne, ɔfale ɔye ne hɔle awuro. 25Nakoso Yosef ne ye anna tonn maa ɔwole baa brienzua ne, na ɔtole ye dumaa Yesu.

Արդեն Ընտրված.

Mateo 1: SNT

Ընդգծել

Պատճենել

Համեմատել

Կիսվել

Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք

This translation of the Bible in Sehwi is provided for personal, educational, and church use. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without prior written permission of the copyright holder, except in the case of brief quotations embodied in critical reviews and certain other noncommercial uses permitted by copyright law.

Authorized digital distribution may be made through approved Bible platforms and partner organizations under license.

For permission requests, write to the publisher at the address below:

LexiHUB

Box 2, Sefwi Juaboso, Western North Region, Ghana

Email: info.lexihub@gmail.com

Իմացեք ավելին New Testament Bible-ի մասին