Mateo 4
4
Mayan Icsa Satanasën: Esus icsambuen namenu, quequin tanuidaid
(Madc. 1.12-13; Duc. 4.1-13)
1Aden Uanën acten mentobocshobien Nuquin Papan Mayanën shubu nibëdacno Esus buampanëdash. Ma Mayan Icsa Satanasën#4.1 Utsibon Satanas quequin Matsesën Mayan Icsa Satanas capec. Ëndenquimbo Mayan Icsa Satanas Nuquin Papabëd icquin abëd icquido chuiquid nepampic. Adquid icpampidi: Nuquin Papa dëniaquec abitedishun icbo icnu, quesho Nuquin Papan Mayan Icsa Satanas cuenmepampic. Nuquin Papabëd icbuedo utsi utsiec Mayan Icsan Satanasën iuabo yanacsho aidotsen cuenmepampic. Aido podobitsi icsabo capec. Nuquin Papan Chiaid niacmequin tannu, queshun ambo Esus buampanëdash.
2Adoac ambo 40tedec ushquin buna mëmunquin penquio yec Esus cumapenec bundopanëdash. 3Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.#4.3 Esus tantiaquido icsamete bunquid Mayan Icsa Satanas nec. 4Adoaquien Esusën: Nuquin Papan naden chuiquin dada uamiampid iquec: Peteuidi pec matses bëdambuec tabadtiapimbo ictsiash. Nuquin Papa tantiaquin aidën chiacpaden naiquien bëdambuec tabadtsiash, quequin chuipanëdash.#4.4 M.I.Ch. 8.3 tantiaquin nëid dada uapanëdash. Aid ista.
5Adsho tantiashumbien shubu dadpen icquid Nuquin Papan: Bëdambocquid Edusaden nec, caid yacno buanshun Nuquin Papa tabadte shubu dapa abucquiocquid macano Mayan Icsa Satanasën Esus manidtomepanëdash. 6Adotanquimbien padpiden chuiuaquin: Nuquin Papan Madombo iquec nëuëshquio pudunta. Nuquin Papan naden chuiquin dada uamiampid iquec:
Uidën uata, quequin Nuquin Papan abëd icquido ambi budmiaido chiac mibi uidën uaindac.
Cuënoten tadquëdnushe, queshun adoendac,
quequin chiampid iqueque. Pudunta, capanëdash.#4.6 Cuëd. 91.11-12 tantiaquin naden dada uapanëdash. Aid iste bunquin chotaquën onqueten dada uaid isbanta. 7Adoaquien Esusën: Adembidi Nuquin Papan chuiquin dada uamiampid nad iquec: Icsambuen tantiaquimbi Min Icbo Nuquin Papa caquin: ¿Abimboda caoshe? Tannu, quequin cuidmenda, quequin chiampid iqueque. Padi, capanëdash Esusën Mayan Icsa Satanas chuiquin.#4.7 M.I.Ch. 6.16 tantiaquin nëid dada uapanëdash.
8Adsho tantiashumbien Mayan Icsa Satanasën padpiden buanquin macuësh tapa abucquiocquid manidtomeshun nidaid abitedimbo Esus ismepanëdash. Chuiquid tapabotedi ismequinc aidobëd icquido ismequinc aidon dayun uaidtedi ismequinc capanëdash. 9Adoshombic: Nëidtedi mibi menetsiambique. Cun Icbo mibi nec, quequin ubi ismequin dannëshën sebudta. Adosho issun umbi ismiaidtedi mibi menembi, caquien 10Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.#4.10 M.I.Ch. 6.13 tantiaquin nëid dada uapanëdash.
11Adoaquien Mayan Icsa Satanas cuempanëdash. Adnubien Nuquin Papabëd icquido chochoshon Esus nashumbededpanëdash.
Nidaid cuëshë Cadidea yacnoshon Esusën tauaquin chuibanaid
(Madc. 1.14-15; Duc. 4.14-15)
12Adashic: Mibi acten mentondaid Uan bedmeshun quënën tsadunmiac caosh, quesho tantiash aton nidaid Cadidea yacno Esus nidpanëdash. 13Nidashic shubu dadpen icquid Nasaded yacno tabadanec nidequi chian dapa cuëman shubu dadpen icquid Capednaun yacno nidash ambotsen tabaduapanëdash. Aid nidaid Netadi capampic. Aid anoentsëqui icquid nidaid utsi Sabudon capampic. 14Ëndenquimbo Nuquin Papan oncamiaid Isayasën chuiquin dada uampicpadquiec ambo Esus icpanëdash. Aid chuiquin Isayasën naden dada uapampic:
15Nuquin Papa tantiamequidën chuisho nëidtedishun tantiendac.
Nëidic nidaid utsi Netadi caidën tabadquidon.
Nëidic nidaid utsi Sabudon caidën tabadquidon.
Nëidic acte dapambo mad caid cuëman tabadquidon.
Nëidic acte Odan caid cuëman tabadquidon.
Nëidic isadaidpembo dadpen tabadaid nidaid Cadidea caidën tabadquidon.
16Aidtedshun Nuquin Papan Chomiaid tantienquio iquendac.
Pabiate shëcuë nibëdacbimbuen icsambuen naic tabadquin Nuquin Papa tantienquio icbuedombi tantiabenendac.
Nuquin Papa tantiamenuen chuibansho tantiashun paposhquiacbimbuen matsesën Nuquin Papa tantiabenendac.#4.16 Isa. 9.1bëta 9.2 tantiaquin nëid dada uapanëdash.
Abi tantienquio icsho Nuquin Papan uënësuaquin cuidtsenaidombi Nuquin Papa tantiabenendac, ushash isucunacbimbuen,
quequin Nuquin Papan tantiamiac Isayasën dada uapampic.
17Ashunquiobi tauaquin Nuquin Papan Chiaid chuibanquin Esusën matses abitedimbo naden chuibampanëdash: Nuquin Papan namiacno iuedanquid nëmbobi iqueque. Mimbi icsambuen naid ënash Nuquin Papa tantiec bëdambuec tabadta, quepanëdash Esus.
Nuëcquid bedquido 4ted Esusën: Nuquibi icnu. Cho, caid
(Madc. 1.16-20; Duc. 5.1-11)
18Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën. 19Adshumbien Esusën: Nuquibi icnu. Cho. Penuen nuëcquid bedquid icbuedi nëbi matses ubi tantiaquid icmenuen ubi chuibanquid mibi icmenu, capanëdash. 20Adoaquien aton nëshaid nianec nidquin Esus tsibanampanëdash.
21Udictsëc nidquin isaquien dada daëd cano antabëdpec. Aidi Santiacobëd#4.21 Santiaco caimbidi utsibon Acobo capec. Cuënaid abidaëdi bëdambo iquec, quepec Nuquin Papan Chiaid tantiaquidquio. aton utsi Uan nepanëdash. Aton papa Sebedeo caidbëdi cano antabëdquin nuëcquid bednun aton nëshaid tapa nacnempanëdash. Adosho istuidshumbien Esusën: Nuquibi icnu. Cho, caquien 22aton papabëta cano dapa nianec nidquin Esus tsibanampanëdash.
Matses dadpen Esusën chuibenniaid
(Duc. 6.17-19)
23Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash. 24Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash. 25Adosho isquidon chiac isec chochoash matses dadpenquio niquianquin nëidtedi yacnouësh chochoquidon Esus tsibanampanëdash. Nëidic nidaid Cadidea yacnouësh choquidon. Nëidic nidaid Decapodis cacnouësh choquidon. Nëidic shubu dadpen icquid Edusaden yacnouësh choquidon. Nëidic nidaid Udea yacnouësh choquidon. Nëidic acte Odan ëquëmatsiucuësh choquidon. Aidted yacnouësh choquidon Esus tsibanampanëdash.
Արդեն Ընտրված.
Mateo 4: mcfNT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2023, Wycliffe Bible Translators, Inc. All rights reserved.
Mateo 4
4
Mayan Icsa Satanasën: Esus icsambuen namenu, quequin tanuidaid
(Madc. 1.12-13; Duc. 4.1-13)
1Aden Uanën acten mentobocshobien Nuquin Papan Mayanën shubu nibëdacno Esus buampanëdash. Ma Mayan Icsa Satanasën#4.1 Utsibon Satanas quequin Matsesën Mayan Icsa Satanas capec. Ëndenquimbo Mayan Icsa Satanas Nuquin Papabëd icquin abëd icquido chuiquid nepampic. Adquid icpampidi: Nuquin Papa dëniaquec abitedishun icbo icnu, quesho Nuquin Papan Mayan Icsa Satanas cuenmepampic. Nuquin Papabëd icbuedo utsi utsiec Mayan Icsan Satanasën iuabo yanacsho aidotsen cuenmepampic. Aido podobitsi icsabo capec. Nuquin Papan Chiaid niacmequin tannu, queshun ambo Esus buampanëdash.
2Adoac ambo 40tedec ushquin buna mëmunquin penquio yec Esus cumapenec bundopanëdash. 3Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.#4.3 Esus tantiaquido icsamete bunquid Mayan Icsa Satanas nec. 4Adoaquien Esusën: Nuquin Papan naden chuiquin dada uamiampid iquec: Peteuidi pec matses bëdambuec tabadtiapimbo ictsiash. Nuquin Papa tantiaquin aidën chiacpaden naiquien bëdambuec tabadtsiash, quequin chuipanëdash.#4.4 M.I.Ch. 8.3 tantiaquin nëid dada uapanëdash. Aid ista.
5Adsho tantiashumbien shubu dadpen icquid Nuquin Papan: Bëdambocquid Edusaden nec, caid yacno buanshun Nuquin Papa tabadte shubu dapa abucquiocquid macano Mayan Icsa Satanasën Esus manidtomepanëdash. 6Adotanquimbien padpiden chuiuaquin: Nuquin Papan Madombo iquec nëuëshquio pudunta. Nuquin Papan naden chuiquin dada uamiampid iquec:
Uidën uata, quequin Nuquin Papan abëd icquido ambi budmiaido chiac mibi uidën uaindac.
Cuënoten tadquëdnushe, queshun adoendac,
quequin chiampid iqueque. Pudunta, capanëdash.#4.6 Cuëd. 91.11-12 tantiaquin naden dada uapanëdash. Aid iste bunquin chotaquën onqueten dada uaid isbanta. 7Adoaquien Esusën: Adembidi Nuquin Papan chuiquin dada uamiampid nad iquec: Icsambuen tantiaquimbi Min Icbo Nuquin Papa caquin: ¿Abimboda caoshe? Tannu, quequin cuidmenda, quequin chiampid iqueque. Padi, capanëdash Esusën Mayan Icsa Satanas chuiquin.#4.7 M.I.Ch. 6.16 tantiaquin nëid dada uapanëdash.
8Adsho tantiashumbien Mayan Icsa Satanasën padpiden buanquin macuësh tapa abucquiocquid manidtomeshun nidaid abitedimbo Esus ismepanëdash. Chuiquid tapabotedi ismequinc aidobëd icquido ismequinc aidon dayun uaidtedi ismequinc capanëdash. 9Adoshombic: Nëidtedi mibi menetsiambique. Cun Icbo mibi nec, quequin ubi ismequin dannëshën sebudta. Adosho issun umbi ismiaidtedi mibi menembi, caquien 10Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.#4.10 M.I.Ch. 6.13 tantiaquin nëid dada uapanëdash.
11Adoaquien Mayan Icsa Satanas cuempanëdash. Adnubien Nuquin Papabëd icquido chochoshon Esus nashumbededpanëdash.
Nidaid cuëshë Cadidea yacnoshon Esusën tauaquin chuibanaid
(Madc. 1.14-15; Duc. 4.14-15)
12Adashic: Mibi acten mentondaid Uan bedmeshun quënën tsadunmiac caosh, quesho tantiash aton nidaid Cadidea yacno Esus nidpanëdash. 13Nidashic shubu dadpen icquid Nasaded yacno tabadanec nidequi chian dapa cuëman shubu dadpen icquid Capednaun yacno nidash ambotsen tabaduapanëdash. Aid nidaid Netadi capampic. Aid anoentsëqui icquid nidaid utsi Sabudon capampic. 14Ëndenquimbo Nuquin Papan oncamiaid Isayasën chuiquin dada uampicpadquiec ambo Esus icpanëdash. Aid chuiquin Isayasën naden dada uapampic:
15Nuquin Papa tantiamequidën chuisho nëidtedishun tantiendac.
Nëidic nidaid utsi Netadi caidën tabadquidon.
Nëidic nidaid utsi Sabudon caidën tabadquidon.
Nëidic acte dapambo mad caid cuëman tabadquidon.
Nëidic acte Odan caid cuëman tabadquidon.
Nëidic isadaidpembo dadpen tabadaid nidaid Cadidea caidën tabadquidon.
16Aidtedshun Nuquin Papan Chomiaid tantienquio iquendac.
Pabiate shëcuë nibëdacbimbuen icsambuen naic tabadquin Nuquin Papa tantienquio icbuedombi tantiabenendac.
Nuquin Papa tantiamenuen chuibansho tantiashun paposhquiacbimbuen matsesën Nuquin Papa tantiabenendac.#4.16 Isa. 9.1bëta 9.2 tantiaquin nëid dada uapanëdash.
Abi tantienquio icsho Nuquin Papan uënësuaquin cuidtsenaidombi Nuquin Papa tantiabenendac, ushash isucunacbimbuen,
quequin Nuquin Papan tantiamiac Isayasën dada uapampic.
17Ashunquiobi tauaquin Nuquin Papan Chiaid chuibanquin Esusën matses abitedimbo naden chuibampanëdash: Nuquin Papan namiacno iuedanquid nëmbobi iqueque. Mimbi icsambuen naid ënash Nuquin Papa tantiec bëdambuec tabadta, quepanëdash Esus.
Nuëcquid bedquido 4ted Esusën: Nuquibi icnu. Cho, caid
(Madc. 1.16-20; Duc. 5.1-11)
18Aden chuibennec chian dapa Cadidea caid cuëman nidquin isaquien dadan aton utsibëtambi nëshaid tapa acte nënepec. Aidi Simon cashumbic Petedo caidbëd aton utsi Andedes nepanëdash. Aid daëdshun nuëcquid bedquidombo icquin aton nëshaid acte nënesho istuidpanëdash Esusën. 19Adshumbien Esusën: Nuquibi icnu. Cho. Penuen nuëcquid bedquid icbuedi nëbi matses ubi tantiaquid icmenuen ubi chuibanquid mibi icmenu, capanëdash. 20Adoaquien aton nëshaid nianec nidquin Esus tsibanampanëdash.
21Udictsëc nidquin isaquien dada daëd cano antabëdpec. Aidi Santiacobëd#4.21 Santiaco caimbidi utsibon Acobo capec. Cuënaid abidaëdi bëdambo iquec, quepec Nuquin Papan Chiaid tantiaquidquio. aton utsi Uan nepanëdash. Aton papa Sebedeo caidbëdi cano antabëdquin nuëcquid bednun aton nëshaid tapa nacnempanëdash. Adosho istuidshumbien Esusën: Nuquibi icnu. Cho, caquien 22aton papabëta cano dapa nianec nidquin Esus tsibanampanëdash.
Matses dadpen Esusën chuibenniaid
(Duc. 6.17-19)
23Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash. 24Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash. 25Adosho isquidon chiac isec chochoash matses dadpenquio niquianquin nëidtedi yacnouësh chochoquidon Esus tsibanampanëdash. Nëidic nidaid Cadidea yacnouësh choquidon. Nëidic nidaid Decapodis cacnouësh choquidon. Nëidic shubu dadpen icquid Edusaden yacnouësh choquidon. Nëidic nidaid Udea yacnouësh choquidon. Nëidic acte Odan ëquëmatsiucuësh choquidon. Aidted yacnouësh choquidon Esus tsibanampanëdash.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2023, Wycliffe Bible Translators, Inc. All rights reserved.