 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ࢡٜعُمّٛدِ ࢡٜ ڢُو، ࢡٜنجَحْرِ عِيسَى حَا ݠِلَاتُ؞ ࢡٜݠُطِّ وُلَّاغٛ مٛ، ࢡٜمبِعِ‏: «مِنْ تَوِ غٛرْکٛ عٛو طٛنْ عُمِّنَ تُورْتٛلْ شَکَ عُمَّاتٛورٜ عَمِنْ، عٛطٛنْ حَطَ يِمْࢡٜ يٛࢡُغٛ غَرَامَ حَا کَيْسَرَ، عٛطٛنْ وِعَ بٛو کَنغْکٛ وٛنِ اَلْمَسِيحُ، لَامِيطٛ؞» ݠِلَاتُ ࢨَمِمٛ بَنَ نِعِ‏: «عَنْ وٛنِ لَامِيطٛ يَحُودُعٜنْ نَ؟» عِيسَى جَابِمٛ‏: «نٛنّٛنْ بَنَ مبِعْطَ؞» ݠِلَاتُ وِعِ مَوْࢡٜ لِمَنْعٜنْ عٜ مٛوࢡْرٜ ڢُو‏: «مِتَوَايْ کٛو طُمٜ حَا غٛرْکٛ عٛو نغَمْ حِيتَاغٛ مٛ؞» عَمَّا ࢡٜتِينَنِ وِعُغٛ‏: «عٛطٛنْ تُورْتِنَ عُمَّاتٛورٜ بٜى وَازِنغٛ ندٜرْ لٜسْدِ يَحُودَ دِغَ غَلِيلِ، حَا يٛتِّ حَا طٛ؞»

ندٜ ݠِلَاتُ نَنِ طُمْ، عٛࢨَمِ تٛ غٛرْکٛ عٛو عٛ غَلِيلِيجٛ؞ ندٜ عٛنَنِ عِيسَى عِوِ حَا مَرَلْ لَامُ حِرُدُسْ، عٛنٜلْدِمٛ حَا حِرُدُسْ، نغَمْ ࢩَلْطٜ مَنْ حِرُدُسْ طٛنّٛ حَا عُرُسَلِيمَ؞ ندٜ حِرُدُسْ يِعِ عِيسَى، عٛسٜيِ سٜيٛ مَنغٛ، نغَمْ دُورِ عٛيِطْنٛ يِعُغٛ مٛ، نغَمْ عٛنَنِ کٛ ࢡٜمبِعْنٛ دٛوْ مَاکٛ، عٛتَمِّ عٛيِعَنّٛ عِيسَى وَطَنْ عَلَامَ کَايٜىٰڢِيحَ ڢٜىٰرٜ؞ عٛࢨَمِمٛ ࢨَمْطٜ طُوطّٜ، عَمَّا عِيسَى جَابَاکِمٛ کٛو طُمٜ؞ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ طٛنّٛ تٛنْ؞ ࢡٜنغُلِّمٛ بٜى سٜمْبٜ؞ حِرُدُسْ عٜ سٛوجٜعٜنْ مُوطُمْ نجَنْشِمٛ عٜ ࢡٜنجَوِمٛ؞ ࢡٜࢡٛرْنِمٛ مٛجَارٜ طٜلْکَنْدٜ، ࢡٜلٛرْنِمٛ حَا ݠِلَاتُ؞ ࢩَنْدٜ مَنْ ندٜنْ حِرُدُسْ عٜ ݠِلَاتُ شٛوبِرِ، نغَمْ عَرَنْ ࢡٜنَرَّتَانٛ؞


ݠِلَاتُ مٛوࢡْتِ مَوْࢡٜ لِمَنْعٜنْ عٜ مَوْࢡٜ يِمْࢡٜ عٜ يِمْࢡٜ ڢُو؞ عٛوِعِ ࢡٜ‏: «عٛنْ نغَدَّنِ يَمْ غٛطّٛ عٛو بٜى وِعْغٛ عٛطٛنْ عُمِّنَ تُورْتٛلْ شَکَ عُمَّاتٛورٜ؞ ندَا، مِࢨَمِمٛ يٜىٰسٛ مٛوطٛنْ، مِتَوَايْ عَيْبٜوٛلْ حَا مَاکٛ ندٜرْ کٛ نغُلِّرْطٛنْ مٛ؞ حِرُدُسْ بٛو تَوَايْ، نغَمْ عٛلٛرْنِمٛ حَا مٜىٰطٜنْ؞ غٛرْکٛ عٛو وَطَايْ کٛو طُمٜ کٛ حٜعِ مبَرُغٛ مٛ؞ نغَمْ مَاجُمْ مِࢡٛشَّنْ مٛ، مِيٛوڢَنْ مٛ؞» نغَمْ کَلَ جُولْدٜ ݠَسْکَ ڢُو، دٛولٜ ݠِلَاتُ يٛوڢَنَ ࢡٜ ڢُرْسِنَاجٛ غٛوتٛ؞ ࢡٜݠُطِّ وٛوکُغٛ بٜى سٜمْبٜ، ࢡٜ ڢُو‏: «مبَرْ غٛرْکٛ عٛو‏! يٛوڢَنْ مِنْ بَرَبَّسْ‏!» غٛرْکٛ عٛو نَسْتِنَامَ ڢُرْسِنَ نغَمْ ڢِتِنَ ڢٜىٰرٜ ندٜرْ بٜرْنِوٛلْ عٜ نغَمْ دَلِيلَ مبَرْ-حٛورٜ بٛو؞ ݠِلَاتُ وٛلْوَنِ ࢡٜ ڢَحِنْ نغَمْ عٛيِطِ يٛوڢُغٛ عِيسَى؞ ࢡٜکٛولِ بٜى سَوْتُ‏: «ࢡِلْ مٛ حَا لٜغَّلْ غَاڢَانغَلْ‏! ࢡِلْ مٛ‏!» ݠِلَاتُ وِعِ ࢡٜ ندٜ تَتَࢡْرٜ‏: «عَيْبٜ طُمٜ عٛوَطِ؟ مِتَوَايْ عَيْبٜ حَا مَاکٛ کٛ حٜعِ مبَرٜىٰغٛ سَمْ؞ مِࢡٛشَّنْ مٛ، ندٜنْ مِيٛوڢَ مٛ؞» عَمَّا ࢡٜتِينَنِ طُمْ، ࢡٜمبَطِ حٛولٛ مَنغٛ، ࢡٜنغِطِ عٛࢡِلٜ حَا لٜغَّلْ غَاڢَانغَلْ؞ حٛولٛ مَࢡّٜ جَالِمٛ؞ ݠِلَاتُ يٜرْدِ وَطَنْغٛ ࢡٜ کٛ ࢡٜࢨَمِ؞ عٛيٛوڢِ نَسْتِنَاطٛ ڢُرْسِنَ نغَمْ ڢِتِنَ عٜ مبَرْ-حٛورٜ، مٛ ࢡٜࢨَمِ غٛ، عٛحٛکِّ ࢡٜ عِيسَى حَا ࢡٜمبَطَ مٛ طُمْ کٛ ࢡٜنغِطِ ڢُو؞


ندٜ ࢡٜطٛنْ نجَحْرَ عِيسَى، ࢡٜݠٛتِّ بٜى سِمٛنْ، غٛطّٛ سِرٜنٜ، طٛنّٛ وَرْتَ لَدّٜ؞ ࢡٜنَنغِمٛ، ࢡٜندٛونْدِ مٛ غَاڢَانغَلْ حَا عٛتٛکّٛ عِيسَى ࢡَاوٛ؞
مٛوࢡْرٜ طُوطْندٜ تٛکِّمٛ؞ رٜوْࢡٜ ݠِيِ بِࢡّٜ مُوطُمْعٜنْ، مبٛيِمٛ؞ عِيسَى يٜىٰسِتِ غَلْ مَࢡّٜ، وِعِ‏: «رٜوْࢡٜ عُرُسَلِيمَ، تَا مبٛيٜ نغَمْ عَمْ؞ عَمَّا مبٛيَنٜ کٛعٜ مٛنْ عٜ ࢡِࢡّٜ مٛوطٛنْ؞ نغَمْ ندَا، ࢩَلْطٜ نغَرَنْ طٜ ࢡٜمبِعَنْ‏: سٜيٛ لَاتَنِ رٜوْࢡٜ رِمَرْࢡٜ، ࢡٜنْ مٜىٰطَايْ دَࢩُغٛ عٜ مُسِنِنغٛ؞ ندٜنْ يِمْࢡٜ مبِعَنْ کٛوسٜىٰجٜ‏: ندٛعّٜ دٛوْ عَمِنْ‏! ࢡٜمبِعَنْ تٛوْندِيجٜ بٛو‏: شُدّٜ مِنْ‏! نغَمْ تٛ ࢡٜنغَطَنِ لٜغَّلْ کٜشَّلْ بَنَ نِي، نٛيْ طُمْ لَاتٛرْتٛ نغَمْ جٛورْنغَلْ بٛو؟»
ࢡٜنجَحْرِ وٛرْࢡٜ حَلُّࢡٜ طِطٛ، نغَمْ حَا ࢡٜمبَرْدَ ࢡٜ بٜى عِيسَى؞ ندٜ ࢡٜنجٛتِّ حَا نٛکُّورٜ وِعٜتٜىٰندٜ غُمْبَلْ-حٛورٜ، ࢡٜࢡِلِمٛ تٛنْ، بٜى حَلُّࢡٜ طِطٛ غٛ ڢُو، غٛوتٛ حَا ࢩَامٛ، غٛوتٛ بٛو حَا نَنٛ؞ عِيسَى وِعِ‏: «بَابِرَاوٛ، يَاڢَ ࢡٜ، نغَمْ ࢡٜعَنْدَا کٛ ࢡٜمبَطَتَ؞» ࢡٜشٜنْدِ لِمْشٜ مَاکٛ حَکُّندٜ مَࢡّٜ بٜى ڢِيُغٛ شَاشَ؞ عُمَّاتٛورٜ طٛنّٛ ندَرِ تٛنْ، لَارَ؞ مَوْࢡٜ يَحُودُعٜنْ نجَنْشِمٛ، ࢡٜمبِعِ‏: «عٛحِسْنِ وٛطْࢡٜ، عٛحِسْنَ حٛورٜ مَاکٛ بٛو کَدِ، تٛ عٛ اَلْمَسِيحُ، مٛ اَللَّه، شُࢡَاطٛ‏!» سٛوجٜعٜنْ بٛو نجَنْشِمٛ، ࢡٜࢡَدِتِمٛ، ࢡٜندٛکِّمٛ لَمُّطَمْ، ࢡٜمبِعِ‏: «تٛ عَ لَامِيطٛ يَحُودُعٜنْ کَمْ، حِسْنُ حٛورٜ مَ کَدِ‏!» ࢡٜمبِنْدِ حَا دٛوْ لٜغَّلْ غَاڢَانغَلْ نغَلْ ࢡٜࢡِلِمٛ‏: «عٛو وٛنِ لَامِيطٛ يَحُودُعٜنْ؞»
غٛوتٛ ندٜرْ حَلُّࢡٜ ࢡِلْدَاࢡٜ بٜى مَاکٛ غٛ، حُطِمٛ، وِعِ‏: «نَا عَنْ وٛنِ اَلْمَسِيحُ نَ؟ حِسْنُ حٛورٜ مَ عَنْ عٜ مِنِنْ بٛو‏!» عَمَّا طِطَࢡٛ ڢٜلِمٛ، وِعِ‏: «عَحُلَتَا اَللَّه نَ؟ عَنْ، عَ کِيتَاطٛ بٛو؞ نغَمْ مٜىٰطٜنْ کَمْ کِيتَ کَ ڢٛتِ دٜيْدٜيْ کُوطٜ مٜىٰطٜنْ، عَمَّا کَنغْکٛ وَلَا حَلّٜىٰندٜ ندٜ عٛوَطِ؞» ندٜنْ عٛوِعِ‏: «عِيسَى، سِڢْتٛرَمْ سَاعِ نغَرَتَ ندٜرْ لَامُ مَاطَ؞» عِيسَى جَابِمٛ‏: «غٛونغَ مبِعَنْمَامِ، حَنْدٜ عَوٛنْدَنْ بٜى عَمْ ندٜرْ عَلْجَنَّ؞»


يَاکٜ مَنْ طُمْ شَکَ ࢩَلَوْمَ، ندٜنْ ࢩِࢡْرٜ وَطِ دٛوْ لٜسْدِ ڢُو حَا يٛتِّ سَاعَ تَتِ؞ نَانغٜ مٛجِ؞ وِيرْندَلّٛ ندٜرْ حَيْکَلِيرُ سٜىٰکِ شَکَ شَکْ؞ عِيسَى تٛوْنِ سَوْتُ بٜى سٜمْبٜ، وِعِ‏: «يَا بَابِرَاوٛ، مِطٛنْ حَلْڢِنَ رُوحُ عَمْ ندٜرْ جُنغٛ مَاطَ؞» ࢡَاوٛ ندٜ عٛوٛلْوِ بٛلّٜ طٜعٜ، عٛمَايِ؞ ندٜ عَرْدِيطٛ دٛوْ سٛوجٜعٜنْ رٛمَ تٜىٰمٜرّٜ يِعِ کٛ لَاتِ، عٛتٜدِّنِ اَللَّه، عٛوِعِ‏: «ڢَکَتْ، غٛرْکٛ عٛو عٛ عَدِلِيجٛ؞» يِمْࢡٜ وَرْنٛوࢡٜ لَارُغٛ ڢُو، ندٜ ࢡٜنغِعِ کٛ لَاتِ، ࢡٜکُوشِ، ࢡٜطٛنْ ݠِيَ بِࢡّٜ مَࢡّٜ؞ سٛوبِرَاࢡٜ مَاکٛ ڢُو عٜ رٜوْࢡٜ تٛکِّنٛوࢡٜ مٛ دِغَ غَلِيلِ، ندَرِ دَايِيطُمْ، طٛنْ ندَارَ کُوجٜ طٜعٜ؞


وٛودِ غٛطّٛ بِعٜتٜىٰطٛ يُوسُڢُ، مٛ بٜرْنِوٛلْ لٜسْدِ يَحُودَ، بِعٜتٜىٰنغٛلْ عَرِمَتٜ؞ عٛ بٛوطّٛ، عَدِلِيجٛ؞ عٛطٛنّٛ رٜىٰنَ غَرٛيْکِ لَامُ اَللَّه؞ عٛطٛنْ شَکَ دَوْرٛوࢡٜ، عَمَّا عٛحَوْتَنَايْ وٛطْࢡٜ ندٜرْ دَبَرٜ عٜ کُوطٜ مَࢡّٜ؞ عٛيٜحِ حَا ݠِلَاتُ، عٛࢨَمِ طُمْ ࢡَنْدُ عِيسَى؞ عٛجِݠِّنِ ندُ دِغَ غَاڢَانغَلْ، عٛحَسْنِ ندُ بٜى کَسَ کٜسَ، ندٜنْ عٛوَلِّنِ ندُ ندٜرْ يٜنَاندٜ وَسَاندٜ ندٜرْ تَݠَارٜ، ندٜ غٛطّٛ مٜىٰطَايْ وَلِّنٜىٰغٛ ندٜرْ مُوطُمْ؞ طُمْ ࢩَنْدٜ تَاسْکَرَ سِوْتٛرْدٜ؞ ندٜ ࢡَدِنٛ نَسْتُغٛ؞
رٜوْࢡٜ وَرْدُنٛوࢡٜ بٜى عِيسَى دِغَ غَلِيلِ، نجَحْدِ بٜى يُوسُڢُ، ࢡٜندَارِ يٜنَاندٜ عٜ بَنَ نٛيْ ࢡَنْدُ عِيسَى وَلِّنِرَ؞ ࢡٜلٛرِ، ࢡٜتَاسْکِتِنِ لٜطّٜ عُورْطٜ عٜ عُورْدِ؞
ندٜنْ ࢡٜشِوْتِ ࢩَنْدٜ سِوْتٛرْدٜ ڢٛدّٜ تَوْرٜىٰتَ؞

Dengarkan لُکَ 23