<div class="version vid1764 iso6393mwl" data-vid="1764" data-iso6393="mwl">
 <div class="book bkJHN">
 <div class="chapter ch19" data-usfm="JHN.19">
 <div class="label">19</div><div class="p"> 1Anton, Pilatos agarrou a Jasus i dou-le &#361;as checotadas. 2Adepuis, ls suldados faz&#237;run &#361;a corona de spinos, pon&#237;run-se-la na cabe&#231;a i best&#237;run-le un bestido de p&#250;rpara. 3I dezien: &#171;Biba, &#225; Rei de ls judius. I d&#225;ban-le lhambadas.&#187;</div><div class="p"> 4Anton, Pilatos saliu outra be&#231; para fuora i dixo-le a eilhes: &#171;Mirai que bos l traio para fuora, para que s&#225;bades que nun acho nel niun crime.&#187; 5Saliu, anton, Jasus para fuora lhebando la corona de spinos i l bestido de p&#250;rpara. Apuis, dixo-le Pilatos: &#171;Ende teneis l home.&#187; 6Mal apenas l b&#237;run, ls xefes de ls sa&#231;ardotes i ls criados bozi&#243;run, dezindo: Curcefica-lo, curcefica-lo. Pilatos dixo-le: &#171;Lhebai-lo b&#243;s i curceficai-lo, porque you nun acho nel niun crime.&#187; 7Ls judius respund&#237;run-le: &#171;N&#243;s tenemos &#361;a lei i, cunsante la nuossa lei, tenemos de l matar, porque se fizo Filho de Dius.&#187;</div><div class="p"> 8Quando Pilatos oubiu esta palabra, inda mais amedrancado quedou. 9Ende, antrou outra be&#231; ne l pal&#225;cio i dixo-le a Jasus: &#171;De adonde s&#243;s tu?&#187; Mas Jasus nun le bolbiu repuosta nien calaba&#231;a. 10Anton, dixo-le Pilatos: &#171;Nun me falas a mi? Nun sabes que tengo poder para te curceficar i tengo poder para te soltar?&#187; 11Jasus respundiu-le: &#171;Nun teneries niun poder contra mi se nun te fura dado d&#8217;alh&#225; riba; mas l que me antregou a ti inda ten pecado mais grande.&#187; 12Zdende, Pilatos andaba a saber dun modo de l soltar; mas ls judius bozi&#225;ban, dezindo: &#171;Se soltas a este nun s&#243;s amigo de C&#233;sar, puis quien se fai rei ye contra C&#233;sar.&#187; 13Quando Pilatos oubiu este dito, lhebou a Jasus para fuora i sentou-se ne l tribunal, ne l s&#237;tio chamado ampedrado i que an heibraico se di&#231; Gabat&#225;.</div><div class="p"> 14Era an biesperas de la P&#225;scoa, mui acerca de meidie. I dixo-le als judius: &#171;Eiqui teneis l buosso rei.&#187; 15Mas eilhes bozi&#243;run: &#171;Bota-lo pa la rue, bota-lo pa la rue, curcefica-lo.&#187; Pilatos dixo-le: &#171;Anton, hei-de curceficar al buosso rei?&#187; Ls xefes de ls sa&#231;ardotes respund&#237;run-le: &#171;Nun tenemos outro rei que nun seia C&#233;sar.&#187; 16Ende, antregou-se-lo para que fura curceficado. Eilhes agarr&#243;run a Jasus i lheb&#243;run-lo.</div><div class="s1">La curceficion</div><div class="r">(Mateus 27,32&#8211;44; Marcos 15,21&#8211;32; Lucas 23,26&#8211;43)</div><div class="p"> 17Lhebando el a las cuostas la sue cru&#231;, saliu pa l s&#237;tio chamado Calabeira, que an heibraico se di&#231; G&#243;lgota. 18Ende curcefic&#243;run-lo a la par cun outros dous, un de cada lhado i a Jasus al meio.</div><div class="p"> 19Pilatos screbiu tamien uns dezires i puso-los porriba la cru&#231;; i ende staba screbido: &#171;Jasus Nazareno, rei de ls judius.&#187; 20Muito judiu liu esses dezires, porque l s&#237;tio adonde Jasus staba curceficado era acerca la cidade i staba screbido an heibraico, griego i lhatin. 21Anton, dezien-le ls xefes de ls sa&#231;ardotes de ls judius a Pilatos: &#171;Nun scribas, Rei de ls Judius, mas si que el dixo: &#8220;Sou l Rei de ls Judius.&#8221;&#187; 22Pilatos respundiu-le: &#171;L que screbi, st&#225; screbido.&#187;</div><div class="p"> 23Apuis de hab&#233;ren curceficado a Jasus, ls suldados agarr&#243;run ls bestidos del i debed&#237;run-los an quatro partes, &#361;a para cada suldado; i tamien la t&#250;nica. Mas la t&#250;nica era toda tecida de alto a baixo, sien questura. 24Anton dez&#237;run uns als outros: Nun la bamos a rasgar, mas bamos a botar suortes para ber a quien le toca. Para que se cumprira la Scritura, que di&#231;:</div><div class="q"> Debed&#237;run antre eilhes ls mius bestidos.</div><div class="q"> I bot&#243;run suortes cula mie t&#250;nica.</div><div class="p">Puis ls suldados faz&#237;run estas cousas.</div><div class="s1">La sepultura de Jasus</div><div class="r">(Mateus 27,45&#8211;61; Marcos 15,33&#8211;47; Lucas 23,44&#8211;56)</div><div class="p"> 25Arrimada a la cru&#231; de Jasus staba la mai del, l&#8217;armana de la mai, Marie de Cle&#243;fas i Marie Madalena. 26Jasus, bendo eilhi la mai del i que l deciplo de quien el gustaba staba alh&#225;, dixo-le a la mai: &#171;Mulhier, ende tenes l tou filho.&#187; 27Adepuis, dixo-le al deciplo: &#171;Ende tenes a tue mai.&#187; I zde aqueilha hora, l deciplo recebiu-la an sue casa.</div><div class="p"> 28Apuis, sabendo Jasus que y&#225; st&#225;ban acabadas todas las cousas, para que se cumprira la Scritura, dixo: &#171;Tengo sede.&#187;</div><div class="p"> 29Staba eilhi un ca&#231;uolo cheno de binagre. Anton, anch&#237;run &#361;a spoinja, pon&#237;run-la na punta d&#361;a canha i acheg&#243;run-se-la a la boca. 30Quando Jasus porbou l binagre, dixo: &#171;Todo st&#225; cumprido.&#187; I, ancostando la cabe&#231;a, antregou la sue alma. 31Para que ls cuorpos nun qued&#225;ran na cru&#231; l die de s&#225;bado, puis era an b&#237;esperas de la P&#225;scoa, l grande die de s&#225;bado, ls judius ped&#237;run-le a Pilatos que le cobr&#225;ran las piernas i f&#250;ran tirados deilhi. 32Anton, ls suldados f&#250;run-se alh&#225; i realmente cobr&#243;run las piernas al purmeiro i al outro que cun el fura curceficado; 33mas quando cheg&#243;run an pie de Jasus, al ber que y&#225; staba muorto, nun le cobr&#243;run las piernas. 34Mas un suldado atrabessou-le l peito cun &#361;a lhan&#231;a i lhougo dalh&#225; saliu sangre i auga. 35Aquel que biu estas cousas assi las cuntou i l sou te&#231;temunho ye berdadeiro i sabe que ye berdade l que di&#231;, para que tamien acrad&#237;tedes.</div><div class="p"> 36Porque estas cousas acuntec&#237;run para que se cumprira la Scritura: Niun de ls sous uossos le ser&#225; cobrado. 37I noutro s&#237;tio di&#231; la Scritura: Beran aquel que atrabess&#243;run.</div><div class="p"> 38Apuis, Jes&#233; de Arimateia, l que era deciplo de Jasus, mas a las scundidas cun miedo de ls judius, pediu-le a Pilatos que le deixasse tirar l cuorpo de Jasus. Pilatos dou-le outeriza&#231;on. Anton, el fui-se alh&#225; i tirou l cuorpo de Jasus. 39I fui tamien alh&#225; Nicodemos, l que &#361;a be&#231; fura cun de nuite a tener cun Jasus, lhebando quaije cien arrates d&#361;a mistela de mirra i alo&#233;s. 40Agarr&#243;run, anton, l cuorpo de Jasus i ambrulh&#243;run-lo an lhen&#231;oles, cun ounguientos, cumo ye questume de ls judius para purpar&#225;ren las sepulturas.</div><div class="p"> 41Ne l s&#237;tio adonde fura curceficado habie un huorto i ende habie &#361;a sepultura nuoba, puis inda naide habie sido alh&#225; puosto. 42Fui ende que pon&#237;run a Jasus, por bias de la Purpara&#231;on de ls judius i porque aqueilha sepultura quedaba acerca.</div>
 </div>
 </div>
</div>

Evangelhos em Mirandês © Sociedade Bíblica, 2014.

Anton, Pilatos agarrou a Jasus i dou-le ũas checotadas. Adepuis, ls suldados fazírun ũa corona de spinos, ponírun-se-la na cabeça i bestírun-le un bestido de púrpara. I dezien: «Biba, á Rei de ls judius. I dában-le lhambadas.»
Anton, Pilatos saliu outra beç para fuora i dixo-le a eilhes: «Mirai que bos l traio para fuora, para que sábades que nun acho nel niun crime.» Saliu, anton, Jasus para fuora lhebando la corona de spinos i l bestido de púrpara. Apuis, dixo-le Pilatos: «Ende teneis l home.» Mal apenas l bírun, ls xefes de ls saçardotes i ls criados boziórun, dezindo: Curcefica-lo, curcefica-lo. Pilatos dixo-le: «Lhebai-lo bós i curceficai-lo, porque you nun acho nel niun crime.» Ls judius respundírun-le: «Nós tenemos ũa lei i, cunsante la nuossa lei, tenemos de l matar, porque se fizo Filho de Dius.»
Quando Pilatos oubiu esta palabra, inda mais amedrancado quedou. Ende, antrou outra beç ne l palácio i dixo-le a Jasus: «De adonde sós tu?» Mas Jasus nun le bolbiu repuosta nien calabaça. Anton, dixo-le Pilatos: «Nun me falas a mi? Nun sabes que tengo poder para te curceficar i tengo poder para te soltar?» Jasus respundiu-le: «Nun teneries niun poder contra mi se nun te fura dado d’alhá riba; mas l que me antregou a ti inda ten pecado mais grande.» Zdende, Pilatos andaba a saber dun modo de l soltar; mas ls judius boziában, dezindo: «Se soltas a este nun sós amigo de César, puis quien se fai rei ye contra César.» Quando Pilatos oubiu este dito, lhebou a Jasus para fuora i sentou-se ne l tribunal, ne l sítio chamado ampedrado i que an heibraico se diç Gabatá .
Era an biesperas de la Páscoa, mui acerca de meidie. I dixo-le als judius: «Eiqui teneis l buosso rei.» Mas eilhes boziórun: «Bota-lo pa la rue, bota-lo pa la rue, curcefica-lo.» Pilatos dixo-le: «Anton, hei-de curceficar al buosso rei?» Ls xefes de ls saçardotes respundírun-le: «Nun tenemos outro rei que nun seia César.» Ende, antregou-se-lo para que fura curceficado. Eilhes agarrórun a Jasus i lhebórun-lo.


Lhebando el a las cuostas la sue cruç, saliu pa l sítio chamado Calabeira, que an heibraico se diç Gólgota. Ende curceficórun-lo a la par cun outros dous, un de cada lhado i a Jasus al meio.
Pilatos screbiu tamien uns dezires i puso-los porriba la cruç; i ende staba screbido: «Jasus Nazareno, rei de ls judius.» Muito judiu liu esses dezires, porque l sítio adonde Jasus staba curceficado era acerca la cidade i staba screbido an heibraico, griego i lhatin. Anton, dezien-le ls xefes de ls saçardotes de ls judius a Pilatos: «Nun scribas, Rei de ls Judius, mas si que el dixo: “Sou l Rei de ls Judius.”» Pilatos respundiu-le: «L que screbi, stá screbido.»
Apuis de habéren curceficado a Jasus, ls suldados agarrórun ls bestidos del i debedírun-los an quatro partes, ũa para cada suldado; i tamien la túnica. Mas la túnica era toda tecida de alto a baixo, sien questura. Anton dezírun uns als outros: Nun la bamos a rasgar, mas bamos a botar suortes para ber a quien le toca. Para que se cumprira la Scritura, que diç:
Debedírun antre eilhes ls mius bestidos .
I botórun suortes cula mie túnica.
Puis ls suldados fazírun estas cousas.


Arrimada a la cruç de Jasus staba la mai del, l’armana de la mai, Marie de Cleófas i Marie Madalena. Jasus, bendo eilhi la mai del i que l deciplo de quien el gustaba staba alhá, dixo-le a la mai: «Mulhier, ende tenes l tou filho.» Adepuis, dixo-le al deciplo: «Ende tenes a tue mai.» I zde aqueilha hora, l deciplo recebiu-la an sue casa.
Apuis, sabendo Jasus que yá stában acabadas todas las cousas, para que se cumprira la Scritura, dixo: «Tengo sede.»
Staba eilhi un caçuolo cheno de binagre. Anton, anchírun ũa spoinja, ponírun-la na punta dũa canha i achegórun-se-la a la boca. Quando Jasus porbou l binagre, dixo: «Todo stá cumprido.» I, ancostando la cabeça, antregou la sue alma. Para que ls cuorpos nun quedáran na cruç l die de sábado, puis era an bíesperas de la Páscoa, l grande die de sábado, ls judius pedírun-le a Pilatos que le cobráran las piernas i fúran tirados deilhi. Anton, ls suldados fúrun-se alhá i realmente cobrórun las piernas al purmeiro i al outro que cun el fura curceficado; mas quando chegórun an pie de Jasus, al ber que yá staba muorto, nun le cobrórun las piernas. Mas un suldado atrabessou-le l peito cun ũa lhança i lhougo dalhá saliu sangre i auga. Aquel que biu estas cousas assi las cuntou i l sou teçtemunho ye berdadeiro i sabe que ye berdade l que diç, para que tamien acradítedes.
Porque estas cousas acuntecírun para que se cumprira la Scritura: Niun de ls sous uossos le será cobrado. I noutro sítio diç la Scritura: Beran aquel que atrabessórun .
Apuis, Jesé de Arimateia, l que era deciplo de Jasus, mas a las scundidas cun miedo de ls judius, pediu-le a Pilatos que le deixasse tirar l cuorpo de Jasus. Pilatos dou-le outerizaçon. Anton, el fui-se alhá i tirou l cuorpo de Jasus. I fui tamien alhá Nicodemos, l que ũa beç fura cun de nuite a tener cun Jasus, lhebando quaije cien arrates dũa mistela de mirra i aloés. Agarrórun, anton, l cuorpo de Jasus i ambrulhórun-lo an lhençoles, cun ounguientos, cumo ye questume de ls judius para purparáren las sepulturas.
Ne l sítio adonde fura curceficado habie un huorto i ende habie ũa sepultura nuoba, puis inda naide habie sido alhá puosto. Fui ende que ponírun a Jasus, por bias de la Purparaçon de ls judius i porque aqueilha sepultura quedaba acerca.

Dengarkan Juan 19