<div class="version vid2166 iso6393ahk" data-vid="2166" data-iso6393="ahk">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s1">Siqzaq Ganryo Deuq Lar-euq</div><div class="p"> 1Sanqpaq Heqlor uvlanrluf ngae, Yeqsur, Yurdav mirkhanq Baeqlaeqhaeq-anr daefle-euq mae. Khoerngae, siqzaq ganryo heumyav ghaq nanrma dovkhaeq paw nae Yeqlursaqlaeq-anr larkeuv-awr narhaq-eu, 2&#8220;Yurdav tsawrhaq-euq Sanqpaq geuf-eu laer daefle-euq ghaq aqgar jawr-eu la? Nga&#8217;maf, nanrma dovkhaeq paw aqyawf-euq aqguir-anr ya&#8217;mawr-awr, aqyawf-anr uqduq tanq-eu gharduq lar-euq ma.&#8221;</div><div class="p"> 3Sanqpaq Heqlor yagaq ngae, nuima tiqpawf-iq maqsar-a. Yeqlursaqlaeq-anr jawr-eu tsawrhaq dawqtawvluf khawf nuima maqsar-a. 4Khoerngae, aqyawf, pirma aqyuif deuq hawr-eu zanr maeq-eu tsawrhaq dawqtawv luf-anr kuruiq-awr, Kali aqgeugar daefle-eu la laer narhaq-euq mae.</div><div class="p"> 5Aqyawfmaf heulof-aer aerkhof naeq-euq mae, &#8220;Yurdav mirkhanq, Baeqlaeqhaeq-anr daefle taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heulof-aer boftaq-euq mae:</div><div class="p"> 6 &#8216;Yurdav mirkhanq-anr jav-eu Baeqlaeqhaeq-or! </div><div class="p"> Nawr-aq, Yurdav-euq meuqdeuq-euq lafkhoer nae teqdzaeq-eu meuq maqngeur-a. </div><div class="p"> Aqjeq mirnae aernar-aq, aqkar, ngaq-euq Irsaqleqlav tsawrjeuq tsawrca-anr uvlanr-eu tiq ghaq, </div><div class="p"> Nawq-euq lafkhoer nae dovlar taef-a.&#8217; &#8221; (Mik 5:2)</div><div class="p"> 7Khoerngae, Heqlor, aqcawq-anr maqbi siqni siqzaq ganryo khoerdeuq-anr kur-awr, aqguir khoersiq dovlar-euq aryamq narhaq duq-euq mae. 8Khoernar-aq, aqyawf, aqyawf maf-anr Baeqlaeqhaeq-anr khaerghae-eu naeq-aer aernaeq-eu, &#8220;Nawmaf, zaq heughaq-anr yawmuiq-aer povmawr duq-ir-awq. Povmawr-euq nar-aq, ngar khawf aqyawf-anr uqduq yatanqni, ngaq-anr tsafgaqlar de-eq.&#8221;</div><div class="p"> 9Aqyawfmaf, sanqpaq-euq dawq yagaq-awr dov-ir-euq mae. Nanrma dovkhaeq paw ya&#8217;mawr-euq aqguir khoersiq par dovle-awr, aqyawf maf-euq maeqhuq maeqhuq-aer irghae-awr, zaq khoerghaq jawr-eu gar irkeuv ngae, khoertav naqler taq-euq mae. 10Aqyawfmaf, aqguir khoersiq-anr ya&#8217;mawr ngae, laqkhaqcaer duidui-eu mae. 11Irkanr urler ngae, aqlizaq hawr-eu aqyawf-euq aqma Maqliv-anr ya&#8217;mawr-awr, pawqtsuif pawqdmq dmq-awr, aqlizaq-anr uqduq tanq-euq mae. Khoernar-aq, aqyawfmaf nae yurlaf-euq arpoeq zawr khav-eu lafsawq deuq beuqdov-awr, aqyawf-anr damqnaeq-euq mae. Lafsawq khoerdeuq-aq, shuir, lawrbaoq hawr-eu murlaq mae.</div><div class="p"> 12Yufmav mav-eu lafkhoer, Sanqpaq Miqyaer, aqyawf maf-anr Heqlor jawr-eu gar taq ghofmawrler laer maeqnaeq-euq mirnae, aqyawfmaf yawqpawyawq nae aqyawf maf-euq mirkhanq-anr ghof-ir-euq mae.</div><div class="s1">Irjirtuv-anr Caevjawr-ir-euq</div><div class="p"> 13Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, &#8220;Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.&#8221;</div><div class="p"> 14Khoerngae, Yorsaev tur-awr, uqcif saerghanr ma-aer aqlizaq hawr-eu aqyawf-euq aqma sheuq-awr, Irjirtuv-anr caevjawr-ir-euq mae. 15Heqlor shir ngae keuvni, khoergar jawr-euq mae. Garkawv heu-aq, Sanqpaq Miqyaer nae aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlarni pyeuflar-euq mae,</div><div class="p"> &#8220;Ngar, ngaq-euq zaqyo-anr Irjirtuv-anr nae kurdov laf-euq ma.&#8221; (Hs 11:1)</div><div class="s1">Heqlor, Aqlizaq Deuq-anr Saef-euq</div><div class="p"> 16Khoernar-aq, aqyawf-aq, siqzaq ganryo deuq nae jaqmyawf bimyawf-euq nga laer Heqlor yasiq ngae, nuima paer duidui-eu mae. Aqyawf nae siqzaq ganryo deuq-anr narhaqduq taq-euq aryamq-anr sharsawx-awr, Baeqlaeqhaeq hawr-eu tanqghof tanqjawr-anr kharjawr-eu nyiq khof-euq lafov paw-euq aqli deuq-anr, tsawrhaq khaerghae-awr bi saefjir-euq mae. 17Heu-aq, Miqyaer gharduq ngaeqdan-eu Yeqlaqmir nae aertaq-euq dawq heudawq byanlar-euq mae:</div><div class="p"> 18 &#8220;Laqmar meuq-euq lafkhoer noeqdui noeqduir-awr tsawrngoer ngoer-eu tersar yagaq-euq mae. </div><div class="p"> Khoer-aq, Laqkeqlar, aqyawf-euq zaqdeuq-euq baqda&#8217;nae ngoerluf-eu mae. </div><div class="p"> Aqyawf-euq zaqdeuq maqpar jawr-eu mirnae, aqcawq, aqyawf-anr nuima maqbi sarlar nya-a.&#8221; (Ylm 31:15)</div><div class="s1">Naqzaqlaer-anr Ghofler-euq</div><div class="r"> Lk 2:39-40</div><div class="p"> 19Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae, 20&#8220;Tur-awr, aqlizaq hawr-eu aqyawf-euq aqma sheuq-awr, Irsaqleqlav mirkhanq-anr ghofler-awq. Aqjeq mirnae aernar-aq, aqlizaq-anr saef-eu laer pov-eu ghaq shir-euq mae.&#8221;</div><div class="p"> 21Khoerngae, Yorsaev tur-awr, aqlizaq hawr-eu aqyawf-euq aqma sheuq-awr, Irsaqleqlav mirkhanq-anr ghofler-euq mae. 22Aerkhawf, Aqgeqlar, aqyawf-euq aqda Heqlor-euq dzoeqdzaq za-awr, Yurdav mirkhanq-anr uvlanr luf-eu garkawv Yorsaev yagaq-euq mirnae, khoergar maq ghofler peuq-a. Yufmav mav-eu lafkhoer, Miqyaer, aqyawf-anr par maeqnaeq-awr, Gaqliqlaer mirkhanq-anr jawrler-euq mae. 23Naqzaqlaer laer kur-eu meuq tiq meuq-anr lekeuv-awr, khoergar jawr-euq mae. Khoer-aq, Miqyaer gharduq ngaeqdan-eu tsawrhaq nae aertaq-euq dawq heudawq byanlar-euq mae, &#8220;Aqyawf-anr Naqzaqlaer tsawrhaq laer kur taef-a.&#8221;</div>
 </div>
 </div>
</div>

2018 © Bibles International ® The Bible Society of Baptist Mid-Missions

Sanqpaq Heqlor uvlanrluf ngae, Yeqsur, Yurdav mirkhanq Baeqlaeqhaeq-anr daefle-euq mae. Khoerngae, siqzaq ganryo heumyav ghaq nanrma dovkhaeq paw nae Yeqlursaqlaeq-anr larkeuv-awr narhaq-eu, “Yurdav tsawrhaq-euq Sanqpaq geuf-eu laer daefle-euq ghaq aqgar jawr-eu la? Nga’maf, nanrma dovkhaeq paw aqyawf-euq aqguir-anr ya’mawr-awr, aqyawf-anr uqduq tanq-eu gharduq lar-euq ma.”
Sanqpaq Heqlor yagaq ngae, nuima tiqpawf-iq maqsar-a. Yeqlursaqlaeq-anr jawr-eu tsawrhaq dawqtawvluf khawf nuima maqsar-a. Khoerngae, aqyawf, pirma aqyuif deuq hawr-eu zanr maeq-eu tsawrhaq dawqtawv luf-anr kuruiq-awr, Kali aqgeugar daefle-eu la laer narhaq-euq mae.
Aqyawfmaf heulof-aer aerkhof naeq-euq mae, “Yurdav mirkhanq, Baeqlaeqhaeq-anr daefle taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heulof-aer boftaq-euq mae:
‘Yurdav mirkhanq-anr jav-eu Baeqlaeqhaeq-or!
Nawr-aq, Yurdav-euq meuqdeuq-euq lafkhoer nae teqdzaeq-eu meuq maqngeur-a.
Aqjeq mirnae aernar-aq, aqkar, ngaq-euq Irsaqleqlav tsawrjeuq tsawrca-anr uvlanr-eu tiq ghaq,
Nawq-euq lafkhoer nae dovlar taef-a.’ ”
Khoerngae, Heqlor, aqcawq-anr maqbi siqni siqzaq ganryo khoerdeuq-anr kur-awr, aqguir khoersiq dovlar-euq aryamq narhaq duq-euq mae. Khoernar-aq, aqyawf, aqyawf maf-anr Baeqlaeqhaeq-anr khaerghae-eu naeq-aer aernaeq-eu, “Nawmaf, zaq heughaq-anr yawmuiq-aer povmawr duq-ir-awq. Povmawr-euq nar-aq, ngar khawf aqyawf-anr uqduq yatanqni, ngaq-anr tsafgaqlar de-eq.”
Aqyawfmaf, sanqpaq-euq dawq yagaq-awr dov-ir-euq mae. Nanrma dovkhaeq paw ya’mawr-euq aqguir khoersiq par dovle-awr, aqyawf maf-euq maeqhuq maeqhuq-aer irghae-awr, zaq khoerghaq jawr-eu gar irkeuv ngae, khoertav naqler taq-euq mae. Aqyawfmaf, aqguir khoersiq-anr ya’mawr ngae, laqkhaqcaer duidui-eu mae. Irkanr urler ngae, aqlizaq hawr-eu aqyawf-euq aqma Maqliv-anr ya’mawr-awr, pawqtsuif pawqdmq dmq-awr, aqlizaq-anr uqduq tanq-euq mae. Khoernar-aq, aqyawfmaf nae yurlaf-euq arpoeq zawr khav-eu lafsawq deuq beuqdov-awr, aqyawf-anr damqnaeq-euq mae. Lafsawq khoerdeuq-aq, shuir, lawrbaoq hawr-eu murlaq mae.
Yufmav mav-eu lafkhoer, Sanqpaq Miqyaer, aqyawf maf-anr Heqlor jawr-eu gar taq ghofmawrler laer maeqnaeq-euq mirnae, aqyawfmaf yawqpawyawq nae aqyawf maf-euq mirkhanq-anr ghof-ir-euq mae.

Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”
Khoerngae, Yorsaev tur-awr, uqcif saerghanr ma-aer aqlizaq hawr-eu aqyawf-euq aqma sheuq-awr, Irjirtuv-anr caevjawr-ir-euq mae. Heqlor shir ngae keuvni, khoergar jawr-euq mae. Garkawv heu-aq, Sanqpaq Miqyaer nae aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlarni pyeuflar-euq mae,
“Ngar, ngaq-euq zaqyo-anr Irjirtuv-anr nae kurdov laf-euq ma.”

Khoernar-aq, aqyawf-aq, siqzaq ganryo deuq nae jaqmyawf bimyawf-euq nga laer Heqlor yasiq ngae, nuima paer duidui-eu mae. Aqyawf nae siqzaq ganryo deuq-anr narhaqduq taq-euq aryamq-anr sharsawx-awr, Baeqlaeqhaeq hawr-eu tanqghof tanqjawr-anr kharjawr-eu nyiq khof-euq lafov paw-euq aqli deuq-anr, tsawrhaq khaerghae-awr bi saefjir-euq mae. Heu-aq, Miqyaer gharduq ngaeqdan-eu Yeqlaqmir nae aertaq-euq dawq heudawq byanlar-euq mae:
“Laqmar meuq-euq lafkhoer noeqdui noeqduir-awr tsawrngoer ngoer-eu tersar yagaq-euq mae.
Khoer-aq, Laqkeqlar, aqyawf-euq zaqdeuq-euq baqda’nae ngoerluf-eu mae.
Aqyawf-euq zaqdeuq maqpar jawr-eu mirnae, aqcawq, aqyawf-anr nuima maqbi sarlar nya-a.”


Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae, “Tur-awr, aqlizaq hawr-eu aqyawf-euq aqma sheuq-awr, Irsaqleqlav mirkhanq-anr ghofler-awq. Aqjeq mirnae aernar-aq, aqlizaq-anr saef-eu laer pov-eu ghaq shir-euq mae.”
Khoerngae, Yorsaev tur-awr, aqlizaq hawr-eu aqyawf-euq aqma sheuq-awr, Irsaqleqlav mirkhanq-anr ghofler-euq mae. Aerkhawf, Aqgeqlar, aqyawf-euq aqda Heqlor-euq dzoeqdzaq za-awr, Yurdav mirkhanq-anr uvlanr luf-eu garkawv Yorsaev yagaq-euq mirnae, khoergar maq ghofler peuq-a. Yufmav mav-eu lafkhoer, Miqyaer, aqyawf-anr par maeqnaeq-awr, Gaqliqlaer mirkhanq-anr jawrler-euq mae. Naqzaqlaer laer kur-eu meuq tiq meuq-anr lekeuv-awr, khoergar jawr-euq mae. Khoer-aq, Miqyaer gharduq ngaeqdan-eu tsawrhaq nae aertaq-euq dawq heudawq byanlar-euq mae, “Aqyawf-anr Naqzaqlaer tsawrhaq laer kur taef-a.”

Dengarkan Maqtaeq 2