Kapsiki - 1998 CAM (NT) Drama

<div class="version vid2638 iso6393kvj" data-vid="2638" data-iso6393="kvj">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s1">Tema se berete ta Y&#603;s&#601; wa?</div><div class="r">(MAT 21.23-27; MRK 11.27-33)</div><div class="p"> 1Te kwete veci ne, kateke nda w&#601;shi Y&#603;s&#601; ke mbeli mbe gh&#603;a Shala. Ghena kwatenca nya gany&#603; yazlape &#331;k&#603;. P&#603;kwe mbeli nyi te gh&#601;a ka dzeghe Shala ba'a ka rafe w&#601;s&#601; mahaleg&#601; zla&#595;e le mbelia jama. 2Ma ke h&#603; sh&#603;: &#171;Nc&#603;te n'y&#603;: le berete ta wa mene w&#601;shi nyi na wa? Wa nde ndeke &#331;a hwe&#331;kwa kamene kala nya wa?&#187; 3Ma ke Y&#603;s&#601; sha h&#603;: &#171;'Ya per&#601; ne, 'ya kate'y&#603;we ghena va ghey&#603;. Gezete &#599;a m&#601;: 4wa nde ghweneke Zha&#331;e kamene bat&#603;me wa, Shala na, mbeli na?&#187; 5Ntake h&#603; kazele ghena kezh&#603;ne kwel&#603; gh&#601;a nci, ma ke h&#603;: &#171;Ma kezh&#603;nete m&#601;: Shala nde ghweneke, ke ghe&#595;&#601;m&#601; ne, ma ke sha tezh&#603;ne &#595;&#601;m&#601;: Va wa &#599;ema y&#603; key&#603;te ghena ta Zha&#331;e tsagha wa? 6Ama kegeze m&#601;: Mbeli nde ghweneke, ke ghe&#595;&#601;m&#601; ne, kate&#331;kwape &#595;&#601;m&#601; mbeli p&#603;t&#603; le pel&#603;, kwa nza &#331;k&#603; nahe mbeli p&#603;t&#603; ke&#599;epe Zha&#331;e kande m&#603; &#331;kwa.&#187; 7Tagha g&#603;, ma ke h&#603; sha Y&#603;s&#601;: &#171;Ke&#599;epe n'y&#603; we.&#187; 8Ma ke Y&#603;s&#601; sha h&#603;: &#171;Ma 'ya per&#601; ne, kageze &#331;ay&#603; 'ya le nyama nyama berete mene w&#601;shia sh&#603;h&#603; 'ya we.&#187;</div><div class="s1">Ka mene slene nyi 'yaghwa 'yaghwa mehele</div><div class="r">(MAT 21.33-46; MRK 12.1-12)</div><div class="p"> 9Ma ke Y&#603;s&#601; sha mbeli le ghena keyip&#601; pa: &#171;Pa kwete w&#601;nd&#601; m&#595;ete y&#603; r&#603;z&#603;&#331;e, pa dapate nda te dzeve ke ka mene slene. Cape &#331;k&#603; kadzehwa mte kah&#603; kwele kwele. 10Ma kwa nakanji w&#601;shia sh&#603;h&#603;, pa ghweneghe nda mava ta &#331;k&#603; ke ka mene slene mbe w&#601;vea r&#603;z&#603;&#331;e, kezha ve nda zhike &#331;a &#331;k&#603; bela h&#603; kase. Pa ka mene slene &#599;ate w&#601;nd&#601;a sh&#603;, pa h&#603; &#331;kamte &#331;k&#603; pala pala. 11Pa w&#601;nd&#601; ke ntsa sh&#603; ghweneghe kwete w&#601;nd&#601;a &#331;k&#603; &#595;iyitsa, pa h&#603; &#599;ate &#331;k&#603; zh&#603;kwa, pa h&#603; &#331;elete &#331;k&#603; kwele kwele ba'a &#331;kamte &#331;k&#603; pala pala zh&#603;kwa. 12Pa w&#601;nd&#601;a sh&#603; ghweneghe nda nde maheke ta w&#601;nd&#601; &#595;iyitsa ke h&#603;, pa h&#603; &#599;amte &#331;k&#603; le zhi ba'a negheyi &#331;k&#603; pel&#603;ke te &#331;wela. 13Ma ke w&#601;nd&#601; ke w&#601;vea sh&#603; mbe gh&#601;a &#331;k&#603;: Tsema temene 'ya tse wa? 'Ya kateghwene nda w&#601;zege ta &#599;a ke h&#603;, w&#601;zege ta &#599;a nya &#599;e 'ya kwele kwele. Gh&#601;p&#601; yite we, katehawe h&#603; ve. 14Ama kwa nak&#603; w&#601;zegea sh&#603; ka mene slene, ma ke h&#603; kwel&#603; gh&#601;a nci: Yawa, wa nya nde zeme gh&#603; nya te kwete v&#601; g&#603;! Peslek&#603; &#595;&#601;m&#601; &#331;k&#603;, ka&#331;a &#595;&#601;m&#601; tenza w&#601;ve. 15Pa h&#603; kelemte &#331;k&#603; shave mbe w&#601;ve ba'a peslek&#603; &#331;k&#603; hwa gamba. Tsema temene nda w&#601;nd&#601; ke w&#601;ve ke ka mene slene nyi wa? 16Katese &#331;k&#603; kamp&#601; mbeli nyigh&#603; ba'a katedape nda w&#601;vea sh&#603; te dzeve ke kweci mbeli.&#187; Kwa fave ghena sh&#603; mbeli nyi yitea Y&#603;s&#601;, ma ke h&#603;: &#171;Katemene geva &#331;k&#603; tsetse we.&#187; 17Newe ke Y&#603;s&#601; sha h&#603;, ma ke: &#171;Wa ya&#599;e ghena nya kerafete geva mbe Ghena ta Shala kageze wa? Ma ke:</div><div class="q">Ma pel&#603; nya neghamte mbeli nyi ke&#331;a &#331;kwa ne,</div><div class="q">ghe&#331;k&#603; nde zh&#603;reny&#603; kapel&#603;a megwekwe.</div><div class="m"> 18Ma yayata w&#601;nd&#601; nya ketete&#599;e te pel&#603;a sh&#603; ne, katehw&#601;shimte geva &#331;k&#603;. Ma nda pel&#603;a sh&#603; nde te&#599;e te w&#601;nd&#601; ne, kateh&#601; &#331;k&#603; &#331;k&#603;.&#187;</div><div class="s1">&#330;ki ta ja&#595;eregwale ke &#331;gwamna</div><div class="r">(MAT 22.15-22; MRK 12.13-17)</div><div class="p"> 19Ka&#599;e mbeli nyi te gh&#601;a ka dzeghe Shala ba'a ka rafe w&#601;s&#601; mahaleg&#601; kakese Y&#603;s&#601; te &#331;kwa sh&#603;ny&#603;. Kwa nza &#331;k&#603; nahe h&#603; ke&#599;epe te gh&#601;a nci gezete ghena keyip&#601; pa sh&#603; &#331;k&#603;. Ama kazh&#603; nda ghazl&#601;n&#601; ke h&#603; va mbeli. 20Pa h&#603; hendemte geva cake&#599;ake &#595;&#603;hw&#603;, mba h&#603; kaya Y&#603;s&#601;. Pa h&#603; ghweneghe nda mbeli kezha fa ntsehwelea &#331;k&#603;, nyi kezh&#603;rete gh&#601;a nci kala mbeli nyi kehawe ve. Ka&#599;e h&#603; ka&#331;a nda kele&#331;a ke Y&#603;s&#601; laka 'y&#603;we ghena. Tsagha ne, katekese nda h&#603; ke &#331;gwamna nya nza berete ve yitea meha ghw&#601; te. 21Ma ke h&#603; sha Y&#603;s&#601;: &#171;Nde sleke n'y&#603;, nahe n'y&#603; ke&#599;epe ghena nya kaganda yageze na, ti&#599;i&#599;i teke nda w&#601;s&#601; na ke mbeli per&#601;. Katsak&#603; &#331;a ghena ta kwele nya geze mbeli we. Ama kaganda ta w&#601;s&#601; nya &#599;e Shala kanza w&#601;nd&#601; le, yateke nda na ke mbeli. 22Gezete n'y&#603;, nahe w&#601;s&#601; mahaleg&#601;a &#595;&#601;m&#601; kendeke &#595;&#601;m&#601; hwe&#331;kwa ka&#331;ki nda ja&#595;eregwale ke S&#603;zar na?&#187; 23Nahe Y&#603;s&#601; ke&#599;epe kele&#331;a ya&#331;a nda h&#603;. Ma ke sha h&#603;: 24&#171;Nc&#603;te &#599;a m&#601; c&#603;d&#603;a sh&#603;. &#330;a wa pa ta kema ba'a sl&#601; nya te wa?&#187; Ma ke h&#603; sh&#603;: &#171;&#330;a S&#603;zar.&#187; 25Tagha g&#603;, ma ke Y&#603;s&#601; sha h&#603;: &#171;Yawa, zh&#603;nave nda m&#601; w&#601;s&#601; nya kenza ka&#331;a &#331;k&#603; ke S&#603;zar, zh&#603;nave nda m&#601; w&#601;s&#601; nya kenza ka&#331;a &#331;k&#603; ke Shala.&#187; 26Kash&#603; h&#603; ve nda fete ke Y&#603;s&#601;, va nya gezete ghena sh&#603; &#331;k&#603; hwa mbeli we. Hehake h&#603; va ghena ta &#331;k&#603;, tik&#601; tik&#601; h&#603; nzanji.</div><div class="s1">'Y&#603;we te same ta mbeli kwa kwele</div><div class="r">(MAT 22.23-33; MRK 12.18-27)</div><div class="p"> 27Pa kweci hwa ka Sad&#601;s&#603;y&#603;n se sha Y&#603;s&#601;. Ghenci kageze ka&#599;ema mbeli kasame kwa kwele le mpi. Ma ke h&#603; 'y&#603;wete ghena ve: 28&#171;Nde sleke n'y&#603;, ma ke Moyize rafete n'y&#603;: Ma kemteny&#603; w&#601;nd&#601; ka&#599;ema &#331;k&#603; keyake w&#601;zege sawa hwa male ta &#331;k&#603; ne, hwe&#331;kwa ya va w&#601;za meghek&#603; kakele malea sh&#603; yitea yake hwelefe &#331;k&#603; sawa hwe. 29Kweci mbeli ya sh&#603; hwa ghen'y&#603; mberefa&#331;e ka&#331;walea male. W&#601;makwe Tezh&#603;a meghey&#603;a nci sha male, mtiw&#601; &#331;k&#603; ka&#599;ema keyake w&#601;zege hwe. 30Pa nde bake w&#601;meve malea sh&#603;. 31Tsagha nde maheke, tsagha h&#603; mberefa&#331;e nci. P&#603;t&#603; h&#603; kemp&#601;nji ka&#599;ema keyake &#331;wale. 32Mtiw&#601; malea sh&#603; kwa sebe ta nci per&#601;. 33Yawa, ma te veci nya tesame mbeli p&#603;t&#603; kwa kwele le mpi ne, &#331;a wa tenza malea sh&#603; hwa mbeli nyi mberefa&#331;e nyi wa? Kwa nza &#331;k&#603; nahe nde kese yitea h&#603; p&#603;t&#603; g&#603;!&#187;</div><div class="p"> 34Ma ke Y&#603;s&#601; sha h&#603;: &#171;Ma zhili ba'a mi nyi te h&#603;&#599;i nya ne, kaw&#601;me geva h&#603;. 35Ama mbeli nyi kehi kasame kwa kwele le mpa ba'a nyi kehi kanza mbe nza nya mbe kema ne, kaw&#601;me geva h&#603; we. 36Kwa nza &#331;k&#603; katezh&#603;ne h&#603; kamp&#601; we, yip&#601; yip&#601; nza h&#603; le ka ghwene ta Shala. Nahe h&#603; kenza ka&#331;walea Shala, kwa nza &#331;k&#603; nahe h&#603; kesame kwa kwele le mpi. 37Nahe Moyize le gh&#601;a &#331;k&#603; kegezete katesame mbelia kwah&#603;&#599;i kwa kwele le mpi. Tsagha gezete &#331;k&#603; mbe ghena ta tig&#601; nya tse ghw&#601; hwe, v&#601;a &#331;kwa nya hekate Mahw&#601;t&#601; &#331;k&#603; kaShala ta Abraham, kaShala ta Izak ba'a kaShala ta Zhakob. 38Kenza Shala kaShala ta ka mp&#601; mp&#601; we, ama nahe &#331;k&#603; kenza kaShala ta mbeli nyi teghweme, va nya nza &#331;k&#603; ka&#331;a &#331;k&#603; nza mbeli p&#603;t&#603;.&#187; 39Ma ke kweci ka rafe w&#601;s&#601; mahaleg&#601; sha Y&#603;s&#601;: &#171;Megela gezete ghena na, Nde sleke n'y&#603;.&#187; 40Kwa nza &#331;k&#603; ka&#599;e h&#603; kazh&#603;ne ka'y&#603;we ghena ve we.</div><div class="s1">Y&#603; M&#603;si le David</div><div class="r">(MAT 22.41-46; MRK 12.35-37)</div><div class="p"> 41Ma ke Y&#603;s&#601; sha h&#603; zh&#603;kwa: &#171;Tsema geze mbeli kahwelefe ta David M&#603;si wa? 42Kwa nza &#331;k&#603; ma ke David gezete le gh&#601;a &#331;k&#603; te palepa ta Cim&#601;:</div><div class="q">Ma ke Nde sleke &#331;kwa sha Nde sleke &#599;a:</div><div class="q">Ntish&#603; &#331;a te kwa zeme ta &#599;a,</div><div class="q"> 43nda &#331;keyi ka jaga ta &#331;a 'ya mbe hw&#601;a se&#599;a ta &#331;a.</div><div class="m"> 44Ma kenza nde Nde sleke &#599;a heka M&#603;si David ne, tsema nza &#331;k&#603; kaw&#601;zege ta David tsagha wa?&#187;</div><div class="s1">Ya gh&#601; va ka rafe w&#601;s&#601; mahaleg&#601;</div><div class="r">(MAT 23.1-36; MRK 12.38-40)</div><div class="p"> 45Ma kwa nza mbeli kafa ghena ta Y&#603;s&#601;, ma ke sha mbeli nyi ket&#601;kw&#601; t&#601;kw&#601;: 46&#171;Ya m&#601; gh&#601;a &#331;ay&#603; va ka rafe w&#601;s&#601; mahaleg&#601;. Mbe gare &#599;e h&#603; kadzeghwa, le hawe &#599;e h&#603; kanji&#331;we h&#603; mbeli te shikw&#601;, w&#601;shi kentish&#603; nyi te kema yaw&#601;d&#601; h&#603; mbe c&#603; kes&#601;kw&#601; gh&#601;. Tsagha hwa y&#603; veghe per&#601;.&#187; 47P&#603;t&#603; h&#603; f&#601;hwe w&#601;shia ka wedidi. &#385;iyitsa ne, kwele kwele tem&#601; h&#603; te s&#601;kw&#601; gh&#601; kezha newe h&#603; mbeli kambeli ganji. Kwele ma tenza &#599;a te h&#603;.</div>
 </div>
 </div>
</div>

La Bible en langue Kapsiki avec les livres deutérocanoniques © Alliance Biblique du Cameroun 2012. 

Te kwete veci ne, kateke nda wəshi Yɛsə ke mbeli mbe ghɛa Shala. Ghena kwatenca nya ganyɛ yazlape ŋkɛ. Pɛkwe mbeli nyi te ghəa ka dzeghe Shala ba'a ka rafe wəsə mahalegə zlaɓe le mbelia jama. Ma ke hɛ shɛ: «Ncɛte n'yɛ: le berete ta wa mene wəshi nyi na wa? Wa nde ndeke ŋa hweŋkwa kamene kala nya wa?» Ma ke Yɛsə sha hɛ: «'Ya perə ne, 'ya kate'yɛwe ghena va gheyɛ. Gezete ɗa mə: wa nde ghweneke Zhaŋe kamene batɛme wa, Shala na, mbeli na?» Ntake hɛ kazele ghena kezhɛne kwelɛ ghəa nci, ma ke hɛ: «Ma kezhɛnete mə: Shala nde ghweneke, ke gheɓəmə ne, ma ke sha tezhɛne ɓəmə: Va wa ɗema yɛ keyɛte ghena ta Zhaŋe tsagha wa? Ama kegeze mə: Mbeli nde ghweneke, ke gheɓəmə ne, kateŋkwape ɓəmə mbeli pɛtɛ le pelɛ, kwa nza ŋkɛ nahe mbeli pɛtɛ keɗepe Zhaŋe kande mɛ ŋkwa.» Tagha gɛ, ma ke hɛ sha Yɛsə: «Keɗepe n'yɛ we.» Ma ke Yɛsə sha hɛ: «Ma 'ya perə ne, kageze ŋayɛ 'ya le nyama nyama berete mene wəshia shɛhɛ 'ya we.»


Ma ke Yɛsə sha mbeli le ghena keyipə pa: «Pa kwete wəndə mɓete yɛ rɛzɛŋe, pa dapate nda te dzeve ke ka mene slene. Cape ŋkɛ kadzehwa mte kahɛ kwele kwele. Ma kwa nakanji wəshia shɛhɛ, pa ghweneghe nda mava ta ŋkɛ ke ka mene slene mbe wəvea rɛzɛŋe, kezha ve nda zhike ŋa ŋkɛ bela hɛ kase. Pa ka mene slene ɗate wəndəa shɛ, pa hɛ ŋkamte ŋkɛ pala pala. Pa wəndə ke ntsa shɛ ghweneghe kwete wəndəa ŋkɛ ɓiyitsa, pa hɛ ɗate ŋkɛ zhɛkwa, pa hɛ ŋelete ŋkɛ kwele kwele ba'a ŋkamte ŋkɛ pala pala zhɛkwa. Pa wəndəa shɛ ghweneghe nda nde maheke ta wəndə ɓiyitsa ke hɛ, pa hɛ ɗamte ŋkɛ le zhi ba'a negheyi ŋkɛ pelɛke te ŋwela. Ma ke wəndə ke wəvea shɛ mbe ghəa ŋkɛ: Tsema temene 'ya tse wa? 'Ya kateghwene nda wəzege ta ɗa ke hɛ, wəzege ta ɗa nya ɗe 'ya kwele kwele. Ghəpə yite we, katehawe hɛ ve. Ama kwa nakɛ wəzegea shɛ ka mene slene, ma ke hɛ kwelɛ ghəa nci: Yawa, wa nya nde zeme ghɛ nya te kwete və gɛ! Peslekɛ ɓəmə ŋkɛ, kaŋa ɓəmə tenza wəve. Pa hɛ kelemte ŋkɛ shave mbe wəve ba'a peslekɛ ŋkɛ hwa gamba. Tsema temene nda wəndə ke wəve ke ka mene slene nyi wa? Katese ŋkɛ kampə mbeli nyighɛ ba'a katedape nda wəvea shɛ te dzeve ke kweci mbeli.» Kwa fave ghena shɛ mbeli nyi yitea Yɛsə, ma ke hɛ: «Katemene geva ŋkɛ tsetse we.» Newe ke Yɛsə sha hɛ, ma ke: «Wa yaɗe ghena nya kerafete geva mbe Ghena ta Shala kageze wa? Ma ke:
Ma pelɛ nya neghamte mbeli nyi keŋa ŋkwa ne,
gheŋkɛ nde zhɛrenyɛ kapelɛa megwekwe.
Ma yayata wəndə nya keteteɗe te pelɛa shɛ ne, katehwəshimte geva ŋkɛ. Ma nda pelɛa shɛ nde teɗe te wəndə ne, katehə ŋkɛ ŋkɛ.»


Kaɗe mbeli nyi te ghəa ka dzeghe Shala ba'a ka rafe wəsə mahalegə kakese Yɛsə te ŋkwa shɛnyɛ. Kwa nza ŋkɛ nahe hɛ keɗepe te ghəa nci gezete ghena keyipə pa shɛ ŋkɛ. Ama kazhɛ nda ghazlənə ke hɛ va mbeli. Pa hɛ hendemte geva cakeɗake ɓɛhwɛ, mba hɛ kaya Yɛsə. Pa hɛ ghweneghe nda mbeli kezha fa ntsehwelea ŋkɛ, nyi kezhɛrete ghəa nci kala mbeli nyi kehawe ve. Kaɗe hɛ kaŋa nda keleŋa ke Yɛsə laka 'yɛwe ghena. Tsagha ne, katekese nda hɛ ke ŋgwamna nya nza berete ve yitea meha ghwə te. Ma ke hɛ sha Yɛsə: «Nde sleke n'yɛ, nahe n'yɛ keɗepe ghena nya kaganda yageze na, tiɗiɗi teke nda wəsə na ke mbeli perə. Katsakɛ ŋa ghena ta kwele nya geze mbeli we. Ama kaganda ta wəsə nya ɗe Shala kanza wəndə le, yateke nda na ke mbeli. Gezete n'yɛ, nahe wəsə mahalegəa ɓəmə kendeke ɓəmə hweŋkwa kaŋki nda jaɓeregwale ke Sɛzar na?» Nahe Yɛsə keɗepe keleŋa yaŋa nda hɛ. Ma ke sha hɛ: «Ncɛte ɗa mə cɛdɛa shɛ. Ŋa wa pa ta kema ba'a slə nya te wa?» Ma ke hɛ shɛ: «Ŋa Sɛzar.» Tagha gɛ, ma ke Yɛsə sha hɛ: «Yawa, zhɛnave nda mə wəsə nya kenza kaŋa ŋkɛ ke Sɛzar, zhɛnave nda mə wəsə nya kenza kaŋa ŋkɛ ke Shala.» Kashɛ hɛ ve nda fete ke Yɛsə, va nya gezete ghena shɛ ŋkɛ hwa mbeli we. Hehake hɛ va ghena ta ŋkɛ, tikə tikə hɛ nzanji.


Pa kweci hwa ka Sadəsɛyɛn se sha Yɛsə. Ghenci kageze kaɗema mbeli kasame kwa kwele le mpi. Ma ke hɛ 'yɛwete ghena ve: «Nde sleke n'yɛ, ma ke Moyize rafete n'yɛ: Ma kemtenyɛ wəndə kaɗema ŋkɛ keyake wəzege sawa hwa male ta ŋkɛ ne, hweŋkwa ya va wəza meghekɛ kakele malea shɛ yitea yake hwelefe ŋkɛ sawa hwe. Kweci mbeli ya shɛ hwa ghen'yɛ mberefaŋe kaŋwalea male. Wəmakwe Tezhɛa megheyɛa nci sha male, mtiwə ŋkɛ kaɗema keyake wəzege hwe. Pa nde bake wəmeve malea shɛ. Tsagha nde maheke, tsagha hɛ mberefaŋe nci. Pɛtɛ hɛ kempənji kaɗema keyake ŋwale. Mtiwə malea shɛ kwa sebe ta nci perə. Yawa, ma te veci nya tesame mbeli pɛtɛ kwa kwele le mpi ne, ŋa wa tenza malea shɛ hwa mbeli nyi mberefaŋe nyi wa? Kwa nza ŋkɛ nahe nde kese yitea hɛ pɛtɛ gɛ!»
Ma ke Yɛsə sha hɛ: «Ma zhili ba'a mi nyi te hɛɗi nya ne, kawəme geva hɛ. Ama mbeli nyi kehi kasame kwa kwele le mpa ba'a nyi kehi kanza mbe nza nya mbe kema ne, kawəme geva hɛ we. Kwa nza ŋkɛ katezhɛne hɛ kampə we, yipə yipə nza hɛ le ka ghwene ta Shala. Nahe hɛ kenza kaŋwalea Shala, kwa nza ŋkɛ nahe hɛ kesame kwa kwele le mpi. Nahe Moyize le ghəa ŋkɛ kegezete katesame mbelia kwahɛɗi kwa kwele le mpi. Tsagha gezete ŋkɛ mbe ghena ta tigə nya tse ghwə hwe, vəa ŋkwa nya hekate Mahwətə ŋkɛ kaShala ta Abraham, kaShala ta Izak ba'a kaShala ta Zhakob. Kenza Shala kaShala ta ka mpə mpə we, ama nahe ŋkɛ kenza kaShala ta mbeli nyi teghweme, va nya nza ŋkɛ kaŋa ŋkɛ nza mbeli pɛtɛ.» Ma ke kweci ka rafe wəsə mahalegə sha Yɛsə: «Megela gezete ghena na, Nde sleke n'yɛ.» Kwa nza ŋkɛ kaɗe hɛ kazhɛne ka'yɛwe ghena ve we.


Ma ke Yɛsə sha hɛ zhɛkwa: «Tsema geze mbeli kahwelefe ta David Mɛsi wa? Kwa nza ŋkɛ ma ke David gezete le ghəa ŋkɛ te palepa ta Cimə:
Ma ke Nde sleke ŋkwa sha Nde sleke ɗa:
Ntishɛ ŋa te kwa zeme ta ɗa,
nda ŋkeyi ka jaga ta ŋa 'ya mbe hwəa seɗa ta ŋa.
Ma kenza nde Nde sleke ɗa heka Mɛsi David ne, tsema nza ŋkɛ kawəzege ta David tsagha wa?»


Ma kwa nza mbeli kafa ghena ta Yɛsə, ma ke sha mbeli nyi ketəkwə təkwə: «Ya mə ghəa ŋayɛ va ka rafe wəsə mahalegə. Mbe gare ɗe hɛ kadzeghwa, le hawe ɗe hɛ kanjiŋwe hɛ mbeli te shikwə, wəshi kentishɛ nyi te kema yawədə hɛ mbe cɛ kesəkwə ghə. Tsagha hwa yɛ veghe perə.» Pɛtɛ hɛ fəhwe wəshia ka wedidi. Ɓiyitsa ne, kwele kwele temə hɛ te səkwə ghə kezha newe hɛ mbeli kambeli ganji. Kwele ma tenza ɗa te hɛ.

Dengarkan Ləwke 20