<div class="version vid356 iso6393mhx" data-vid="356" data-iso6393="mhx">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Airu: mug: kin myid kin gye, geim" re bin sho' phan" ra". 2Nhad' ba ein: ba re Mao"So wa yao: kad' lo: ra" mau" zo" re pin" pye' mung: mau" zaui" rure thang: ra". 3Yao: wa ai: nhad' ba: ba re shaman" byid: mung:- gakai: lai: ra" ba na khyo" gatau saboe": to" ra". Pe"mung:ga"re ai: ba na mae yao" nho: phan" ra" mau" zo" re pin" pye' mung:- mau" zaui" rure thang: ra". 4Amung: Mao"So wa mug:kin myid kin re aru: phan" to" ra".</div><div class="s1">Edin Khyae</div><div class="p"> 5 Asang Mao"So wa mug:kin myid kin re phan" ra" au:- Myid gaung dao mae pe" gae re: majo, pe" ja" myug: shi: re: mayaug ngad: ra". Pe"mung:ga"re yao: wa mug: maqu nhao shingad: ra". Yo kad' zo: mo, re: khag' mana shiko" ngad: ra". 6Ngadqere: akhug mae" qid wa do, li" mung: myid gaung re tag' byid' ra".</div><div class="p"> 7Ai: thao re Asang Mao"So wa myid gaung mae" myid zhai: dajhid' re yu: yu mung: aire yauggai akhyao alho kad' ra". Yao: wa aiyaug: nho: khug khyo so' mad: zaui byid: mung: ai: yauggai wa kao so' daui: li" ra".</div><div class="p"> 8Ailao" Asang Mao"So wa ba thug' shad' Edin mae khyae dakhyae qho" to" ra". Yao: kad' to" ra" yauggai re ai: khyae khug mae nha: to" ra". 9Yao: wa ai: khyae mae yaung" ra" sag' gae ja: cao jab re yaug nhao mung: gai: ra" shi: zaui: nhao: ra". Khyae agaung: mae kao so' byid' ra" sag' gae we' gai: ru we' magai: rure ba nhao: ra" laba lajhao re byid' ra" sag' gae yaug: jo; ra".</div><div class="p"> 10Edin mae qid gyaung: dagyaung: yug mung: ai: khyae re tag' byid' ra". Edin mae" yug: lai: lo" lao" qid gyaung: mo" byid gyaung: ko' lo" ako". 11Sao qhid' mae" gyaung: mo" wa Pishon ngad mung: Havila mung" re yug: lhang" lo" ra". 12(Ai: mung" mae qhang gyang" bo mung: gyai myaung: ra" sheim nae pyo: xau we' phug' de; ra" laug sin" jham re: thug' ra".) 13Shid' gyaung: ein: gyaung: wa Gihun gyaung: ngad mung: Kusha mung" re yug: lhang" lo" ra". 14Sam gyaung: ein: gyaung: wa Tigri gyaung: ngad mung: Asuri mung" ba thug' shad' khyo yug: gyo" lo" ra". Byid gyaung: ein: gyaung: wa Uphrad gyaung: ngad: ra".</div><div class="p"> 15Ai: thao re Asang Mao"So wa ai: byu yauggai re khyae re qhovo: qho: yang: caung nae" qhid' mae" Edin khyae mae nha: to" ra". 16-17Asang Mao"So wa yao: re nao wa ai: gai: ru we' magai: rure ba: kho' ra" laba lajhao pha,jhi" re byid' ra" agae mae" lai yang:- ai: khyae khug mae" shi: gae mae" shi: re gai: zo" ra". Laba lajhao byid' ra" agae mae" ashi: re magai: zo: nae"- nao aire zo" re wa zo" ra" ba na mae yao: nao shid: li" nae"- ga: ta" ra".</div><div class="p"> 18Ai: thao Asang Mao"So wa byu yauggai wa yao: dayaug za: na: re magai ngad: ra". Ngo wa yao: re bao" thaug' byid: nae" qhid' mae" dau ga" ra" byin zam" cao: dayaug kad' byid: nae"- ga: ta" ra". 19Airumung: yao: wa myid gaung mae" myid zhai: dajhid' re yu: yu mung: gug'nyhug' jham we' ngho' jham alhab' re akhyao kad' ra". Ai: thao re yao: wa qu" yang: khoru: mhang" byid: nae" qhid' mae" aijham re byu yauggai jhao" jhui" lo byid' ra". Ceru wa yao: bam alhab' khoru: mang qo" loko" ra" khyo ngad: ra". 20Ailao" byu yauggai wa ngho' alhab' re we' gug'nyhug' alhab' re mang mhang" byid' ra". Ngadqere: aijham mae" daja: re: yao: re bao" thaug' byid: nae" dau ga" ra" byin zam" cao: mabo ko" ngad: ra".</div><div class="p"> 21Ailao" Asang Mao"So wa ai: byu yauggai re yab mo" myid' sho' yab nhao mung: yao: yab: myhid' jo; au: re yao: wa ai: byu yauggai: nho: nae cae: dakhe' re phoe' yu mung: sho" yang pyid' pye' ra". 22Yao: wa ai: nae cae: re myiqe: akhyao kad' mung: ai: yauggai jhao" jhui" lo byid' ra". 23Ailao" ai: yauggai wa ceyaug wa ngoyao" ja: yao: ngad va".</div><div class="q">Nga" shoqug: mae" shoqug: nga" sho: mae" sho: ngad: ra".</div><div class="q">Pe"mung:ga"re yao: wa yauggai mae" phoe' yu: ra" yaug ngad yang: yao" mang wa Myiqe: ngad: ra"- ga: ta" ra".</div><div class="m"> 24Ce: mathao mae yauggai wa yao: pho" yao: myhi" re to: co' mung: yao" yham sang myhi" we' dagaung dasho: za: doe, mung: yao: shid' tao wa dayaug za: boe" lo: ako".</div><div class="p"> 25Yauggai we' myiqe: shid' tao wa gaung pyad' ngad: ako". Ngadqere: yao: shid' tao wa maqho' ngad: ako".</div>
 </div>
 </div>
</div>

Airu: mug: kin myid kin gye, geim" re bin sho' phan" ra". Nhad' ba ein: ba re Mao"So wa yao: kad' lo: ra" mau" zo" re pin" pye' mung: mau" zaui" rure thang: ra". Yao: wa ai: nhad' ba: ba re shaman" byid: mung:- gakai: lai: ra" ba na khyo" gatau saboe": to" ra". Pe"mung:ga"re ai: ba na mae yao" nho: phan" ra" mau" zo" re pin" pye' mung:- mau" zaui" rure thang: ra". Amung: Mao"So wa mug:kin myid kin re aru: phan" to" ra".

ASANG Mao"So wa mug:kin myid kin re phan" ra" au:- Myid gaung dao mae pe" gae re: majo, pe" ja" myug: shi: re: mayaug ngad: ra". Pe"mung:ga"re yao: wa mug: maqu nhao shingad: ra". Yo kad' zo: mo, re: khag' mana shiko" ngad: ra". Ngadqere: akhug mae" qid wa do, li" mung: myid gaung re tag' byid' ra".
Ai: thao re ASANG Mao"So wa myid gaung mae" myid zhai: dajhid' re yu: yu mung: aire yauggai akhyao alho kad' ra". Yao: wa aiyaug: nho: khug khyo so' mad: zaui byid: mung: ai: yauggai wa kao so' daui: li" ra".
Ailao" ASANG Mao"So wa ba thug' shad' Edin mae khyae dakhyae qho" to" ra". Yao: kad' to" ra" yauggai re ai: khyae khug mae nha: to" ra". Yao: wa ai: khyae mae yaung" ra" sag' gae ja: cao jab re yaug nhao mung: gai: ra" shi: zaui: nhao: ra". Khyae agaung: mae kao so' byid' ra" sag' gae we' gai: ru we' magai: rure ba nhao: ra" laba lajhao re byid' ra" sag' gae yaug: jo; ra".
Edin mae qid gyaung: dagyaung: yug mung: ai: khyae re tag' byid' ra". Edin mae" yug: lai: lo" lao" qid gyaung: mo" byid gyaung: ko' lo" ako". Sao qhid' mae" gyaung: mo" wa Pishon ngad mung: Havila mung" re yug: lhang" lo" ra". (Ai: mung" mae qhang gyang" bo mung: gyai myaung: ra" sheim nae pyo: xau we' phug' de; ra" laug sin" jham re: thug' ra".) Shid' gyaung: ein: gyaung: wa Gihun gyaung: ngad mung: Kusha mung" re yug: lhang" lo" ra". Sam gyaung: ein: gyaung: wa Tigri gyaung: ngad mung: Asuri mung" ba thug' shad' khyo yug: gyo" lo" ra". Byid gyaung: ein: gyaung: wa Uphrad gyaung: ngad: ra".
Ai: thao re ASANG Mao"So wa ai: byu yauggai re khyae re qhovo: qho: yang: caung nae" qhid' mae" Edin khyae mae nha: to" ra". ASANG Mao"So wa yao: re nao wa ai: gai: ru we' magai: rure ba: kho' ra" laba lajhao pha,jhi" re byid' ra" agae mae" lai yang:- ai: khyae khug mae" shi: gae mae" shi: re gai: zo" ra". Laba lajhao byid' ra" agae mae" ashi: re magai: zo: nae"- nao aire zo" re wa zo" ra" ba na mae yao: nao shid: li" nae"- ga: ta" ra".
Ai: thao ASANG Mao"So wa byu yauggai wa yao: dayaug za: na: re magai ngad: ra". Ngo wa yao: re bao" thaug' byid: nae" qhid' mae" dau ga" ra" byin zam" cao: dayaug kad' byid: nae"- ga: ta" ra". Airumung: yao: wa myid gaung mae" myid zhai: dajhid' re yu: yu mung: gug'nyhug' jham we' ngho' jham alhab' re akhyao kad' ra". Ai: thao re yao: wa qu" yang: khoru: mhang" byid: nae" qhid' mae" aijham re byu yauggai jhao" jhui" lo byid' ra". Ceru wa yao: bam alhab' khoru: mang qo" loko" ra" khyo ngad: ra". Ailao" byu yauggai wa ngho' alhab' re we' gug'nyhug' alhab' re mang mhang" byid' ra". Ngadqere: aijham mae" daja: re: yao: re bao" thaug' byid: nae" dau ga" ra" byin zam" cao: mabo ko" ngad: ra".
Ailao" ASANG Mao"So wa ai: byu yauggai re yab mo" myid' sho' yab nhao mung: yao: yab: myhid' jo; au: re yao: wa ai: byu yauggai: nho: nae cae: dakhe' re phoe' yu mung: sho" yang pyid' pye' ra". Yao: wa ai: nae cae: re myiqe: akhyao kad' mung: ai: yauggai jhao" jhui" lo byid' ra". Ailao" ai: yauggai wa ceyaug wa ngoyao" ja: yao: ngad va".
Nga" shoqug: mae" shoqug: nga" sho: mae" sho: ngad: ra".
Pe"mung:ga"re yao: wa yauggai mae" phoe' yu: ra" yaug ngad yang: yao" mang wa Myiqe: ngad: ra"- ga: ta" ra".
Ce: mathao mae yauggai wa yao: pho" yao: myhi" re to: co' mung: yao" yham sang myhi" we' dagaung dasho: za: doe, mung: yao: shid' tao wa dayaug za: boe" lo: ako".
Yauggai we' myiqe: shid' tao wa gaung pyad' ngad: ako". Ngadqere: yao: shid' tao wa maqho' ngad: ako".

Dengarkan APAN AQAO: 2