Ayat-ayat Alkitab Ternama dari THRÜNTAN 17

Berbagi

Küyimki Abram kam 99 azorü lakheanü, ATUNGPUH api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

Kheaküa nü mung Abram de müji, tüshe nü mung ju Abraham labah; tümüde inü nü trükshih ahihdo abuh kamshihdo.

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

“I thsungkheaknü a, ha nü kheak I tangzüng ah, tüsho nü trükshih ahihdo abuh thsübah.

Thrünpuhnü tha: “Yung, nü niube Saranü nü kilim tsührü khülang zübejihbah, tüsho nünü amung Isak de ajibah; inü api tüsho api dunglim anihbuh tsühsoniusobo kheak akheam müla tangzüng zobah.

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

Abrahamnü amiro mükhümbah müne, tüsho api mulong chingnü tha, “Mihtsürü khülang kam 100 azorü ki tsührü zübeba de? Tüsho kam 90 azorü kamkhi Saranü khungarü hanba shi?”

Judüki Thrünpuhnü Abraham ki tha, “Nü niube Sarai thsungkheaknü, nünü anihbe mung Sarai de müji, tüshe amung Sara labah.

Nüsa tsütabahbah, tüsho ju I le nü dükeak tangzüng amütsan labah.

Tüshe nü kilim Saranü zübejihpü lakhi Isak kheak hadüchoki kim shikam I tangzüng zobah.”

Nüsa lünbo ching nüsa yamkhün chingnü asürükhi yungsho nüsa tsührü yungde khiungkerü shonü thulode arükhi thsüthsü nüsa bolung athrürü aban nimung tizheah thsüsho tsütabahbeah. Nü yam chingnü azübekhi tüsho nü shonü thulode arükhi tsütabahbeah, tüsho I tangzüng ju nü shih ching akheam müla tangzüng labah.