Ayat-ayat Alkitab Ternama dari A Zã Sõng 6

Berbagi

T'a Zezi leok: «Yaa maam la bur sẽn kõt vɩɩm. Sẽn wat-a mam nengẽ, kom kõn yõk a soab abada ye; la sẽn tẽed-a maam, ko-yũud kõn yõk a soab abada ye.

Yaa sɩɩga la vɩɩma yẽgre, yĩnga ka yõod ye. Goama m sẽn togs yãmbã yila m nengẽ la bãmb n kõt vɩɩm.

Da tʋm-y n bao rɩɩb ning sẽn sãamda wã ye, tʋm yã n bao rɩɩb ninga sẽn paada, n kõt vɩɩm sẽn kõn sɛ; la Ned Biiga sẽn na n wa kõ-a yãmb a soaba, tɩ yaa bãmb la Wẽnnaam Ba mak ne b makre.»

Yaa m Ba sẽn tʋma maama raabo, tɩ ned ning fãa sẽn yãenda Biiga la a tẽ bãmba bɩ a paam vɩɩm sẽn kõn sɛ, la m vʋʋg-a dũni sɛɛb raare.»

T'a Zezi leok-ba: «Tʋʋmd ning Ba sẽn date, yaa tɩ y tẽ bãmb sẽn tʋm a soabã.»

Ba sẽn kõ-m ned ninga fãa na n wa-la m nengẽ, la sẽn wat-a m nengẽ, m kõn dig a soab n yiis abada

T'a Simo-Piyɛr leok ba: «Tõnd na n kẽnga ãnna nengẽ? Yãmb bal n tar vɩɩm sẽn kõn sɛ goama.

Maam la bur vɩɩga sẽn yi arzãna. Sẽn dɩta bur kãnga, a soab na n vɩɩnda daar fãa. La m paasdame tɩ bur ning m sẽn na n kõ a soabã, yaa m yĩngã nemdo, dũni rãmb vɩɩm yĩnga.»

Ned ba a ye ka tõe n wa mam nengẽ m Ba sẽn tʋma maama sã n ka tak-a n kõ-m ye, la m na n vʋʋg a soab yaoolem daare.

tɩ bur ninga Wẽnnaam sẽn kõtã, yaa sẽn yit-a arzãna, la yẽ n kõt dũni wa vɩɩm.»

Mam la bur sẽn kõt vɩɩm.

A Zezi yaool n deega burã n pʋʋs Wẽnnaam bark n pʋɩ rɩtbã; b kõ-b-la zĩma me boto, wala b sẽn da rat tɛka. La b sẽn waa n dɩ n tɩge, a Zezi yeela b karen-biisã: «Wʋk-y gɩrsa fãa sẽn kellã tɩ bũmb da menem ye.»

Karen-biisa rugsa koglgã n kaoos n yaool n yãe a Zezi tɩ b kẽnd kooma zug n kolgd bãmba, tɩ b yɛɛse. La b yeel-b lame: «Yaa maam, da zoe-y rabeem ye.»