Ayat-ayat Alkitab Ternama dari Yoh 13

Bagikan

Nipo sambano une ngumpa jemanja lilamusi lyasambano lyakuti: Mnonyelaneje jwine ni mjakwe. Mpela munanonyele une mula, jemanja akuŵajilwa soni kuti anonyelaneje jwine ni mjakwe. Naga mkunonyelana jwine ni mjakwe, pelepo ŵandu wosope tacimanyilila kuti jemanja mli ŵakulijiganya ŵangu.”

Myoyo une jundili Ambuje ŵawo ni Mwalimu jwawo, ngambile kucapa sampanoji sajo syawo. Jemanja nombe nawo soni akuŵajilwa kucapa sajo sya acimjawo. Une napele jemanja cisyasyo, kuti nombe nawo tacitenda soni mpela yinatendele une.

Yesu ŵamjanjile kuti, “Wawo ngakumanyilila pa sambano jino yingutenda une, nambo tacipikana cenene pasogolo pakwe pa yele yinduyi.”

Une ngumsalila jemanja yakuwona kuti: pangali acikapolo ŵakusaŵa ni ulamusi wakwapunda ambuje wawo, nipo soni jwakutumidwa ngaŵa kumpunda mkutumajo.

Pakuŵapo sambano jemanja amanyilile kuti yimbecete uneyi yili yakuwona, tacilupata lukondwa lwawo naga ayitendeje yele yinduyo.

Myoyo Yesu ŵajimi ni ŵawusile mkanjo wakwe, ni ŵataŵile mciwunu mwakwe nguwo jakupukutila. Kaneko ŵatasile mesi mwibeseni ni kutanda kucapa sajo sya ŵakulijiganya ŵala ni kwapukuta ni nguwo jiŵawete mciwunu jila.