Ayat-ayat Alkitab Ternama dari Génesis 3

Berbagi

Te ni jini ñasiꞌi yun ja guaꞌa kiti vixin kuun yutnu yun ja vi kaa ña ti, te ni ndakondiaꞌa ña ja luu ndevaꞌa ka ndaa kiti vixin yun, te guaꞌa ja vi kuu ndichi ña, te ni jaꞌnde ña in kiti vixin yun, te ni jaa ña ti, te suni ni jiñaꞌa ña ti ni jaa yii ña.

Te koo kuu kiti ndichi ndevaꞌa ka ini saa nuu ndiꞌi kiti yuku ja ni saꞌa Jitoꞌo Dios. Ni jikan tnoꞌo ndichi ña ti jin ñasiꞌi yun, te jiñaꞌa ti: ―¿A ndija ja ni kaꞌan Dios ja ma kuu vi kaa ron kiti vixin kuun nuu ndiꞌi yutnu kuii yaꞌa?

Te saꞌa rin ja vi kuni uꞌu tnaꞌa ron jin ñasiꞌi yaꞌa, te vi suni saa ni ndikin tata ron jin ndikin tata ña vi konee uꞌu tnaꞌa, te kuain niꞌnui xini ron, te maa ron guaa kayiꞌi ron xujaꞌi.

Te jiñaꞌa ya nuu ñasiꞌi yun: ―Nuu ñuꞌu lulu ron te skaya kuaꞌa ndevaꞌa rin ja kojatu chii ron, te vi ndee jatu ja niꞌni ron te koskaku ron seꞌe ron, te visi ni saa, su kokaꞌan ron yii ron, te suu de guaa kotatnuni nuu ron.

Te ndee tnaa ndee tatu ron, te saa koniꞌi ron ja vi kokaa ron guaa ndee nuu ndajiokuiin ron ja nduu ron ñuꞌu, chi ñuꞌu ni kuvaꞌa ron, te jin ñuyaka ñuꞌu kuu ron, te suni ñuyaka nduu ron ―jiñaꞌa Dios suaꞌa.

Te nuu teyii yun jiñaꞌa ya: ―Te roon ja ni kandija ron tnoꞌo ni kaꞌan ñasiꞌi ron, te ni jaa ron javixin yutnu ni tatnuni rin ja ma kuu kaa ron, te ja kuechi ron kuu ja tau tniaꞌa ñuꞌu yaꞌa, te kuaꞌa tnundoꞌo kotnaꞌa ron, te koniꞌi ron ja kokaa ron nuu ñundeꞌi yaꞌa nikuii nikani ni ja koteku ron.

Te jiñaꞌa Dios: ―¿Na in ni kaxtnoꞌo nuu ron ja oo vichi ron? ¿A masu ni jaa ron javixin yutnu ni tatnuni rin ja ma kuu kaa ron?

Te nuu ni keneꞌe ña ya jin de, te ni jani ya ia ka jinokuechi nuu ya ichi nuu kana nikandii jin in yuchi kani kai vi koko kuakuaꞌa jionduu ndiꞌi ichi kuaꞌan nuu oo yutnu taa jateku yun, ja vi kokoto ya ja tu na in kiꞌin.

Te Eva ni xnani Adán ñasiꞌi de, chi suu ña kuu siꞌi ndiꞌi ñayiu ñuyiu.