Ayat-ayat Alkitab Ternama dari Sâint Makyu 5

Berbagi

Et nou n' allume pas une làmpe pour la mettĕr sous l' bouissé; mais nou la mét sus un chandiller, à ceulle fìn qu' alle écllaire tous chaeux qui sont dans la maîson. Aïnchìn qu' vote lumiére llése d' vànt l's hoummes, à ceulle fìn qu' i véent vos bouannes œuvres, et qu' i glorifient vote Pére qui' est dans les ciux.

Vous êtes la lumiére du monde: une vìlle situâie sus une montâigne n' sairait pas êtĕr muchie

Bienhaeûraeux chaeux qui' ont l' coeur pur, parç qu' i verront Gyu.

Bienhaeûraeux chaeux qui' ont faïm et sét d' la justice, parç qu' i s'ront rassâsiaïs.

Mais mé j' vous dis: Aïmaïz vos enn'mis, faites bien à chaeux qui vous haïssent, et pryaïz pour chaeux qui vous persécutent et qui vous calomnient

Bienhaeûraeux les paures d' esprit, parç que l' royaûme des ciux est à iaeux.

Bienhaeûraeux chaeux qui trachent la paix, parç qu' i s'ront noummaïs éfànts de Gyu.

Bienhaeûraeux chaeux qui sont paisiblles, parç qu' i posséd'ront la terre.

Bienhaeûraeux chaeux qui sont persécutaïs pour la justice, parç que l' royaûme des ciux est à iaeux.

Bienhaeûraeux chaeux qui' ont piti d'autri, parç que nou‐s‐aira piti d' aeux.

Vous êtes haeûraeux quànd l's hoummes vous escllànder'ront, et qu' i vous persécut'ront, et qu' i diront fauss'ment toute sorte de mal contĕr vous à cause de mé. Réjouissous là‐d'ssus, et tĕrsaûtaïz d' jouaie; parç qu' une grànd récompense vous attend dans les ciux: car ch' est d' même qu' il ont persécutaï les prophétes qui' étaient d'vànt vous.

Bienhaeûraeux chaeux qui plleurent, parç qu' i s'ront consolaïs.

Vous êtes l' saill de la terre. Si l' saill perd sa forche, óve qui l' sal'ra‐nou? i n' est pus bouan à rien qu' à êtĕr houlaï d'hors, et pillvaûdaï par les hoummes.

Séyiz don vous étout parfaits coumme vote Pére qui' est ès ciux est parfait.

Mais contèntous d' dire: Vére, vére; ou, Nàn, nàn; car chu qui va au d'là, vient du malìn.

Vous avaïz apprìns qu' il a étaï dit: Ieil pour ieil, et dent pour dent. Et mé j' vous dis de n' pas faire tête au mal qu' nou veurt vous faire: mais si quiquiùn vous a cllamûsaï sus la jaue dêtre, offraïz‐lli étout l' aûtre.

Si don votre ieil dêtre vous scàndalise, érachiz‐lé, et houlaïz‐lé hors de vote veie; car i vaût mux pour vous qu' ùn des membres d' vote corps sét perdu, qu' si tout vote corps était houlaï en enfer. Et si vote maïn dêtre vous scàndalise, copaïz‐la, et houlaïz‐la hors de vote veie; car i vaût mux pour vous qu' ùn des membres d' vote corps sét perdu, qu' si tout vote corps était houlaï en enfer.