Ayat-ayat Alkitab Ternama dari YOHANIS 10

Berbagi

Iri nopo tulun do manakau om mongoi no panakau, om mongoi pamatai, om mongoi pamaraag o korikatan dau. Nga' kinorikatan ku nopo iyoho' om mongoi pamasi'd tulun, om aiso' i' o kokurangan dot id suang do koposi-posion diyolo'.

Iyoho' no o miagal di gompomogompi'd dumba' dot osonong. Iri nopo gompomogompi'd dumba' dot osonong om posodia' i' do matai do bagi' di dumba' dau.

Iri nopo dumba' ku om korongou i' do boros ku. Om kotutun oku i' diyolo', om tumanud iyolo' doho'.

Onuan ku i' iyolo'd koposion dit otopot kopio om i poingompus, om a' no iyolo' apatai do gisom dot alaid. Om iso' pod tulun nga' aiso' i' o milo'd magahau diyolo' do mantad id doho'.

Iyoho' no i wawayaan do dumba'. Isai nopo o sumuang do maya' doho' om aiso' no o koligagaanan; om misuang-suang nopondo iyau om misoliwan-liwan do mongoi pangakan-ngakan.

Iyoho' no o miagal do gompomogompi'd dumba' dit osonong. Poingkuro nopo i Tapa' do kotutun doho', om iyoho' nga' kotutun no di Tapa', om iyo oku no iyoho'ddi do kotutun di dumba' ku om iyolo' nga' kotutun i' doho'. Om posodia' oku do matai do bagi' diyolo'.

Iri nopo Tapa' ku, i pinapatahak diyolo' dot id doho', om agayo i' ko' koinsanai'd nunu nopo. Om iso' pod tulun nga' aiso' no o milo'd magahau diyolo' do mantad id di Tapa'. Iyoho' nopo om i Tapa' om iso-iso' i',” ka di Yesus.

Iyoho' no o miagal do gompomogompi'd dumba' dit osonong. Poingkuro nopo i Tapa' do kotutun doho', om iyoho' nga' kotutun no di Tapa', om iyo oku no iyoho'ddi do kotutun di dumba' ku om iyolo' nga' kotutun i' doho'. Om posodia' oku do matai do bagi' diyolo'.

Aiso' i' o tiso'd tulun do milo'd mamatai doho' dot ondung a' ku iyau pologoson do mamatai doho'. Iyoho' i' o popologos do patayon oku. Om milo oku i' do popologos do tinan ku'd patayon, om milo oku'd masi kawagu. Tu' iri no o pinonuhuan doho' di Tapa' ku do momonsoi,” ka di Yesus.

Om boros ka kawagu di Yesus, “Otopot i' kopio iti poboroson ku do poingkaa: Iyoho' no i wawayaan do dumba'.

Tulun nopo di godsian om it okon ko' gompomogompi' di dumba', om it okon ko' sanganu di dumba'ddi, om mogidu' i' do tumongkiad di dumba', ondung haro o toni dot okito dau do rumikot. Om ngoyon nondo di toni tabpaai om ngoyon pogitongkiad-kiado' i dumba'ddi.

Om boros ka kawagu di Yesus, “Otopot no kopio iti poboroson ku do poingkaa: Iri nopo tulun di sumuang do kandang do dumba' do mindakod di pagar, om a' nogi' maya' di wawayaan, tu' mindakod nogi' do maya'd ralan do suwai, om manakau i' om parampuk.