Ayat-ayat Alkitab Ternama dari Mutendeko 9

Berbagi

Ichi ndicho chimanyikwiro cha phangano ilo nkhwimika pakati pa ine na imwe, na pa vyamoyo vyose ivyo vili na iwe, ku miwiro yose muyirayira. Nkhuŵika chiŵingavura chane maŵingu, ndipo chiti chiŵenge chimanyikwiro cha phangano pakati pa ine na charu.

Para chiŵingavura chili mu maŵingu, ndamkulaŵiskapo ndipo ndamkukumbuka phangano la muyirayira, pakati pa ine Chiuta na vyamoyo vyose ivyo vili pa charu.

Yose uyo wakukoma munyakhe, nayoso wizamkukomeka. Pakuti Chiuta wakalenga munthu mu chikozgo chakhe.”

Chiuta wakatumbika Nowa na ŵana ŵakhe ndipo wakati kwa iwo, “Babanani ndipo mwandane na kuzuzga charu.

Vinyama vyose vyamoyo ivyo vikwenda viti viŵenge chakurya chinu. Nga ndi umo nkhamupirani vyakumera, sono nkhumupani vyose.

Vinyama vyose vya mu charu na viyuni vyose vya mudera, na vyakukhwaŵa vyose, na somba zose za mu nyanja, viti vimopaninge na kumbwambwantha panthazi pinu. Ndaviŵika mu mawoko ghinu.

“Sono imwe, babanani na kuŵa ŵanandi. Mwandane pa charu na kuchizuzga.”