Ayat-ayat Alkitab Ternama dari Genesis 18

Berbagi

Nhä dhika Garraywunydja?... ḏäl djämawu walŋu? Yo, yuwalk yana dhuwalanydja, ŋarra boŋguŋu roŋiyi lili, ŋulinyaramirriyu ŋunhi boŋguŋu waŋgany dhuŋgarra djuḻkthurru, ga ŋulinyaramirriyunydja boŋguŋu ŋayi yukirri Sarayunydja dhangi'yurruna yothunhana.”

Ga ŋunhi ŋayi Sarayu ŋäkulanydja, ŋunhi ŋayi boŋguŋu yothu'mirriyinydja, bala ŋayi dhunupana gitkitthurrunana, bala waŋanhamina ŋanyapinyay ŋayi bitjarra, “Nhä-ä. Worruŋuna dhuwala ŋarra yolŋunydja. Dhuḏitjnha ŋarraku yothu'wunydja gänharawu. Ga ŋunha dhuway'mirriŋu ŋarraku ga balanyarayi liŋgu worruŋuyi yana.” Yo, yuwalk ŋunhiyi yulŋunydja, Yipurayim ga Sara worruŋuna maṉḏa yana wirrkina, ga dhuḏitjnha nhanŋu yothuwu gänharawu, bala ŋayi Sara gitkitthurrunana yukurrana gayulnha.

liŋgu Yipurayimgalanydja mala-wunhara yurru mirithirrina walŋu guḻku'na yolŋu walala, dharrpalnha miṯtji, ga ŋuliwitjandhiyi nhanukalanydja ŋarra yurru wirrkina goŋmirriyama miṯtjinha bukmaknhana walalanha yolŋu'-yulŋunha.

Bala ŋayi Yipurayim waŋana Garraywala bitjarra, “Garray, nhaltjanna nhe yurru?... buma dhawar'maramana ŋamakurru'mirrinha ga yätjmirrinha yolŋu'-yulŋunha rrambaŋikumana? Mak ŋunha 50 yolŋu'-yulŋu ŋamakurru'mirrinydja ŋunhayi Djudumŋuranydja, ga nhenydja yurru mukthun yana buma?

Ga Garraynydja waŋana, “Ŋuli ŋarra yurru maḻŋ'marama 50-nha warray ŋamakurru'mirrinha yolŋu'-yulŋunha, ŋunhinydja ŋarra yurru yaka warray wäŋa buma dhawar'marama.”