Ayat-ayat Alkitab Ternama dari Khuurakikha 6

Berbagi

Nashiryo Umukasya kumutaambo kwaamuwaamba, weesonesa lwashiina aabuumba umuundu waamura khu shibala. Lwe kumutaambo kumukali ukwo

Umukasya waabona nga buubi bwe babaandu bwelooseele luukali khu shibala, naluundi nga buli shiindu shoosi sheesi baaba bambaasa mu myoyo kyaabwe, shabatsaka shiibi shonyene buli mbuka.

Ne Nowa yenyene niye isi Umukasya ekhoyela.

Luno nilwo luukano luluwaamba khu Nowa. Nowa yenyene niye uwaba umusaani umukwalaafu mu muboolo kweewe khu shibala. Niye aamenyatsaka mu butweela ni Wele.

kila aloma ari, “Ari intsya khuhesa babaandu boosi, beesi ise samweene nabuumba naara khu shibala, bawewo. Indi khuutsya khuhesa na bisolo byeene, ni bibyalaamila aasi, ni binywiinywi byoosi. Lwekhuuba ise nisonesa lwashiina nabibuumba.”

Babaandu nga ni beloosela khuuyiimba khu shibala, ni babaana bekhaana baaba nga basaalikha mu bukali, basooleli be ba wele baabona nga bakhaana bano bali baamiliwu naabi, kila beekha khu shibala khuuyilaka abo beesi baasiima. Kila Umukasya aloma ari, “Ise singene indekhe kumuukha kwase kwe buulamu khuumenya mu baandu biilo ni biilo ta, lwekhuuba nibo bali babaandu buundu. Ari buuleeyi bwe biifukhu by'omuundu kane byoole busa kimiiko shitoondo shitweela ni kamakhumi kabili (120).” Mu biifukhu ibyo, ni lwanyuma lwayo, aabawo ba Nefilimu khu shibala, babasaalikhana lwanyuma lwe basooleli be ba wele ni bakhaana be babaandu khuuyilana. Kino kyaba kimisaani kye kamaani kye mu biseela ibyo, nga nikyo kili kimisaani kikyamanyikhana naabi.

Aryo Nowa waakhola bibiindu byoosi nga Wele n'amulakila.

Kila Wele alomela Nowa ari, “Ise naakhaliilewo ilala khuuhesa shibala ni babaandu boosi babaashilikho. Lwekhuuba shibala shetsuule buubi bwonyene khulwaabwe. Nashiryo intsya khubahesa nibo atweela ni shibala sheene shoosi.

Ari iwe ni wiyombekheleyo wamweene likhoŋolo, nga uraambisa tsimbaawo tsindayi tse kuusaala goferi, mukari mwalyo uremo biseenge, ne mukari mweene ni khu ngaaki umaalekho ni patii.

Wele waalola khu shibala, waabona shetsuule buubi bwonyene, ni byeesi babaandu boosi bakhola nga biibi byonyene.

Iwe uli ni khukhwiinjisa mu likhoŋolo biilamu bibili bibili, shiseetsa ni shikhasi, nio binyale khuuramawo nga bili biilamu atweela ni nawe.