Ayat-ayat Alkitab Ternama dari Chɔ᷄ŋ 7

Berbagi

Le̍nde̍ i̍ cho̍ ī pōōnyīāā o̍ Yāu̍ Mɛ̄lɛ̄ka̍a̍ ni᷄ŋ ni̍ māā wānā o̍ wāna̍ dɔ̍ū tīīnda᷄ŋ ndɔ̄ɔ̍ o̍ ya̍ ni̍ŋ pɛ̍, wānā ko̍ŋ, pēēla̍ mɛ̄ŋma̍ ke᷅ wa̍nā yo̍o̍mū kpe̍e̍kpe̍i̍yo̍ la̍ŋ, lā wā ni̍ŋ chɔ̍nɔ᷄ŋndo̍ o̍ ndu̍ ni̍ŋ mī lā hīāū wo᷅lu̍ wo᷅lu̍.”

Mi̍ pāa̍le̍ bɔ̄ŋa᷅ŋ lābāfɛ̄i̍yo̍ lē mɛ̄ɛ̄lū le̍ŋ lē fūūlūū. Ndu̍yɛ̍, le̍ŋ le̍ wa̍ pāa̍le̍ bɛ̍ndūlē kpe̍e̍kpe̍i̍le̍ŋ le̍ bɔ̄ŋa᷅ŋndo̍ ho̍ō ni̍. O̍ pāa̍le̍ mɛ̍ɛ̍lāālē lēŋ chōo̍, mi̍ Chi̍i̍sū si᷅m mbo̍ dīmī chōo̍ cho̍o̍ āā, “Wānā o̍ wāna̍ kōlɔ̄ɔ̍ chō ō bīyāā, lā hu᷄ŋ nāa̍ ya̍ chu̍a̍ mī lā ko᷄l.

Chi̍i̍sū wa̍ māwāā dīōmnda̍ŋ nda᷅ŋ dīmīo̍o̍ a̍ Nyi̍na̍ Mɛ̄lɛ̄ka̍a̍ o̍kɔ̄ɔ̄ ō ndu̍ o̍o̍ nɔ̍ le̍ hūnɔ̄ɔ̄ wānāa̍ du̍a̍ū ti̍i̍nda᷄ŋ ndāa̍ o̍ ndu̍ Chi̍i̍sū ni̍ŋ nda̍ tōlɔ̄ɔ̄ kɔ̄ɔ̄lī wo̍. Bōōndi̍i̍ ke̍ŋ, Mɛ̄lɛ̄ka̍ ndu̍ o̍o̍ to̍sa̍ wɔ̍ mī Nyi̍nā ndɔ̄ɔ̍ ndu̍ o̍o̍ to᷅l wāŋnda̍ kɔ̄ɔ̄lī le̍, kāni̍ fo̍ndōle̍, ndu̍ o̍o̍ to̍sa̍ wɔ̍ mī Chi̍i̍sū lu̍ɛ̍ī o̍ nāŋɔ̄ɔ̄ ndɔ̄ɔ̍ ni᷄ŋ te̍.

Lā pɛ̄ŋgi̍ wa᷅ŋnda̍ yāma̍ŋ kīlūllo̍ le̍ kīōlɔ̄ɔ̍ le̍ŋ. Lā wa̍ wāŋndo̍ yāmɛ̍i̍ kīlūllo̍ pɛ̍, lā tōsa̍ ndi̍ o̍ nɛ̄ī sa̍kpo̍.”

Wāna̍ hu᷅ŋ ho̍ō mbō pɛ̄ɛ̄ku̍ wāŋnda̍ nyɛ̄ ndu̍ pi̍la̍ o̍ kɛ̍ɛ̍si̍a̍a̍ wo̍ wo̍, mɛ̄ɛ̍ wānā ko̍ŋ, ndu̍ pi̍la̍ le̍ tɔ̍ɔ̍ ndɔ̄ kɛ̍ndɔ̄ɔ̍ o̍ wa᷅ ki̍ndīo̍o̍ ni̍. Kɛ̍, wāna̍ ki̍ndī ho̍ō le̍ mī wāna̍ ve᷅m ndu̍ wo̍ ō sɔ̄la̍ tɔ̍ɔ̍ kɛ̍ndɔ̄ɔ̍ wo̍, mɛ̄ɛ̍ ndu̍ cho̍ wāna̍ di̍mī to᷅nya̍a̍ wo̍ ni̍. Ndu̍yɛ̍, wānā ko̍ŋ cho̍ wa᷅na̍ lāchōōwā le̍.

Mi̍ Chi̍i̍sū mu̍lī āā, “Mɛ̄lɛ̄ka̍ o̍ ve᷅m ya̍ wo̍, o̍ ndu̍ lo̍ pɛ̄ɛ̄kū ya̍ I̍ pɛ̍ɛ̍kū wa᷅ŋnda̍ wo̍ ō chɛ᷄ŋ ni̍. Ō cho̍ pɛ̍ɛ̍kū ni̍ ya̍ pi̍la̍ le̍.

Ya̍ I̍ cho̍ wāŋnda̍ dīmūllo̍ māā ka̍ālā ndāla̍ŋ lā ni᷄ŋ te̍. Le̍ he̍ī ya̍ nda̍ tūl le̍yɛ̍ ni̍. Nya̍ nya̍ sa̍bū o̍ sa̍bū cho̍ mā tu᷄l nya̍ lēyɛ̄ le̍ ndu̍ le̍.