Ayat-ayat Alkitab Ternama dari YOHAN 6

Berbagi

Yesu rueq, “Ngaz kuex rullungx wanx rvtauk, ngvy kox nuex kay jix waz kuex mkaq muinz rvmc svy rvhumc tuex rvmuq; ngaz muex kvmluimx jix waz kuex mkaq muinz khvmx svy rvhumc tuex rvmuq.

Rullungx tvraungx yaq kuex Tishox Siyac rueq rvtueq; Ngaz rueq nuimshiq muex jungx kuq vphaungx kvjaz htenc kuex rullungx tvraungx lot yaq Siyac nuex seng yaq.

Vbac vnvmx kay juing phvnx phuiuz vsvy tvkoc nauk hunglaungx kaz, kvruex tvraung, pattup rullungx tvlvp wvnc yaq bac muq nvmx muq phuiuz vsvy tvkoc hunglaungx wuez kuinz. Kvruex kuex Miq Saz rueq nuimshiq muex kuy juing phuiuz svy rvtueq, yvmx khoc lac ngoz ruiux lec Vwaz Tishox rueq vpiq muex ngauz vngax tvduic kuy wuez rvtueq,” ngoz tueq tvralc tueq.

Yvmx khoc lac ngoz ruiux lec Iwaz thuinroc lvmx kuex, Vsaz kuex khiz vtueq kvmluimx wvnc jix lotlaz muex pattup rullungx lvp wvnc tvkoc lvmx rvtueq. Ngaz rueq muinz vtvsuip raungnuiyq nuex tsuingshiq kuex tvyuing tvtenc wvnc shaungx,” ngoz tueq jungx kuq tueq.

Yesu rueq, “Tishox thuinroc lvmx ngoz yaq kuex vpiq rueq vtvkaz waz muex kvmluimx juing ngoc rvtueq,” ngoz tueq tvralc tueq.

Iwaz rueq ngaz muex kuq phuex lotlaz kuex ngvy kox nuex kaz wuez ruex. Ngvy kox nuex kay jix waz kuex ngaz rueq yurc gay shaungx rvmuq.

Simon Peter rueq, “Taungjix lex, nuiyshiq kuex ukhaq kox nuex lac waung tix? Mnoz rueq pattup rullungx kuq yaq bomjungc lvp vshuiux.

Ngaz kuex raungmungx wawc vsvt kaz vtvraungx wanx rvtauk. Kvruex wanx kuex phuiuz svy jix ukhaq yuq muinz pattup tvraungx httax tuex. Ngaz rueq kuy juing wanx kuex mungkawx miqsaz rullungx tvraungx tvkoc kuq shaungx ngvy ngvmx rvtueq,” ngoz tueq jungx kuq tueq.

Ngvy tvkay jix waz Iwaz rueq piq kuex ngvy kox nuex ruip rux kuq muq ngoz ruiux kuex ukhaq muinz ngvy kox nuex kaz lot muq; httuiuc kay jix waz kuex vtvsuip raungnuiyq ngaz rueq tvyuing tvtenc wvnc shaungx.

Yvmx khoc lac ngoz ruiux lec Tishox rueq kuq yaq wanx ngoz yaq kuex raungmungx maq svt kaz vtueq, mungkawx miqsaz muex rullungx kuy kay jix waz ngoc rvtueq,” ngoz tueq jungx tueq.

Ngaz kuex rullungx wanx rvtauk.

Kvkaq Yesu rueq wanx kuex lvmz vtueq Tishox muex kejux vyungx ngoz kuq ruiux, ngaungc yaq jix htenc kvmac phvlx kuq tueq, ngaq kvmuinz kvrulc rv-ngvlc phvlx kuq tueq. Miq htenc rueq muinz phoay laz phauk saq tueq. Tsuingshiq lotlaz rueq phoay laz phuiuz svy lot yix, vpiq rueq vpiq sangac hez muex ngoc, “Phuiuz bung svy bung htenc kuex wawz kaz muq tvkoc vhvlx waq tvjomx tsenz shuinz,” ngoz tueq.

Sangac bix kuex kilometer 6 tanc rvp wvnc tueq nuex Yesu kuex yuix htauk maq khuemx wvnc vtueq, lix hep nuex httuiuc wvnc yaq kuex tsuinghez rueq khiz vtueq hiyaz kawc yawc wuez tueq. Yesu rueq tsuinghez muex, “Nauk hiz kaz, ngaz rvtauk!” ngoz tueq.