Ayat-ayat Alkitab Ternama dari Jɔ̀ɔŋ 1

Berbagi

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Wèè paŋ wo Dayà banè wa e ɗuunyaàŋ, wo nyùnɔ̀ɔŋ àŋ nyaaŋ wa ke Mìè gbòauŋ nɛɛ̀ŋ wɔ wò yaào wa tɛ. Wo nyùnɔ̀ɔŋ ke Mìèɛ naŋ wa kɔ̀ɛ̀ ko sùà wɔ wò yaà wa koɓɛ̀ Dayài, yèè ke Mìèɛ nàŋ yaà wa wo Dayà wuŋ bi.

E gbolòùŋ nɛ mɛɛŋ ke nyìwìɛ sùà e teenga gbiŋ, yèè ke nyìwìɛ kòò kè ɓùwò wa è gbolòùŋ bi.

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Yèè esàɓù wo nyùùŋ bì sùà wo Dayà naŋ wa bànè manɛ̀ŋ maŋ gbiŋ. Wo Dayà gò wa bànè è nɛ̀ŋ gbiŋ èɓìèmàŋjɛ̀wɛ̀ wò nyùùŋ bi. Wuŋ nàŋ yaà wa ko tɔ̀ɔ̀tù wɔŋ nyiiŋ gèeɔ̀, yèè wɔŋ nyiiuŋ nɔɔ̀ŋ nàŋ wa kìɛ̀ŋ e gbolòùŋ koɓɛ̀ anyùùŋ nyaŋ gbiŋ.

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Ke Mìèɛ yaà wa koɓɛ̀ anyùùŋ nyaŋ e ɗuunyaàŋ sùà, kɛɛ wo nyùùŋ gbiŋ gòuŋ wa nyìmàŋ, jòòpɛɛ wo Dayà naŋ wa bànè e ɗuunyaàŋ e saɓùuŋ nɛ̀ sùà. Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Tɛɛ̀ nàŋ yaà wa e gbòlòùŋ tɔ̀ɔ̀nyaàaŋ e yèɛ yaà wa hìnìè e ɗuunyaàŋ wèè e mɛ̀ɛ̀ŋ anyùùŋ nyaŋ gbiŋ diɛŋ lɛ̀.

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.