Ayat-ayat Alkitab Ternama dari Matius 4

Berbagi

Taan isowat i Yesus, “Ang Kitap Le'nas aipatic in tana'i, ‘Sé tou menonou ra'ica asaloke' i roti, taan ka'i asi Taar si cumesot am ba'ba' i Amang Kasuruan owo.’ ”

Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”

Taan icua i Yesus ai sia, “Awéan ka'i en aipatic ang Kitap Le'nas in tana'i, ‘Tioo ko mangepé' a si Casuruan, Amang Kasuruanmu.’ ”

Kekawus in itu si Yesus iwali i Roh Le'nas an tana' kapayasan em pangepé'an i kikiiten é sétang. Sia muasa eng kauréna epat ngapulu' ngando wo epat ngapulu' ngawengi, wo Sia makapendamo in arem.

Icua i Yesus ai séra, “Mayo, kumiito mai Yaku! Émaan-Ku oka kamu mengaéré tou eng kumiit Yaku.” Kelinga in itu, makala'us itela'u éra en lolombo' wo kumiit si Yesus.

An tutuw itu si Yesus tumo'tolo kumua a sé tou, “Mape'diso mangé, ampa'paan eng Kakolanoan i Amang Kasuruan makatawio!”