Ayat-ayat Alkitab Ternama dari MWAMBĨLĨLYO 17

Berbagi

Na yĩla Avalamu waĩ wa myaka mĩongo kenda na kenda, Yeova amumĩlĩla Avalamu, na amwĩa, Ninyie Ngai Mwene Vinya W’onthe; endaa mbee wakwa, na ĩthĩwa wĩ mwĩanĩu.

O na ndũketwa ĩngĩ syĩtwa yaku Avalamu, ĩndĩ syĩtwa yaku yĩkeethĩwa Avalaamu; nũndũ nĩnakũtw’ĩkĩthya ĩthe wa mbaĩ mbingĩ mũno.

Na ngalũlũmĩlya ũtianĩo wakwa katĩ wakwa naku na ũsyao waku ĩtina waku mosyaanĩonĩ moo wĩthĩwe wĩ ũtianĩo wa tene na tene, nĩthĩwe nĩ Ngai kwaku na kwa ũsyao waku ĩtina waku.

Nyie, sisya, ũtianĩo wakwa wĩ naku, na ũkeethĩwa ĩthe wa mbaĩ mbingĩ mũno.

Na Ngai asũngĩa, Aiee, ĩndĩ Sala mũka waku akakũsyaĩa mwana; naku ũkeeta syĩtwa yake Isaka: na ngalũlũmĩlya ũtianĩo wakwa nake wĩthĩwe ũtianĩo wa tene na tene kwondũ wa ũsyao wake ĩtina wake.

Na ngakũnenga we, na ũsyao waku ĩtina waku, nthĩ ĩla wĩkalaa wĩ mũeni, nthĩ yonthe ya Kanaani, yĩthĩwe ng’ũndũ yenyu tene na tene; nakwa ngeethĩwa Ngai woo.

Na ĩndĩ Avalaamu avalũka na ũthyũ wake, na atheka, na akũlya ngoonĩ yake, Ũla wĩ myaka ĩana akasyaĩwa mwana? Na Sala, ũla wĩ myaka mĩongo kenda, akasyaa?

Na Ngai amwĩa Avalaamu, Nake Salai mũka waku, ndũkamwĩte Salai, ĩndĩ syĩtwa yake yĩkeethĩwa Sala.

Mũkaĩkwa nyama ya ikonde sya mbinũ: nayo ĩkeethĩwa ũvano wa ũtianĩo katĩ wakwa naku.

Ĩndĩ ngalũlũmĩlya ũtianĩo wakwa na Isaka, ũla Sala ũkakũsyaĩa ĩvinda ta yĩĩ mwaka ũla ũngĩ.

Na ũla wa matukũ nyanya katĩ wenyu akaĩkwa, kĩla mũndũ mũũme mosyaanĩonĩ menyu, ũla ũsyaĩtwe nyũmbanĩ, kana ũla ũthooetwe na mbesa kwa mũeni o na wĩva w’onthe ũte wa ũsyao waku. Ũla ũsyaĩtwe nyũmbanĩ kwaku, na ũla ũthooetwe na mbesa syaku, ndakatĩa kwaĩkwa: na ũtianĩo wakwa ũkeethĩwa mwĩĩnĩ wenyu wĩthĩwe ũtianĩo wa tene na tene.