Ayat-ayat Alkitab Ternama dari JOHANE 16

Berbagi

Dilo tse ke di buile le lona, gore lo nne le kagiso mo go nna. Mo lefatsheng lo na le pitlagano; mme nametsegang; ke fentse lefatshe.”

Le fa go ntse jalo, mogang one Mowa wa boammaaruri o tsileng, o tlaa lo gogela mo boammaaruri o tsileng, o tlaa lo gogela mo boammaaruring jotlhe; gonne ga o ketla o ipuisa ka osi; mme dilo tse o di utlwang le fa e ka nna dife, ke tsone tse o di buang; mme o tlaa lo bolelela dilo tse di tlaa tlang.

Ga lo ise lo ko lo lope sepe ka leina la me le gompieno; lopang, mme lo tlaa amogela, gore boitumelo jwa lona bo dirafale.

Le fa go ntse jalo ke lo bolelela boammaaruri; go ka nna molemo ka ga lona fa ke tsamaya, gonne fa ke sa tsamaye, Mogomotsi ga a ketla a tla mo go lona; mme fa ke tsamaya, ke tlaa mo roma mo go lona. Mme ene o tlaa re a tsile, o tlaa senolela lefatshe molato ka ga boleo, le ka ga tshiamo, le ka ga katlholo

Ke gone le lona lo na le bohutsana gompieno; mme ke tlaa ba ke lo bona, dipelo tsa lona di tlaa itumela, mme ga go ope yo o tlaa lo tlosetsang boitumelo jwa lona. “Mo letsatsing leo ga lo ketla lo mpotsa sepe. Ammaaruri, ammaaruri, ke a lo raya, fa lo lopa Rara sengwe, o tlaa se lo naya ka leina la me.

Ammaaruri, ammaaruri, ke a lo raya, lona lo tlaa lela, lo hutsafala mme lefatshe le tlaa itumela; lo tlaa nna le bohutsana, mme bohutsana jwa lona bo tlaa fetoga boitumelo.