Ayat-ayat Alkitab Ternama dari Akisy. 17

Bagikan

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Nyenyarao nabo ekiro kon Aburam, nai enyarao ekiro kon Aburaam, anerae eketuruwo ayoŋ iyoŋ papa ŋakwapin a ŋuna alalak.

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

“Aneni kaŋ, erae na acamunet kaŋ ka iyoŋ; iruwor iyoŋ papa a ŋakwapin a ŋuna alalak.

Tema Akuj, “Mam, euruuni aberu kon Sara ikoku ŋinisapat aŋuna kon, ido ilimokini iyoŋ ekiro keŋ Isaka. Ewuak ayoŋ acamunet kaŋ ka iŋes erae ŋina a ŋikaru ka ŋikaru a ŋuna a ŋiletok keŋ.

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Toryedik Aburaam, kijuuru todol ereet kwap, ido tokyeni. Kiŋis bon alotau keŋ tema, “Epedor mono ikoku auruun alokile a ŋolo adol ŋikaru keŋ amiat a? Epedori mono Sara ŋina adol ŋikaru ŋatomonikanikaomwon auruun ikoku a?”

Tolimok Akuj Aburaam tema, “Nyinyarae nabo iyoŋ aberu kon Sarai, nai eruwor ekiro keŋ Sara

Kileŋera ikes toruwor ŋol emacar ŋolo ka acamunet kaŋ ka iyes.

Nai acamunet kaŋ ka iyoŋ, etogogoŋi ayoŋ aneni a Isaka a ŋolo euruuni Sara aŋuna kon apaki napei na ekaru ŋolo moi.”

Ananyameta kus a daadaŋ, itemokino kileŋerae ŋidwe ŋulusapa daadaŋ apaki ŋina edolio ŋinikoku ŋirwa ŋikanikauni, itemokino kileŋerae tari ŋidwe a ŋipi ŋulu idounio alorerya kus ka ŋulu igyelunete iyes alotuŋa a ŋulugelae, a ŋulu nyerae ŋidwe a ŋiletok kus. Kire jik, ŋisapa daadaŋ ŋulu idounio alorerya kus ka ŋulu igyelunete iyes, itemokino kileŋerae. Ŋun iturubakinete acamunet kaŋ ka iyes eyai neni kus erae ŋina a ŋikaru ka ŋikaru.