Ayat-ayat Alkitab Ternama dari Akisy. 32

Bagikan

Tema iŋes neni a Yakob, “Nyenyarao nabo ekiro kon Yakob, nai enyarao Isirael, anerae idayu iyoŋ akisilek Akuj ka ŋituŋa, ido ibu iyoŋ kidaŋidaŋ.”

Tema nai ekile ŋol neni a Yakob, “Kimyekinae ayoŋ olot, anerae ewala akwap.” Toboŋok Yakob tema, “Nyekemyekini ayoŋ iyoŋ tolot, mati kikiterereŋ iyoŋ ayoŋ.”

Kidoŋ iŋes bon lokekwat ŋoloce, kisilek ekile ece iŋes akuwar kia akitodol iwalari akwap.

Tolimok Yakob ekiro a akibois a ŋin Peniel, ebala, “Erae nu aŋuna ikiŋolikinor ayoŋ ka Akuj ŋireetin, ido nyeara Akuj ayoŋ.”

Ani eyenuni ekile ŋol atemar pa apedorit iŋes akiloun Yakob, kidicak ekile ŋol Yakob lokalokot kai aloŋole, tolomu akai aloŋole alokalokot a Yakob apaki ŋina elyakatar ikes.

Kiŋit nai ekile ŋol Yakob tema, “Ŋae ekiro kon?” Toboŋok Yakob tema, “Yakob.”

Kiŋit nai Yakob ekile ŋol tema, “Ŋae mono ekiro kon.” Toboŋok nai ekile ŋol tema, “Kaanukiro iŋisitor iyoŋ ekiro kaŋ?” A nen, kiterereŋ ekile ŋol Yakob.

Eketimit ayoŋ ŋolo arae eketiyan kon tari epite ŋolo ikitoodikinia iyoŋ ayoŋ atemar irae iyoŋ ŋolo ka amina a ŋina nyiryaŋiryaŋa ka akiyookino. Apaki ŋina adokya aŋolol Yorodan, ayakar ayoŋ ebela bon, nai tokona, ayakar ayoŋ ŋauyoi ŋaarei.

Aŋun, anyoun akoloŋit ŋin, nyenyamete Ŋisirael ŋamori ŋuna eya kai aloŋole alokalokot a ŋolotyaŋ daadaŋ, anerae aponi kidicakinae Yakob namoriit ŋina a alokai aloŋole.

Tosodi Yakob tema, “Okoe Akuj a papa kaŋ a Aburaam, Akuj a papa kaŋ a Isaka, okoe Ekapolon ŋolo ibu itolimok ayoŋ ebe, ‘Toboŋo nakwap kon ka loyeneta kon, etiyae ayoŋ ŋuna ajokak neni kon.’

Ekelipit, toiunae ayoŋ anakan a ŋuna alokaato kaŋ ke Esau, anerae akerit ayoŋ iŋes, acepaki ebuni akiar isua daadaŋ ŋaberu ka ŋidwe.