Ayat-ayat Alkitab Ternama dari Lúcas 12

Berbagi

Yacajnaquéode udojo quigode u ujetiga dimane uágome yiríringárique yui to. Ga a aninañome jne eti Dupade utocaidi uyu yiríringai jogadi tu.

Mu cucha ueradi tu ujetiga ejnáñope uágaja Dupade iroquéode ga jé jogadi u ujetiga uacasuté Dupade tẽrája uágome cuchade udore jnese.

Mu ajusópise uaqueo ujetiga ca apótayo uacáringárique ugúcharã́cho. Uje uacarajáyo uje que ayorérique chimate raja pininaquérique ome dagúcha dipesérigo.

Ujetiga banguretigai déji ome Dupade guẽratígo yui ga a báyipie jogadípise Dupade. Mu ujetiga uacagúchabujnai déji jnumi udé ga a uacáyipie que jnoji uacagúcharigo gai gotique mu jé jogadi tu.

¿Ujetiga uaque gosi chejnápise dáyipierigui aja daquéraningai ga jé uté gosi quérãrásiji a? Úngare.

Mu Jesús catecãrápoi dacadigode ore rĩ ga chósi tome ore: –Jé ca ejnáñopise uacáyipiedie aja cucha pibotique jeoga uacaguidérigui ujetiga acueyoi cuchade udojo.

Jecute ca atodóyo cuchárique. Uje uacajnuéño chugúperenie gai ome Dupade. Ga susípise uaqueo to. Jé chuságaja batererodie uje Dupade chirajapise jnese.

Mu yirodigode uaque á, ca atodóyo. Uje garósipise uaque mu Dupade que chise uacanerotiguérique go. Mu nínapúsu re ome uaque ujetiga cho darása iji uaque. Enga ajéode u ujetiga oyo uacasuté iji uté rĩ.

Mu a Dupade guẽracho uacabotígo ome uaque jne. Jé uacamóño chugúpẽre utatadie to uje que guejnatique cus. Que chaca cuchárique rĩ. Que acatígo iguíjnarique cusapo rĩ. Mu uacamóño to uje Dupade átapie udire ga guẽrate ore posode ome ore. Mu Dupade ijnoraquei tome uaque sué chugúperenie udire gai.

Mu yuruode qui tu ujetiga ayáyo uaquedójnaringuéone ome uacacuegode udore cucha. Jeoga cucha piboso. Jeoga uacaguidei.

Ujetiga jec ũré enga Dupade chosõre cucha pojnánguenie ome úringanie ueradei, uje udire jĩrique ore beta, móitapũrérase ome uacaguidérigui ujetiga chisi ome uaque. ¿Gotique gu a uje garósi uacanguretigai ome Dupade a?

Jecute a ca ayorérique déji jne ujetiga pógu datique ga ca pirajaque iji quigade. Ga qué quigode upo rĩ ome puru pipoguiétigo uje diga chise dáringai pirajaque to rĩ.