Ayat-ayat Alkitab Ternama dari Lúcas 16

Berbagi

Uté gosi uje susípise deo ome ore iñomenie pláta garósirigui iji gari, ujetiga ore iñoméringui jiei iji gari doi ga susípise deo ome to. Jé basa ujetiga ca suse deo ome pláta garósirigui, ga adi jé u to ome pláta dipesedie uje ore noñome iji gari.

Uacarajáyopise uje que togome jnanírique ujetiga doi darósõre gárerigo ore ajéningo jnese. Uje áyipie quigode u uje chijnóra uñai. Jé chetaque uñai. Ga isocai jé u uje a pésupúsu uñai áyipiedie mu a chó uñeque áyipierigui gáyode. Ga jé gajnui tu uje que togome gosi ujetiga áyipie chijnóra Dupade mu áyipie chijnorapo plátadie rĩ iji deréjnarique.

Ujetiga ca pangurete uaque ujetiga ajuso plátadie guio iji pisijnaringuéone jogadi tudé erãpe, jé basa a ca pangurete uaque to ome Dupade iroquéode uje iroquéode udore oredie suépise cuchade jnese gáyode. Ujetiga gosi chirote cucha unejátique mu que chuse guio mu chijna péode ome re, enga a ca togome uté gosi ujetiga pangurete ome ujórigo ayoréo, enga a ca ore noñome cuchárique iji gosi gari.

Mu Abraham chojningame uté: "Úngare. Que isocai tu gotique. Ujetiga ca ore chise Moisés urusarane, Dupade uruode atatasórone ore unétique ga a jé ore gajnui tu ujetiga ca ore tangári deyasónique ayoré to ujetiga chiquetárase raja ore múñi iji dáringárique toque."

Jecute ujetiga jnanírique déji ujetiga cha dacotéraque mu chisapo ujóraque chequé rĩ ga gajnarenguipise adode. Chimera chequé quedéjnaraque ome re gu. Mu jé isocai tu ome jnanírique ujetiga ujórique jnani iyague dacoté, ga uté gosi chisa mu jé isocai tu bajai uqué jmapié.