Ayat-ayat Alkitab Ternama dari Ɖúù 23

Berbagi

Jízɛ̀ ɖá, “Ḿ Ɓǎ, zĩ̀ìn waà nyuu-ɖɛ̀ɔ̀ kɔ̃in, sepóɛɖé wa se ɖɛ wa nìà nyuɛń nyɛɛ dyi dyuò.” Ké wa nyu ma gbo-ɖàɓàìn-ɖɛ̀, ɓɛ́ wa ké ma ɔ ɖɔɔ̀ wa mìɔùn múin geìn.

Ké Jízɛ̀ cɛ̃ɛ ma ɔ gbo, ké ɔ ɖá, “Ḿ cɛ̃ m̀ jǎà gbo, zɛ̃̌ɛ̀ nìà kɛɛ, nì mu ɖé ḿ gbo nììn ɖé pá nɔ̀mɔ̀ dyíin mɔ̀à dyɔún wɛ̃.”

Ké ɔ cɛ̃ɛ Jízɛ̀ gbo, ké ɔ ɖá, “Ní jè mɛ nì m̀ hwìɖǐi, ti nì mu nì kã́á-ɓòɖòɔ̀ kɔ̃ muùn wɛ̃.”

Ɓó tia ɓaɖaa, Jízɛ̀ páná ma mú ɖé wuɖu zoo mú, ké ɔ ɖá, “Ḿ Ɓǎ, ḿ nyí ḿ mìɔùn m̀ xwa.” Ti ɔ cɛ̃ ma ɖɛa kɛɛ, púɛɛ, ɔ zà ma hwòɖǒ dya.

Ti wa nyini ma dɛ̀ ɓɛ́ wa ɖáìn “Nyɔǔn-dù-kpà” kɛɛ, ɖéɛ̀ wa kɔ̀ìn ma Jízɛ̀ kɔ́ɖɔ́sìɔ̀ kɔ̃in. Ké wa kɔ̀ìn ma ɖɛ-gbà-nyu-nyɔ̀ sɔ̃́ ɓěɔ̀ mɔ̀ùn kɔ́ɖɔ́sì kɔ̃in ɖekè. Ɖò nì ma Jízɛ̀ ɖiaún, ké ɖò nì ma ɔ kunuaún.

Ɔ ɓɛ́ìn ma dyóɖó-kò-dú-hwìɛ̀ jǔɛ, ké tíe kpɔ̃ ma ɓóɖó-kpàà dà séín tee, ké ɔ dyɛ̀ìn ma zii-dyòɖò-gbo-dyòɖòàǔn. Dyóɖóɔ̀ ɓɔ́ ma fãa. Ké faà-ɖɔ̀ ɓɛ́ ɔ ɓá ma ɖé Gèɖèpɔ́ɔ̀ gbǒɔ̀ mú dyiíɛɛ fá ma mú.

Ti ɓɛ́ gàa ɓɛ́ ɔ kɔ̃̀ sójà hɔ̃dɛ̀ɖɛ̀ ɖò wuɖuíɛɛ dyé ɖɛ ɖǎ ma kà kpá kɛɛ, ɔ nyí ma Gèɖèpɔ́ɔ̀ ɓàìn-ɓàìn, ké ɔ ɖá, “Gàa nìà kɛ mɔ̀ dyí-sɛ́ɖɛ́ìn-nyɔ̀ jǎà.”