Ayat-ayat Alkitab Ternama dari Matius 2

Berbagi

Ya' sika tamang yato di dasang anna ungngitai yato änä' sibaha Maria indona. Sika mengkuntu'mi umpenombai yato änä' anna umbuhkeii paongeang aka-akanna, mane nabeai yato pano di änä': bulahang, dama' bomammi' ang dioainte ‘kemenyang,’ anna rampa-rampa ang dioainte ‘mur.’

Puang Yesus dahi di hao di Bohto Betlehem, Poropensi Yudea, di tempona Herodes mendahi tomaraya. Puhai yatoo aha sangngaka-sangngaka to manähäng ungngita bintäng ang si disangai ‘Majus’ sule yaling mai di katimbingang allo le'ba' dai' di Yerusalem. Anna sika kutanai pano di ingkänna tau naoatee, ”Umbae' naongei änä' mane dahi ang la mendahi Tomarayanna to Yahudi? Aka' puha kiita bintänna yaling di katimbingang allo, dianto anna sulemang aka' la kipenombai.”

Tahpana sika ungngita yato bintäng tohho, ya' sika kahsi si'da-si'dang.

Ampo' naonge anna lambi'i tempona inde to manähäng la le'ba', ya' dai sika sumuleng pano di Herodes do napainsangngi didiona yato änä', aka' puha nalahang malaeka'na Puang Alataala yaling di pangngipi, lambi' sika sumule mangngola lalang senga'. Tahpana sika le'ba'i yato to manähäng ungngita bintäng, ya' aha buranne' malaeka'na Puang Alataala umpengkalanda'i Yusuf yaling di pangngipinna anna ma'karai naoatee, ”Kalehao anna umbahai ne änä' sibaha indona, anna maokoa' do ungngalai kalaemu pano di Mesir. Tohhokoa' di hao lambi' kutula' bouingko aka ang la umbabe, aka' Tomaraya Herodes lella' umpeäng ne änä' anna malai napatei.”