Ayat-ayat Alkitab Ternama dari MATIUS 5

Berbagi

Ow pelita ateremapomces, ar e pelita ember aman bwemkapimapom asan opok. Ar e pelita, pelita asan atewapomcemes. Erasan e pelita e cem aman ow takas sere aemtamcema. Inimasam ara, caram pelita cimin, ow bipu sere ememey. Ow masirin, e aemamokom akatas aporcemes. Aram, e onam op caricipic, asicimcemes.”

Caram asmat ow e asereas aememamokom. Ow, kota, sikon op aeapomces, ar e kota bwemcukumapom asan opok.

E jursumec opok jak ow, Allah bi aporcemes. Inimas e ow asan akat aemapmes.

Allah, e ow tarowat memem jak aserememames ow, ow tarowat atamemcema. Inimas e ow asan akat aemapmes.

Ca nat, jakaperey. E cajewew ow damos ajiomey. Caram Allah, asan akat, e ca jurusumaman ow bom, janim manimtamey.

“E Tuhan jirey cowok aemes ow e Onam Op Pemerintah Asan afiwcemes. Inimas e ow asan akat aemapmes.

Allah, ow damos boam bemapom ow, ‘E ow dotiperes ara,’ inim aecema. Inimas e ow asan akat aemapmes.

Allah e jak pwicak aemapmes ow, jak akat atatamcema. Inimas e ow asan akat aemapmes.

Wun ow, ow tarowat aemapmes. Ow nat, inim ow apormesnew, wunam ar e ow ajurusumamesnew, bare, e ow tarowat, asan akat aemapmes. E Onam Op Pemerintah Asan, bare aras ara.

Allah kawey ow serow ajiomames ow, serow ajiomcema. Inimas e ow asan akat aemapmes.

Ow car do mamkawi ow aporcan, wunam ar cemew car aatcannew, ar car ajurusumcannew, ar ‘Car pwicakas aemamokom,’ inim suw atakam aotawcesnew, bare asan akat aemapcomokom. E Allah onam op car atatamcanas, bare akatnakut ara. Inimas jak akatnakut emapey. Bap ara, ow e Allah atakam botaw owam ajurusumfesen. Ca nat, asep ow ara.”

E arma batawsicim opok ow, a capinmi takas atowopcemes. Inimas e ow asan akat aemapmes.

“Car, asmat ow agaram inim cimin ara. E nat, garam jema opok aemamescownew, ow e garam jemaas bwemokenemapom asan opok. E garam, bare pwicak ara. Ow e garam ajiwosomcemes. Aram e garam bwey aopowjarcemes.

Inimas ara, caram ow tarowat ememey— e onam op caricipic tarowat aememamar inim cimina.”

Car atayi aecokom, car, ‘Owo,’ inim cowok mamjiey. Caram, ‘Opok,’ inim cowok mamjiey. Car wun atakam aokawimcokom, er e Jursumec Ipic inim bi binip car atetamcanas ara.”

“Ow atakam aotawfes, ‘Ow, wun ow amanmok daniwis aemapomces, ow e ow amanmokam daniwis baemapomces. Ow, wun ow asis ajakamces, ow e ow asisam bajakamces.’ Inim aefes. Ca nat, jakaperey. Ow jokmen car aomomcannew, bic baji arapok. Ow e cabo ak aempocannew, e poman akam mamofirimtamey.

E cabo manmok, car dosa bwem aomcan, e manmok mamweremtewey. E camanmok daniwis aemamescow, bare car asan akat inim. E nat, Allah e cadam epcom neraka aman ajiwimcam, bare car asan pwicaknakut aemapcomokom. Wunam, e caban bo car dosa bwem aomcan, e ban mamsakamosomey. E caban daniwis aemamescow, bare cae asan akat inim. E nat, e cadam anakat epcom e neraka afiwapcokom, bare car asan pwicaknakut aemapcomokom.”